Unikum 3 – 2002 (september)
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Wenneslandsamlinga<br />
<strong>–</strong> heart beat for the art beat<br />
Har du lagt merke til den<br />
spesielle kunsten som<br />
heng på Kampus<br />
Gimlemoen?<br />
HiA og Kristiansand Katedralskole<br />
har tilsaman den største samlinga av<br />
Beat-kunst i verda. Dette er samlinga<br />
som kunne ha vore San Fransiscos<br />
største turistmagnet, men som dei ikkje<br />
ville ha <strong>–</strong> før det var for seint!<br />
Legen Reidar Wennesland (1908 <strong>–</strong><br />
1985) vart født i Kristiansand, men<br />
levde storparten av livet sitt i San<br />
Fransisco. Han vart kunstinteressert<br />
alt i gymnastida, og då han slo seg<br />
ned i San Fransisco i 1947, kom han i<br />
kontakt med kunstmiljøet i byen, beatnikarane.<br />
San Francisco var arnestad for<br />
beat-rørsla før hippiane sette preg på<br />
byen. Beat-diktarane og biletkunstnarane<br />
var dei første som tok til orde<br />
mot materialismen og åndsfattigdommen<br />
i USA i etterkrigsåra. Dei protesterte<br />
mot kappvæpninga, atomprøvesprengingene,<br />
hykleri i det amerikanske<br />
samfunnet og senator Mc<br />
Carthys hekseprosessar mot kommunistane.<br />
Klengenamnet beatnik fekk<br />
dei av journalisten Herb Caen då<br />
Sovjet skaut opp den første satellitten,<br />
Sputnik.<br />
Søppel i kunst<br />
Mange av beat-kunstnarane levde<br />
eit hardt liv med ulike stimulansar og<br />
mange døydde unge. Dei var fattige<br />
og hadde i mange tilfelle ikkje råd til å<br />
kjøpe fargar og anna materiell, men<br />
dei eksperimenterte friskt: raska med<br />
seg papir som skulle makulerast frå<br />
trykkeria i byen, brukte skrot og søppel<br />
i arbeida sine og vatna ut målinga.<br />
Dei fattige beat-kunstnarane var<br />
pasientar hos doktor Reidar<br />
Wennesland, og nokre av dei fattige<br />
kunstnarane budde hos han i periodar.<br />
Wennesland tok gjerne imot<br />
kunst som betaling, både for medisinsk<br />
hjelp o som husleige. Dessutan<br />
kjøpte han det han lika, og det hauga<br />
seg opp med kunst som det var lite interesse<br />
for i samtida.<br />
Stor gåve<br />
På 1970-talet gav Wennesland bort<br />
store delar av samlinga si til Agder<br />
Distrikshøgskole (no HiA) og<br />
Kristiansand Katedralskole. Tilbodet<br />
gjekk visstnok først til San Fransico<br />
by, som ikkje var interesserte, truleg<br />
fordi dei såg på samlinga som verdilaus.<br />
Det blir sagt at Reidar<br />
Wennesland heller ville ha<br />
samlinga si på skuleveggar<br />
der ungdom kunne få sjå ho,<br />
enn at kunsten støva ned på<br />
galleri.<br />
Fleire i San Fransisco har sagt at<br />
om byen hadde teke imot det dei i si<br />
tid såg på som verdilaus kunst, hadde<br />
Wennesland-samlinga truleg vore ein<br />
av dei største turist-attraksjonane i<br />
byen. No kan dei berre angre...<br />
Mykje å sjå<br />
HIA sin del av samlinga er plassert<br />
rundt om på Kampus Gimlemoen.<br />
Kunsten, som er bilete og skulpturar,<br />
er absolutt verdt ein kikk! Skulle behovet<br />
for å gjere noko anna enn å sitja<br />
på lesesalen bli stort (eller berre litt<br />
stort, kanskje?), anbefaler <strong>Unikum</strong> ei<br />
lita runde for å sjå samlinga som vekkjer<br />
glede, undring og kanskje litt sinne<br />
i nokon og einkvar!<br />
Tekst: Signhild Stave Samuelsen • Foto: Anders Bastøe<br />
Vil du lesa meir om samlinga?<br />
Sjekk ut<br />
www.wenneslandsamlingen.com/<br />
www.dagogtid.no/arkiv/1998/17/bo<br />
km2<br />
www.dagsavisen.no/kultur/kunst/20<br />
02/06/662926.shtml<br />
September <strong>2002</strong><br />
<strong>Unikum</strong><br />
7