Eiliv Vinje - Universitetet i Bergen
Eiliv Vinje - Universitetet i Bergen
Eiliv Vinje - Universitetet i Bergen
Create successful ePaper yourself
Turn your PDF publications into a flip-book with our unique Google optimized e-Paper software.
130 KAP. 4.2<br />
Forma tillet ordspråk, men det er også alt den toler av filosofi: "[…] the man who<br />
utters sententious maxims and exhortations seems to be no longer chatting in a letter<br />
but preaching from the pulpit" (232).<br />
Essens eller mangfald?<br />
I antikken er ein også med viten andre former for brev enn privatbrevet. Demetrios<br />
skil mellom brev til venner og brev til byar og kongar; dei siste "must be a little more<br />
elaborate, since we should consider the person to whom the letter is written" (234).<br />
Cicero deler mellom brev skrivne for bestemte ærend og brev skrivne bare for<br />
kontaktens skuld, og vidare mellom familiært brev og forretningsbrev. (Jfr. også<br />
Quintilian Inst. Or. IX.iv.19.) Demetrios blir rekna som forfattar til ei tekstsamling,<br />
ordna typologisk og innehaldande 21 typar brev, med beskriving av kva stil som<br />
passar til dei ulike typane.<br />
Allereie i antikken er det såleis eit problem kva innretning ein brevteori skal<br />
ha. Skal den fanga opp essensielle trekk ved forma eller skal den gjera greie for alt<br />
som kan reknast som brev? Antikkens familiare-definisjon kjem til kort overfor det<br />
mangfaldet som ein allereie då var medviten om.<br />
Illusjon eller framsyning?<br />
Men her er meir å grubla over: Viss teorien til Demetrios ikkje er dekkande, kvifor<br />
blir den då i det heile tatt sett fram? Viss brevet ikkje er anna enn naturleg samtale,<br />
skulle vel ein teori vera overflødig? Demetrios svarer indirekte på det siste<br />
spørsmålet når han gjer nærmare greie for kva han meiner med enkel stil i brev. Han<br />
viser til Artemon (utgjevaren av breva til Aristoteles) som hevdar at brevet er<br />
akkurat som dialogen. Dét kan det vera noko i, medgir Demetrios, m en det er ikkje<br />
heile sanninga. "The letter should be a little more formal than the dialogue, since the<br />
latter imitates improvised conversation, while the former is written and sent as a<br />
kind of gift" (224).<br />
Å skjula kunsten - celare artem - er ein påakta regel i antikk retorikk. Arbeidet<br />
med stilen må "[…] foregå så ubemærket som muligt", seier Aristoteles, "og det må<br />
ikke virke, somom man talte kunstigt i stedet for naturligt. Det naturlige virker<br />
nemlig overbevisende, medens det kunstige virker modsat" (Aristoteles Retorik 3.2.4,<br />
1404b). Og Cicero åtvarer mot at kunstgrepa "skal falde i øjnene som et stykke<br />
Kleinkunst" (Cicero Orator 44.149-150). Når kunsten skjuler sine kunstgrep, skaper<br />
den illusjon, seier Ovid i historia om Pygmalion (Forvandlinger X.252-97). Den same<br />
tanken gjer seg gjeldande når han i Ars Amatoria peiker på brevet som effektivt grep i
Change language