Frådeling av punktfeste for naust frå eigedom gnr ... - Luster kommune

SAKSFRAMLEGG
Sakshandsamar: Ole Arne Haugen Arkiv: MTR 72/15
Arkivsaksnr.: 09/1790
Dispensasjon frå arealdelen i kommuneplan og frå plan- og bygningslova § 17-2.
Frådeling av punktfeste for naust frå eigedom gnr. 72 bnr. 15
Rådmannen si tilråding:
I medhald av plan- og bygningslova § 93 h vert det gjeve løyve til frådelinga av 1,3 da tomt med
påståande bustadhus frå gnr 72 bnr 15.
I medhald av § 7 i same lov, jf. politisk delegeringsreglement, gjev plan- og forvaltningsstyret
dispensasjon frå arealdelen i kommuneplan og frå § 17-2 i same lov for oppretting av punktfeste for
naust som omsøkt.
Løyvet vert gjeve på vilkår av at:
Nausttomten skal knytast til den frådelte bustadtomta og ha tinglesen gangvegrett frå denne.
Gangvegen og nausttomten skal opparbeidast med minimale terrenginngrep.
Naustet skal oppførast i 1 etasje, og ikkje ha større grunnflate enn 30 m 2 .
Plassering av naustet samt material- og fargeval på utvendige bygningsdelar skal godkjennast
av kommunen.
Vanleg byggesøknad må vera godkjent av kommunen før byggearbeid kan påstartast.
Vedtaket blir grunngjeve med at omsøkte punktfeste for naust ikkje kjem i konflikt med allmenne
friluftsinteresser i området.
Dispensasjonsvilkåra gjer at omsyna til statleg og regional mynde sine interesser blir ivaretekne i
saka, og vedtaket vil ikkje skape uheldig presedens i høve til framtidige dispensasjonssøknadar.

Saksutgreiing:
Prenta vedlegg: Ortofoto målestokk 1:2000
Uprenta vedlegg: Saksmappe
Samandrag:
Eigar av gnr 72 bnr 15 søkte og fekk løyve til frådeling av bustadtomt og oppføring av bustad på
tomten i 1980. Delinga vart ikkje fullført slik at løyve til deling etter jordlova og plan- og
bygningslova er forelda. Dispensasjonsvedtaket er gjeldande. I samband med at bustaden med tomt
på nytt vert søkt frådelt vert det også søkt frådelt punktfeste for naust som skal knytast til
bustadeigedomen. Søknaden kom inn 06.06.2009 og vert difor handsama etter den gamle planlova.
Punktfeste for naust krev dispensasjon frå arealdelen i kommuneplanen og § 17-2 i same lov,
bygging og frådeling i 100m beltet langs sjøen. Det er ikkje kome avgjerande merknader til omsøkte
punktfeste. Rådmannen tilrår, på bestemte vilkår, i medhald av plan- og bygningslova §7
dispensasjon for punktfeste for naust som omsøkt.
Utval som har vedtaksmynde:
Plan- og forvaltningsstyret, jf. politisk delegasjonsreglement om delegasjon av mynde etter § 7 i
plan- og bygningslova.
Fakta:
Eigar av gnr 72 bnr 15 Arne Bondevik har søkt om å dela frå bustadhus nr 3 på bruket. Bustadhuset
er oppført i 1980. I samband med oppføring av huset vart det søkt frådeling av 0.7 da stor
bustadtomt. Tomten som no vert søkt frådelt er 1,3da. Tomten grensar til privat veg. Tomten er
grunnlendt med fjell i dagen.
Fylkeslandbrukssjefen gav i sak nr 667F/79 løyve til frådeling av bustadtomt på 0,7da.
Luster bygningsråd gav i møte 28.08.1979 dispensasjon frå strandplanlova for frådeling av omsøkte
bustadtomt.
Fylkesfriluftsnemnda gjorde i brev datert 10.09.1979 kjent at klageretten ikkje skal nyttast i denne
saka.
Statens vegvesen gav 10.10.1979 løyve til utvida bruk av avkøyrsle frå riksveg 55.
Frådelinga vart ikkje gjennomført, vedtaka i medhald av jordlova og plan- og bygningslova som
vedkom deling er forelda, slik at saka må handsamast på nytt. Bustadhuset vart bygt i 1980, huset
skal framleis nyttast som bustad etter delinga. Sidan bruken er uendra vert ikkje frådeling av
omsøkte tomt handsama som dispensasjon frå arealdelen i kommuneplanen og forbodet mot tiltak
langs sjø og vassdrag jf. Plan- og bygningslova § 17-2.
Samtidig vert det søkt om frådeling av punktfeste for naust (ca 30m 2 ) sørvest for bustadhuset.
Punktfestet for naust skal knytast til den omsøkte tomten med bustad. Som tilkomst til naustet vert
det gitt gangvegrett over seljar sin eigedom. Etablering av naust her krev dispensasjon frå arealdelen
i kommuneplanen og plan- og bygningslova §17-2. Saka har difor vore send på høyring til
miljøvernavdelinga hos fylkesmannen, kulturavdelinga hos fylkeskommunen og landbruk og
naturforvaltning her.

