norsk - Visit Sunnhordland

Utsikt frå Sandvoll, Kvinnherad
Leirvik er eit fint utgangspunkt
for å starte sykkelturen, anten du
ønskjer å oppleva skjergard, fjell
eller fjord. Ein variert og lettsykla
tur får du om du tek turen innover
fjorden til Baronibygda Rosendal.
Frå Rosendal kan ein sykla over
fjellet til Sunnhordlandsperla
Skånevik (og vidare til Etne) eller
over øya Tysnes til Bergen eller
Leirvik. På øya Tysnes er vegane
gjennomgåande smale, men det
er stort sett roleg trafikk. Tysnes
kan syklast både rundt og på tvers
og det er enkelt å komme seg
vidare til Bergen.
Øykommunane Bømlo, Stord/
Fitjar og Austevoll har mange
vegar og eit landskap prega av
vekslande og småskala typografi.
Her er det mange trivelege små
samfunn som er verdt eit besøk –
Mosterhamn, Espevær, Langevåg,
Brandasund, Hiskjo for å nemne
nokre. Om ein startar på Bømlo
er det fint å sykle vidare over
trekantsambandet til Stord, Fitjar
og Austevoll. Øyene i Austevoll er
knytta saman med mange bruer.
Frå Austevoll er det enkelt å koma
seg vidare til Bergen eller tilbake
til Leirvik.
Nordsjøsykkelruta (North Sea Cycle
Route) er verdas lengste sykkelrute
med 6000 km rundt heile
Nordsjøen. Gjennom Sunnhordland
går ruta i kystlandskap gjennom
kommunane Fitjar, Stord, Bømlo
og Sveio. Med utgangspunkt i
Nordsjøsykkelruta kan du lett
komme deg ut skjergarden eller
inn i fjordriket i Sunnhordland
(www.northsea-cycle.com).
Undervegs på sykkelturen er det
mange opplevingstilbod og eit
godt servicetilbod. Fleire hotell og
gjestgiveri har tilrettelagde fasilitetar,
spesielt for sykkelturistar. I
sesongen er det lurt å tinga plass
på førehand.
”På sykkel i Sunnhordland” gjev
ein god ruteskildring over dei
ulike sykkelturane med dagsetappane
og servicetilbod. Brosjyra er
tilgjengeleg på turistkontora
eller den kan bestillast på
www.visitsunnhordland.no.
Med ønskje om ein fin sykkeltur!
www.visitsunnhordland.no 13