Eiliv Vinje - Universitetet i Bergen

ENKEL STIL 239
andre slags gjentakingsmønster, blir "avbalanserte", med antitesen som midtpunkt.
Han brukar bl.a. følgjande eksempel:
[1] Jeg tilstaaer gierne at Milt-Syge Folk ere ikke behagelige. [2] Jeg fortænker ingen,
der for Tiidsfordriv søger Selskab, at han holder sig fra deslige Folkes Compagnie. [3]
Jeg pardonnerer ogsaa en Jomfrue, om hun giver en miltsotig eller cholerisk Frier
Kurven. [4] Men det er ikke saadant, som jeg her censurerer: [5] jeg laster ikkun de
vrange Domme, som her fældes, [6] jeg laster dem som beskylde deres Næste for et
Temperament, som den selv ikke kand give sig. (Hagedorn Thomsen 1984, 31; tal i
hakeparentes som markerer hovudsetningar, er innsette her.)
Seks hovudsetningar, med einsarta rytme, med klimaks, og med eit midtpunkt som
gir symmetri. Dei tre første setningane er alle innrømmande, og har alle anaforisk
opning (førstepersonspronomen + eit "meine"-verb). Den fjerde setninga markerer
balansepunktet ved å bryta dette mønsteret i hovudsetninga, samstundes som den
gjentar det i undersetninga ("som jeg her censurerer"). Deretter blir mønsteret tatt
opp igjen i dei to siste setningane (Hagedorn Thomsen 1984, 31-32). Hagedorn
Thomsen taler her om klimaks i tydinga stigning 1 ; gjentakingane i dei tre første
setningane er ordna etter eit stigande mønster; den andre setninga er lengre enn den
første, den tredje lengre enn den andre. Dette er den rytmisk-musikalske sida ved
klimaks. Slutt- og toppunktet på denne kurva er setningane 5 og 6, som til saman
utgjer det tyngste leddet i klimaks-figuren som heilskap, etter det markerte midt-
eller balansepunktet i setning 4. Dette viser ei anna rørsle som finn stad ved klimaks,
ved sida av den rytmisk-musikalske stiginga, nemleg ei logisk inndeling i
motsetnader (33). På denne måten får klimaks-figuren hos Holberg ein funksjon som
er understrekande kva gjeld både ornamentering og tydeleggjering.
I tillegg til å vera viktig brikke i setningssymmetrien, er antitesen for
Hagedorn Thomsen også grunnelement i tankefigurane paradoks og ironi. Han gir to
definisjonar av paradokset, den eine refererer til det som er ubegripeleg i verda, den
andre - som har større interesse her - til ein tekstleg dynamikk, nærmare bestemt
"den proces, der går under fænomenernes overflade og drager den rette
sammenhæng frem. Paradokset afslører *