Create successful ePaper yourself
Turn your PDF publications into a flip-book with our unique Google optimized e-Paper software.
AKTUELT<br />
Treninga gav resultat:<br />
JULIE SYNNØVE ER<br />
GODKJENT FOR TO NYE ÅR<br />
Du hugsar sikkert maskinsjefen som måtte gjennom ei livsstilsendring for<br />
å få helseattesten på plass. Etter mange harde crossfitøkter gav<br />
sjømannslegen gladmeldinga om godkjenning for to nye år. Det betyr<br />
likevel ikkje at Julie Synnøve Bøe legg joggeskoa på hylla.<br />
KARI STAUTLAND<br />
Redaktør <strong>Navigare</strong><br />
For to år sidan fekk maskinsjefen på<br />
Bastø III beskjed om at ho måtte ned<br />
i vekt for å behalda helseattesten.<br />
Etter ei livsstilsendring er Julie Synnøve<br />
Bøe rett og slett blitt glad i å trena. Det<br />
gjekk opp for henne då ho gjekk gjennom<br />
ein sjukdomsperiode tidlegare i år.<br />
– Det eg sakna mest var å trena, fortel<br />
Julie, som <strong>Navigare</strong>-lesarane først stifta<br />
kjennskap til i juni 2017. Då hadde ho delt<br />
ambisjonane om å slanka vekk 30 kilo på<br />
30 veker på Instagram. Målet viste seg å<br />
vera i overkant ambisiøst, men innsatsen<br />
førte til at Julie i fjor haust fekk godkjent<br />
helseattest for eitt år. No er endå eit år<br />
gått, og resultatet av treninga er ein fersk<br />
helseattest gjeldande for to nye år.<br />
TOMMEL OPP FRÅ LEGEN<br />
– Det var så utruleg deileg å få den<br />
beskjeden av sjømannslegen. Eg var litt<br />
uroleg i forkant fordi sjukdom hadde satt<br />
meg ut av spel ein periode. Sjømannslegen<br />
var veldig nøgd, sjølv om eg manglar litt<br />
på BMI’en, for resultatet på alle testane<br />
var veldig bra. Han var også nøgd med at<br />
eg hadde gått ned sju kilo sidan i fjor, sjølv<br />
med ein lang sjukdomsperiode, seier ho.<br />
Du kan følge Julie Synnøves vei mot målet på Instagram: Julie.synnove<br />
LETTARE: Sidan Julie Synnøve Bøe la om<br />
livsstilen i 2017, har ho gått ned 13 kilo.<br />
FOTO: TOBEIN K. GAMST/SJØFARTSDIREKTORATET<br />
Heftige crossfit-timar og orienteringsløp<br />
har blitt faste element på vekeplanen til<br />
Julie, i tillegg til at ho er meir oppteken av<br />
eit sunt kosthald.<br />
KVITT MYKJE VERK<br />
Julie merkar tydelege endringar sidan livsstilen<br />
blei lagt om våren 2017. Før kunne<br />
ho kjenna på verk i kne og hofter, i tillegg<br />
til at ho lenge har slite med ryggproblem.<br />
– Problema med kne og hofter forsvann<br />
heilt, medan ryggproblema kjem tilbake<br />
dersom det eg har gått ei stund utan å<br />
trena. I tillegg er humøret meir stabilt,<br />
fortel 47-åringen. Å gå frå maskinrommet<br />
og opp på brua utan å bli heilt utmatta er<br />
heller ikkje noko bakdel.<br />
– Det å vera maskinsjef på Bastø-ferja<br />
er ikkje den mest krevjande jobben reint<br />
fysisk, men ein skal jo kunna prestera i ein<br />
naudssituasjon, og ikkje vera til fare for<br />
seg sjølv eller andre. Det er jo difor me<br />
har krav om helseattest, seier Julie. No er<br />
ho igjen frisk og «fit for fight»:<br />
– 30 kilo er framleis målet, slår ho fast.<br />
MOTIVERER: Å legga ut treningsbilde på Instragramkontoen<br />
Julie.synnove har blitt ei inspirasjonskjelde<br />
for maskinsjefen.<br />
56 | <strong>Navigare</strong> 4 - <strong>2018</strong>