Navigare nummer 4 - 2018

TEK OVER: Jon Magnus Haga (t.h.) tek over som leiar for Norsk senter for maritim medisin og dykkemedisin
etter Alf Magne Horneland, som har leia senteret sidan starten i 2006.
FOTO KARI STAUTLAND/SJØFARTSDIREKTORATET
dømes spurte reiarlaget sjølv om råd når
oppryddingsarbeidet etter Deepwater
Horizon-ulykka skulle setjast i gong. Ein
annan gong var det utbrot av tuberkulose
på eit norsk-flagga skip i amerikansk
hamn.
For to år sidan blei også dykkemedisin
ein del av senteret ved Haukeland Universitetssjukehus.
Der finn ein også eit hyperbart
cellekulturlaboratorium for forsking.
Yrkesmedisinsk avdeling som senteret er
ein del av, har også ein arbeidsmedisinsk
poliklinikk, ein allergologisk poliklinikk og
har ein eigen seksjon for hyperbar
oksygenbehandling – for heile Noreg.
RADIO MEDICO
Dei seks legane som inngår i skiftordninga
til Radio Medico, legevaktsordninga for
skip og sjøfolk, har også sentralen sin på
senteret. Den døgnopne tenesta er basert
på heimevaktordningar, men ved sentralen
har dei øvingsrom med kamera, der dei
mellom anna kan demonstrera medisinsk
hjelp over nettet. Dei gir også opplæringa
til navigatørar og andre som skal ha
medisinsk ansvar om bord.
– I snitt tar dei hand om 1500 pasientar
i året, og gir mellom 3500 og 4000
konsultasjonar til pasientar om bord på
skip verda over. Tenesta er gratis, og er
ein del av redningstenesta i samarbeid med
Hovedredningssentralen og Kystradioen.
Dei gir medisinske råd over telefon, og i
meir alvorlege tilfelle er det opp til dei å
vurdera om det er nødvendig å evakuera
pasienten eller ikkje.
– Det krev litt mot å jobba som lege
her, fordi ein må ta avgjerslene på tynnare
grunnlag enn det legar på land gjer.
Normalen for oss er å setja i gang ei
behandling ut frå få diagnosekriterier,
fortel Agnar Tveten, som er leiar for
Radio Medico Norge.
– Mange trur at tilfella der pasientane
er midt på Stillehavet er dei vanskelegaste,
men det er faktisk vanskelegare å ta avgjersler
om evakuering når skip er nærare
land, seier Tveten.
fakta:
• Stortinget vedtok å oppretta Norsk senter for maritim medisin i 2005, og senteret fekk i mandat å
samla og formidla kunnskap om sjøfartsmedisin til reiarlag, fartøy, myndigheiter og andre brukarar.
Dei skulle også initiera og utføra forsking, registrera førekomst av sjukdom og ulykker til sjøs, gje
undervisningsstøtte ved utdanning av sjøfolk, og vera kontaktpunkt for internasjonalt samarbeid på
feltet. Senteret skulle også driva Radio Medico.
• Etter kvart kom senteret inn på budsjettet til Helse Bergen HF og Helse Vest RHF, og 1. juni 2006
blei Alf Magne Horneland tilsett som leiar, med Arne Johan Ulven som nestleiar og forskingssjef.
• I 2016 blei Senter for dykkemedisin innlemma, og det nye namnet blei Norsk senter for maritim
medisin og dykkemedisin. Senteret er ein seksjon i Yrkesmedisinsk avdeling.
• I dag har senteret totalt 21 tilsette, i 10-11 årsverk. Dei har ulike aktivitetar og seksjonar, som Radio
Medico Norway og eit hyperbart cellekulturlaboratorium for forsking. I tillegg har Yrkesmedisinsk
avdeling også landsfunksjon når det gjeld hyperbar oksygenbehandling, testing av astma/allergi
med provokasjonskammer, utgreiing av yrkesdykkarar med mistenkt yrkessjukdom. Dei har og ein
arbeidsmedisinsk poliklinikk, ein allergologisk poliklinikk og ein hyperbarmedisinsk seksjon.
Navigare 4- 2018 | 33