Fylkesmannen skriv mellom anna i sitt svar: Dispensasjon kan ikkje gjevast dersom omsyna som
ligg til grunn for strandsonevernet vert vesentleg sett til side. Vi minner om at det i tillegg skal
gjerast ei vurdering av om fordelane ved å innvilge søknaden er klart større enn ulempene etter ei
samla vurdering. Dersom kommunen ut frå ei slik interesseavveging vurderer å gje dispensasjon,
bør det takast særlege omsyn til dei allmenne interessene som ligg bak strandsonevernet. Vi rår til
å plassera naustet i tilknyting til eit av dei andre nausta på eigedommen. Vi meiner også at det må
stillast konkrete vilkår om t.d maksimal storleik på bygningen, og at naustet skal vere reint
båtnaust utan innreiing for opphald. Vi føreset at bygningen blir oppført med minimale inngrep i
strandkanten, og at eventuell opparbeiding av gangveg mellom bustadtomt og nausttomt vert gjort
utan tyngre terrenginngrep. Dette for å ivareta omsyna bak byggjeforbodet langs sjøen og omsyna
som går fram av §§ 1-1 (”lovens formål” og 3-1 (”oppgaver og hensyn i planlegging etter loven”),
og for at det såleis skal vere grunnlag for å gje dispensasjon, jf. kriteria i pbl. § 19-2.
Landbrukssjefen har i d-sak 32/10 gjort slikt vedtak:
I medhald av delegasjonsvedtak i Luster kommune, k.sak nr. 75/07 og d.sak nr. 79/07, godkjenner
landbrukssjefen med heimel i jordlova § 12, frådeling av:
1. Bustadtomt på omlag 1,3 daa med påståande bustadhus,
2. Punktfeste for naust i strandsona sør-vest for bustadtomta.
Frådelingsløyvet etter jordlova er betinga av at det også vert gjeve løyve til delinga etter plan- og
bygningslova.
Vurdering:
Bustadhus med tomt skal frådelast til uendra bruk. Dispensasjon frå strandplanlova og løyve til
utvida bruk av avkøyrsla frå riksvegen vart gitt i samband med oppføring av bustaden. Frådeling av
tomt med påståande bustad treng grunna uendra bruk ikkje dispensasjonshandsaming for løyve, men
delinga skal handsamast etter plan- og bygningslova §93h. For ein bustad som ligg slik til som denne
vil tilknyting til fjorden med båtbruk og behov for naust ofte vera naturleg og ynskjeleg.
Difor er det i samband med søknad om frådeling av bustadtomt også søkt frådelt punktfeste for
naust som skal brukast saman med bustaden. Området der nausttomten er plassert er lite tilgjengeleg
for allmenta. Stranda er her lite nytta til friluftsføremål. Eit lågt naust i ein etasje på inntil 30m 2
grunnflate med gangvegtilkomst frå bustadtomten vil krevja små terrenginngrep. Med krav til
fargesetjing og utforming av naustet vil tiltaket også bli lite synleg frå sjøen. Plasseringa gjer at
naustet vert liggjande i le for is som driv ut fjorden.
Dispensasjonsvilkåra gjer at omsyna til statleg og regional mynde sine interesser blir ivaretekne i
saka, og vedtaket vil ikkje skape uheldig presedens i høve til framtidige dispensasjonssøknadar
Rådmannen tilrår at det i medhald av plan- og bygningslova § 7 vert gjeve dispensasjon frå
arealdelen i kommuneplanen og § 17-2 i same lov, bygging og frådeling i 100 m-beltet langs sjøen,
for frådeling av punktfeste som omsøkt.
Dato: 22.02.2010
Tore Eriksen
Arne Ingjald Lerum

ådmann
plansjef
___________________________________________________________________________
Særutskrift skal sendast: Arne Bondevik, 6875 Høyheimsvik
m/kopi til: Fylkesmannen i Sogn og Fjordane, Miljøvernavdelinga, Njøsavegen 2,
6863 Leikanger
Sogn og Fjordane fylkeskommune, Postboks 173, 6801 Førde
Landbruk og naturforvaltning, her