samla vurdering av småkraftverk i fjærland ... - Luster Energiverk

4.0 Prosjektskildring Samla vurdering av småkraftverk i Fjærland
Vurderte prosjekt: Jakopbakka
Delområde 6: Bøyadalen
Tema Kommentar Poeng
Økonomisk/-
2
teknisk
potensial
Infrastruktur
Natur og miljø
Landskap
Kulturminne
Inntak (moh.) 450
Fallmeter (m) 315
Produksjon (GWh) 6,1
Berekna kostnad (mill. NOK) 19,9
Berekna effekt (MW) 1,73
Spesifikk utbyggings-kostnad (kr/kWh) 3,26
Anleggsveg:
Det er berre behov for kort permanent veg inn mot kraftstasjonen ved Bøyafjellstølen.
Anleggsveg, for lett anleggstrafikk, oppover langs røyrgate vil bli bratt, men kan trulig førast
heilt opp til inntak. Betong til dam og inntak vert føreslege transportert med helikopter.
Anleggsvegen vert på kring 0,9 km.
Kraftlinje:
Det vert føreslege legging av jordkabel, kring 200 m, som kryssar riksvegen fram til 22 kV
linje som går forbi Bøyafjellstølen.
Generelt:
Nedre del av tiltaksområdet består av fattig blåbærbjørkeskog med innslag av einer, hegg og
rogn. Langs elva er det mykje bart fjell og grov stein. Det er svært lite vegetasjon langs elva,
og det vart ikkje påvist fosserøyksamfunn til tross for at det er nokon mindre fossefall på
denne strekninga. I øvre del av lia er det eit fuktig sig med noko rikare vegetasjon av bl.a.
storbregner, tyrihjelm, hårfrytle, maiblom, kildemose m.m. Fattig fjellbjørkeskog rundt
inntaket.
Naturtypar:
Det er ingen viktige naturtypar i området.
Raudlisteartar:
Det er ikkje påvist raudlisteartar i området. Potensialet for funn er vurdert som lite. Kongeørn
kan førekome i nærområdet, men hekker ikkje innanfor tiltaksområdet.
Artar som er knytt til vassdrag:
Fossekall og strandsnipe vart registrert. Ingen fosserøyksamfunn vart påvist.
Konklusjon:
Utover førekomsten av hekkande fossekall er det ingen vesentlege verdiar knytt til flora og
fauna som vert berørt av ei utbygging. Utbygginga er vurdert å ha liten negativ konsekvens
for flora og fauna.
Anadrom fisk:
Det er ingen anadrom fisk (laks eller sjøaure) i elva.
Bekkeaure:
Det er ingen bestand av aure på den berørte elvestrekninga.
Botndyr/vassinsekt:
Høg vasshastigheit og lite eigna elvesubstrat (grov stein) gjev lite gunstige levevilkår for
vassinsekt og botndyr.
Konklusjon:
Ei utbygging vil ha ubetydeleg til liten negativ konsekvens for fisk og ferskvassbiologi.
Delområdevurdering:
Delområde Bøyadalen har middels verdi og landskapsklasse B1.
INON:
1,3 km 2 INON-areal går tapt (INON sone 1 og sone 2)
Generelt:
Øvre del av elva er visuelt tilgjengeleg frå Rv 5 og Brevasshytta. Elva er synleg når ein køyrer
mot Jølster, men ikkje når ein køyrer mot Fjærland. Området opp mot botnen har eit urørt
preg.
Konfliktpotensialet: Middels
Tiltaket vil i nokon grad vere eksponert mot Brevasshytta og brefallet under Bøyabreen.
Området er påverka av Riksvegen gjennom Fjærland, men tiltaket vil vere lite synleg frå
vegen.
Registrerte kulturminne:
Det er ikkje registrert automatisk freda kulturminne i området. Potensialet for funn er vurdert
som lite.
Heilskaplege kulturmiljø:
Bøyafjellstølen ligg like nedanfor samløpet mellom Jakopbakka og Bøyaelvi. Mange av
stølsbygningane er av nyare dato, men rester etter tidligare tiders aktivitet er framleis synleg.
Gamal kulturmark finns og i området. Bøyafjellstølen vert ikkje berørt av ein utbygging, men
inngrepet vil vere noko synleg frå dette området.
Konklusjon:
Totalt sett vert utbygginga vurdert å ha ubetydeleg til liten negativ konsekvens for
kulturminne og kulturmiljø.
-1
52