Høyanger kommune - Sweco

Høyanger kommune
Ordføraren
Plan og byggesak
Saksnr. Dok-ID Arkivkode Sakshandsamar Dato:
13/2 13/3711 2013/001 RIF 23.04.2013
Reguleringsplan naust Østerbø
Vedlagt følgjer planutvalet sitt vedtak i saka.
Med helsing
Rita Flaten
politisk sekretær
Postadr.: Besøksadr.: Telefon: Bankgiro: E post:
Postboks 159 Aug. Gunnarskogsgt. 1 57 71 15 50 3720 12 79764 postmottak@hoyanger.kommune.no
6991 Høyanger 6993 Høyanger Org.nr. 944439838 www.hoyanger.kommune.no

Høyanger kommune
Møtebok
Utval Møtedato Saksnr
Planutval 18.04.2013 008/13
Reguleringsplan naust Østerbø
Rådmannen si tilråding:
Planutvalet vedtek oppstart av reguleringsplan for Hagereset, Østerbø. Planoppstart skal
varslast i samsvar med PBL § 12-8.
18.04.2013 Planutval
Geir Helge Østerbø gjekk frå som ugild.
FP-008/13 VEDTAK - samr. som tilråding.
Side 2 av 4

4
4
4
4
4
4
4
4
4
4
Saksutgreiing
Sakshandsamar:
Synne Vefring
Arkivkode:
2013/001
Arkivsaknr
13/2
Vedlegg:
Brev - Anmodning om oppstart 12032013.pdf
Planavgrensing Hagereset.pdf
Notat KU.pdf
Referat oppstartsmøte
Bakgrunn
SFE Produksjon har inne søknad hjå OED om konsesjon for bygging av Østerbø – Randalen
kraftverk. I samband med ei ev. kraftutbygging skal det byggjast kraftstasjon inne i fjellet på
strekninga mellom Søreide og Østerbø. Overskotsmassar skal jf. konsesjonssøknad
deponerast i Østerbøvatnet, rett utanfor tunnelmunningen til ny kraftstasjon.
Etter innspel frå grunneigarar har SFE Produksjon hyra inn SWECO for å utarbeide
reguleringsplan for Hagereset, rett nordaust for området til Østerbø Maskin AS (sjå vedlegg).
Bakgrunnen er eit ønskje om å bruke noko av steinmassane frå arbeidet med ny kraftstasjon,
til å etablere rekreasjonsområde (friområde/park), med moglegheit felles naustanlegg. Dette
skal skje gjennom utfylling og planering langs i strandsona på gnr. 16 bnr. 10, samt utfylling i
Østerbøvatnet.
Eit slikt tiltak vil ikkje bli behandla i samband med konsesjonssøknad for utbygging av
Østerbø – Randalen kraftverk, då det ikkje er direkte knytt til kraftutbygging. Dette inneberer
at tiltaket må behandlast som eit eige tiltak etter Plan og bygningslova.
Vurdering
Planområdet omfattar delar av kommunal veg, strandsone og areal i sjø. Området er ikkje
tidlegare regulert, og er avsett til LNF i kommuneplanen. Med bakgrunn SWECO sine
vurderingar (sjå vedlegg) stiller Høyanger kommune ikkje krav om konsekvensutgreiing. Det
blir heller ikkje stilt krav om planprogram då saka sin kompleksitet, i form av involverte
aktørar, moglege interessekonfliktar og reguleringsplanen sitt omfang, ikkje tilseie at dette er
nødvendig. Det er heller ikkje aktuelt å vurdere andre lokalitetar for tiltaket, då utfylling av
steinmasser i samband med kraftutbygging, generelt blir behandla etter anna lovverk.
Nytt planføremål er i strid med gjeldande status for området, men tiltaket blir sett som positivt
ved at det bidrar til samlokalisering av naust, samt betre tilgang til rekreasjonsareal og
strandsona for ålmenta.
Østerbøvatnet er ein brakkvasspoll med naturleg fråvær av oksygen i djupvatnet (sterkt
minkande nedover allereie frå 15-25 meters djup). Dette gjer Østerbøvatnet til ein sjeldan
naturtype med over 20 fiskeartar. Østerbøvatnet er vurdert å ha viktig verdi som naturtype i
naturdatabasen. Utfylling av masser er ein stor påverknad. Det vidare planarbeidet må difor ha
fokus på konsekvensar for biologisk mangfald, korleis utfylling kan skje på ein skånsam
Side 3 av 4

måte, samt på avbøtande tiltak. Tiltaket vil i den vidare prosessen bli vurdert etter kap. 2 i
naturmangfaldslova og dei miljørettslege prinsippa i §§ 8-12.
Rådmannen sin konklusjon
Tiltaket kjem som ein konsekvens av SFE Produksjon sine kraftutbyggingsplanar, og må
sjåast som positivt for nærmiljøet og lokalsamfunnet. Rådmann tilrår difor oppstart av
reguleringsplan for Hagereset.
Side 4 av 4