Eiliv Vinje - Universitetet i Bergen

222 KAP. 5.2
som tåpelege, nærmare bestem t slike som ingen forstår eller ingen bryr seg om å
forstå. Men samstundes blir det hevda at dei fleste studium er slik; på den måten blir
bestemminga også gjort absolutt. Og det er denne absolutterande tendensen som gjer
påstanden paradoks. At overdrivne studeringar kan gjera folk tåpelege, er ingen
radikal eller oppsiktsvekkande tanke; men at alle studeringar virkar slik, er ein
dristig påstand.
Slik spenning mellom relativ og absolutt bestemming er det også i MTkr I.100.
Ved første møte, i historia om Simonides, blir figuren jo meir, jo mindre knytt til eit
spesifikt spørsmål: "jo meere jeg tænker derpaa, jo vanskeligere kommer mig
Spørsmålet for". Det er altså ikkje tenking generelt, men tenking om dette spørsmålet,
som fører til forvirring. Men når påstanden blir gjentatt seinare, er det i meir absolutt
tyding: "Jo meere vi see, jo mindre see vi, jo meere vi tænke derpaa, jo meere
formørkes Forstanden". Denne påstanden kan forklarast som feilslutning også på
grunnlag av at ordet "see" blir brukt i to tydingar: (1) 'tenka' og (2) 'forstå'.
MTkr I.84 konkretiserer ein tanke frå Horats, om kritikken som er streng mot
alt middelmådig; den er særleg streng mot det som blir gjort av fri vilje, meir
lempeleg mot det som blir gjort fordi det er nødvendig. Horats formulerer det slik:
På visse felter tolereres med god grunn det middelmådige - en ordinær jurist og
sakfører kommer ikke opp mot den dyktige, veltalende Messalla og vet ikke så meget
som Aulus Cascellius, men han har likevel sin misjon. Men middelmådige poeter er
det ingen plass for, de tåles hverken i himmelen eller på jorden eller i bokhandlerens
utstillingshyller. (Horats Brevet om diktekunsten, 36.)
Holberg formulerer det bl.a. slik:
En bliver ombeden at synge eller dantse: Han undskylder sig, bliver paa ny presset,
og endelig synger eller dantser, som han best kand. En anden derimod inviterer Folk
at høre sin Stemme, eller at see sin Behændighed i at skiære Caprioler. Begge
acqvitere sig ilde. Den første haver milde Censores, efterdi han af Tvang giorde hvad
han kunde; den anden derimod underkastes haarde Critiquer, efterdi han uden Tvang
giorde, hvad han ikke kunde. (MTkr I.84, 73.)
Men Holberg har eit langt vidare sikte; han gir tanken - som rommar ein livsvisdom -
satirisk brodd ved å kopla den til implikasjons-figuren: jo meir folk kan, jo meir
tilbakehaldne er dei, og jo mindre dei kan, jo meir bramfritt klemmar dei på.