You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
SJØSIKKERHETSKONFERANSEN<br />
FRAMTIDAS SJØFOLK TRENG<br />
DIGITAL KOMPETANSE<br />
– Skulane følgjer ein læreplan der sekstanten er nemnt seks gongar, digitalisering to gonger.<br />
Her må noko gjerast, seier Tine Viveka Westerberg, som forskar på framtidas maritime kompetanse.<br />
KARI STAUTLAND<br />
Redaktør <strong>Navigare</strong><br />
Fokuset på digitalisering og behovet<br />
for «smartare sjøfolk» fekk Tine<br />
Viveka Westerberg ved Universitetet<br />
i Sørøst-Norge til å lura på om me er på<br />
veg frå hav til Nav. På Sjøsikkerhetskonferansen<br />
fortalde ho om funna frå<br />
forskingsprosjektet om framtidas maritime<br />
kompetanse<br />
– I fjor sa næringsministeren at me<br />
treng smartare sjøfolk. Eg lurte på kva i<br />
alle dagar det skulle bety. Er ikkje dagens<br />
sjøfolk smarte? Og kva meiner dei når dei<br />
snakkar om grønne og innovative sjøfolk?<br />
Dette er omgrep som blir brukt i dag, utan<br />
at det er sagt noko om kva kompetansekrav<br />
som følgjer omgrepa, seier Westerberg.<br />
KVA ER DIGITALISERING<br />
Ho har brukt to år på å forska på maritim<br />
kompetanse, mellom anna ved å senda ut<br />
ei spørjeundersøking til sjøfolk, snakka<br />
med reiarlag og ved sjølv å mønstra på eit<br />
skip for å sjå korleis livet til sjøs eigentleg er.<br />
– Det som blei heilt tydeleg, er at<br />
ingen veit kva digitalisering er, og korleis<br />
det vil endra jobbkvardagen deira. Sjøfolka<br />
hadde også ein mykje lenger horisont på<br />
dette med autonome skip enn det eg<br />
trudde på førehand. Overraskande mange<br />
meinte at dette ikkje kom til å skje i deira<br />
levetid, sa Westerberg.<br />
IKKJE FERDIGUTDANNA<br />
Ho fortel at mange sjøfolk etterlyser<br />
opplæring som rustar dei for framtida.<br />
– Me er ikkje nødvendigvis ferdigutdanna<br />
etter ein bachelorgrad. Næringa må<br />
OPPLÆRING: Sjøfolk etterlyser opplæring som<br />
rustar dei for ei digital framtid, seier Tine Viveka<br />
Westerberg. FOTO: BJARTE AMBLE/SJØFARTSDIREKTORATET<br />
DIGITAL: Sjøoffisersforbundets Hans Sande<br />
snakkar gjerne om nødvendig digitalisering av<br />
skipsfarten. FOTO: BJARTE AMBLE/SJØFARTSDIREKTORATET<br />
gjennom ei haldningsendring for å gje<br />
sjøfolka nødvendig kompetanse framover,<br />
sa Westerberg. Ho viste til at reiarlaga<br />
manglar eigne opplæringsopplegg og<br />
kjøper hyllevarer som ikkje er tilpassa<br />
reiarlaget sine behov.<br />
Leiar av Sjøoffisersforbundet, Hans<br />
Sande er definitivt ikkje blant dei som blir<br />
nervøse av å snakka om digitalisering av<br />
skipsfarten.<br />
– Eg kom ut av skapet i fjor. Det var<br />
ikkje lett å stå framfor venner, familie og<br />
kollegaer og sei: Eg er digital. Men det er<br />
eg, sa Sande frå talarstolen på Sjøsikkerhetskonferansen.<br />
Han er ikkje i tvil om at<br />
det autonome passasjerskipet vil koma på<br />
sikt.<br />
– Vi bør ikkje frykta det. Det ligg<br />
mange mulegheiter for å gjera skipsfarten<br />
tryggare gjennom teknologi, og nautisk<br />
kompetanse vil vera ein viktig del av det.<br />
Me kjem til å få nye oppgåver og det blir<br />
spennande å sjå korleis me skal løysa<br />
dette, sa Hans Sande.<br />
28 | <strong>Navigare</strong> 4 - <strong>2018</strong>