Skjolden Cruise Handling. SÃ¸knad om finansiering - Luster kommune

More documents

Recommendations

Info

Saksutgreiing: Prenta vedlegg: Uprenta vedlegg: Søknad frå SCH. Samandrag: Skjolden Cruise Handling AS (SCH) tok over ansvaret for guideservice i tilknyting til cruiseanløpa på Skjolden i 2012. Tidlegare var dette organisert av Reisemål Sogndal og Luster AS. SCH planlegg ei oppdatering av guidar, samt opplæring av nye no i 2013. Det er eit relativt stort prosjekt. Rådmannen meiner det er viktig med lokale guidar med godt kunnskapsnivå. Rådmannen tilrår tilskot. Utval som har vedtaksmynde: Næringsutvalet Fakta: Skjolden Cruise Handling AS (SCH) tok over ansvaret for guideservice i tilknyting til cruiseanløpa på Skjolden i 2012. Tidlegare var dette organisert av Reisemål Sogndal og Luster AS. SCH skriv slik i søknad til Luster kommune: Skjolden Cruise Handling (SCH) starta opp våren 2012, og er ei avdeling av Geiranger Cruise Handling AS. Vi har ansvar for rekruttering, opplæring og koordinering av guidar til cruiseskipa som kjem til Skjolden. I fjor var vi heldige og «arva» guidar som tidlegare kjørde frå Skjolden, og vi rekrutterte nokre nye. Men trafikken er dobla i år. Det blir derfor ei utfordring å skaffe nok kvalifiserte guidar som snakkar godt dei språka det er behov for. Vi ynskjer at flest mogleg av guidane våre skal vera lokale, eller vera knytt til Indre Sogn. Men vi erfarer at vi ikkje får tak i nok guidar lokalt, og i alle fall ikkje nok folk som snakkar latinske og/eller aust europeiske språk. Derfor må vi utvide omgrepet «lokale» til å omfatte folk som kjem frå grannefjordane og frå austsida av fjellet. I visse høve må vi leige inn guidar frå andre hamner for å dekke språkbehovet skipa har. Vi tilrår alle guidar som bur i Indre Sogn at dei deltek på kursa som blir organisert lokalt, men dessverre er mange bortreiste på skule eller bur for langt unna til å kunne delta. Da må vi utvikle og gjennomføre intensive opplæringstiltak for dei. For å bu oss på auka etterspørsel, og for å klare årets sesong på ein best mogleg måte, ynskjer vi å gjennomføre eit prosjekt som vil auke kompetansen til guidane og heve kvaliteten på tenestene våre. Alle våre medarbeidarar er uniformerte og marknadsfører Skjolden på jakker, t-skjorter og ID-merker. Vi svarer på alle slag spørsmål om aktivitetar, opplevingar og andre tilbod i Luster og regionen. Men for å kunne gje korrekt informasjon, må guidane ha kunnskap og/eller verktøy som gjer det enkelt å finne fram. 1. Visjon SCH arbeider for å bli den mest attraktive leverandøren av guidar til cruiseskip i Indre Sogn. 2. Mål Målet med prosjektet er å:
ekruttere mange nok, helst lokale, guidar til å dekkje behovet til cruiseskipa vidareutvikle guide-manualen til eit nyttig verktøy som skal sikre at guidane har den basiskunnskapen som blir kravd, og at dei lett finn fram til meir informasjon auke kunnskapen om lokale og regionale tilhøve gjera guidane bevisste på den rike kultur- og naturskatten vi har, og formidle det på ein slik måte at gjestane våre reiser heim med minne om gode opplevingar ved fjorden og på fjellet marknadsføre regionen som eit attraktivt reisemål for nye turar til Norge 3. Målgrupper «Ungdom i alle aldrar» som har god allmenn kunnskap, kan fleire språk godt, er fleksible og er interesserte i å vera ein god ambassadør lokalt og nasjonalt. 4. Positiv effekt for næringslivet Prosjektet vil fokusere på naturen, miljøet og den rike kulturen i bygdene. Det skapar gode og rike opplevingar for dei tilreisande. Det er god marknadsføring, og fører til at folk kjem att. I neste omgang får næringslivet og kommunen auka omsetting og skatteinngang som legg grunnlag for enda meir positiv utvikling. 5. Rammer Tidsramme: April – Okt. 2013 Økonomisk ramme: Prosjektet er kostnadsrekna til kr. 231 000. 6. Organisering SCH samarbeider tett med Geiranger & Nordfjord Cruise Handling kontoret i Stryn. SCH er aksjonær i det nye destinasjonsselskapet i Sogn, og vil også samarbeide med dei på aktuelle område. Prosjekteigar er SCH, og prosjektleiar er Torunn Kjøk. Personar med spesiell kompetanse vil bli trekt inn etter behov. 7. Tiltak Desse tiltaka må gjennomførast i løpet av året: a) Rekruttering av nye guidar er eit kontinuerleg arbeid b) Rekruttere ein eller to assistentar som kan hjelpe til på kaia og elles guide c) Utarbeiding og oppdatering av guidemanual, skrive guidemanus, innhente brosjyrar, omsetje (info som berre er tilgjengeleg på norsk), kopiere informasjon, sette alt i permar d) Samling med guidane ved sesongstart med gjennomgang av rutinar, rapportering mm e) Samling ved sesongslutt med evaluering og erfaringsutveksling mm f) «Bli kjent turar» for nye guidar og eldre som treng/ynskjer oppdatering blir gjennomført i mai og etter behov utover sumaren. Her går bruk av mikrofon inn. Vurdering: Talet på skip som kjem til Skjolden cruisekai aukar monaleg frå 2012 til 2013. Storleiken på skipa aukar også; i 2013 er det forventa i overkant av 76.000 passasjerar til Skjolden. I 2012
Page 1: SAKSFRAMLEGG Sakshandsamar: Olav Gr

Skjolden Cruise Handling. SÃ¸knad om finansiering - Luster kommune

You also want an ePaper? Increase the reach of your titles

Delete template?

Save as template?