norsk - Visit Sunnhordland

Kulleseidkanalen
Båtparadiset Sunnhordland
Sunnhordland er eit eldorado for båtfolk. Her kan du
segla på ope hav, i skjergarden eller i tronge fjordar.
Med båt når du og mangfaldet av kulturtilbod og
aktivitetar som vert arrangert rundt om i kommunane
i regionen. Du kan og nytta alle moglegheitene som
ligg for turar i skog og mark eller til topps på høge
fjell og er du heldig finn du di eiga øy.
Sunnhordland har lange tradisjonar
innan båtturisme. Difor finst
det eit godt utbod av hamnar
spreidd over heile sunnhordlandsbassenget.
Spennvidda er stor; her
har vi alt frå gjestehamner med
topp teneste-tilbod til dei flottaste
frihamner naturen kan by på.
Visste du at fleire av Noregs beste
båthamner ligg i Sunnhordland
I ytste del av Sunnhordland er det
unike kystlandskapet som møter
ein. Her kan ein ferdast mellom
øyar og holmar med det
opne havet som næraste nabo.
I Austevoll er Bakkasund og
Bekkjarvik to av fleire gode hamner
for båtfolket. Kjem du til Fitjar
er det mange små og store øyar
der du kan finna stader heilt for
deg sjølv.
I Bømlo er det flott å gå igjennom
Kulleseidkanalen og å oppleva
den gamle handels staden i
Brandasund eller Espevær ytst mot
havet. Gløym ikkje Mosterhamn –
og ta turen opp i amfiet. Kjem ein
til Sveio er Leirvågen ved Valevåg
og ”Kyrkjegarden ved havet” eit
must”.
Mellom Kvinnherad og Etne ligg
Åkrafjorden- med bratte fjell
og den majestetiske Langfoss.
Idylliske Skånevik må berre opplevast.
I Etne er det ei god båthamn
med kort avstand til butikkar og
kulturelle opplevingar. Fjellberg
og Halsnøy er idyllar for båtfolket
– det same er Romsaøyane.
Lenger inne i fjorden ligg perler
som Rosendal og Mauranger. Frå
Mauranger er det ein time å gå til
Bondhusbreen.
Rundt Tysnes ligg det mange lune
viker, og på austsida ligg den
gamle handelsstaden Årbakka. I
Våge er det ei flott gjestehamn.
10 www.visitsunnhordland.no