Eiliv Vinje - Universitetet i Bergen

Kap. 5.1
Paradoks som retorisk begrep
Termen paradoks blir brukt som begrep i ulike samanhengar og på ulike fagfelt. Som
retorisk begrep er bruken både varierande og sprikande, noko som lett kan føra til
misforståingar. Dette kapitlet er ein freistnad på å nyansera dette biletet, så langt som
eg finn det tenleg for den påfølgjande analysen av paradokset i Holberg-essayet.
Etymologi, vanleg språkbruk i antikken, paradoksografi
Paravdoxoß er eit gresk adjektiv, av parav som tyder 'imot', og dovxa som tyder
'meining', 'oppfatning', 'forventning'. 1 I klassisk gresk har ordet to tydingar: (1)
'contrary to expectation', 'incredible', (2) (title of distinguished athletes, musicians,
and artists of all kinds) 'the Admirable' (Greek-English Lexicon), og det er den første av
desse som er av interesse i vår samanheng. 2 Dessutan taler
1 Den andre lekken kan etymologisk bestemmast nærmare. Verbet dokeo og substantivet doxa er
ord med vide tydingsspektrum. "Dokeo heißt u.a. glauben, meinen, beschließen, scheinen, sich den
Anschein geben; doxa heißt Meinung, Vorstellung, Annahme, Wahn, Schein, Beschluß, Vorhaben, Ruf,
Ansehen, Ehre u.v.m." Begge orda kan uttrykka både positive og negative vurderingar av dei ulike
tydingane; det er konteksten som avgjer kva tyding det dreiar seg om i det enkelte tilfellet. På
grunnlag av slektskapet til det hebraiske kabod, kan substantivet doxa tilskrivast fleire tydingar. (Kraft
1992, 247 f.) "Das zugehörige [hebraiske] Verbum hat die Grundbedeutung 'schwer sein', sodaß die
kabod ursprünglich wohl Wucht, Gewicht, Gewichtigkeit bedeutet und von da aus zu Ehre, Glanz und
Gloria übergeht und dazu dient, die Majestät, die Herrlichkeit des Herrn zu bezeichnen" (Kraft 1992,
254).
2 Nokre eksempel: Xenofon bruker ordet om utgreiingar som er merkelege og usedvanlege og
treng til nærmare forklaring (Xenofon Cyropaedia VII.2.16); Demosthenes taler om påstandar eller
fordringar som er overraskande eller sjokkerande (Demosthenes Third Olynthiac 10); Pseudo-
Demosthenes seier at ein ufornuftig mann, ein som har mista all kontroll med seg sjølv, bare kan
bergast gjennom eit uventa og uberekneleg tilfelle (Demosthenes Against Aristogeiton 32); og Aiskhines
fortel om ein person som ein gong begynte å snakka til folk på ein overraskande vennleg måte
(Aiskhines On the embassy 40). (Historisches Wörterbuch der Philosophie, bd. 7, 81-82 gir fleire eksempel.)
Det nye testamentet inneheld mange paradoks (f. eks. Matt. 10.39: "Den som vinn livet sitt, skal missa
det, og den som misser livet for mi skuld, skal vinna det"), men sjølve ordet blir (ifølgje Kraft 1992,
249) brukt bare éin gong, i forteljinga om lækinga av den verkbrotne, i Luk. 5.26: Ei[domen paravdoxa
shvmeron. Her er tydinga 'uventa', 'forunderleg', 'påfallande'. Vulgata omset med "mirabilia" ("quia
vidimus mirabilia hodie"). Det latinske ordet har to hovudtydingar, (1) 'underleg', 'rar', 'merkeleg' og
(2) 'beundringsverdig', 'usedvanleg', 'herleg'. Norsk revidert omsetting av 1938 bruker "utrulege ting"
("I dag hev me set utrulege ting!").