Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
9<br />
leggja merke til – kanskje stussa over – desse skrivemåtane. Det kan gjera at skribenten<br />
vel å ikkje bruka nett desse formene i den teksten. Det han då gjer, er å føya seg etter<br />
det ein kallar dei internaliserte (eller operative) normene. Internaliserte normer er eit<br />
sosialt fenomen som ikkje er representert av klårt formulerte reglar. (Poenget med dette<br />
skiljet mellom to normtypar går igjen i mykje normeringslitteratur, men nemningane<br />
skifter ein del. Jamfør Nils Kristian Sundby 1974, Kjell Ivar Vannebo 1980, Ingemund<br />
Gullvåg 1991, Helge Dyvik 1993, Lars S. Vikør 1994 og Endre Brunstad 2000.)<br />
Det er ikkje noko absolutt skilje mellom dei to omgrepa som gjer at ein kan kategorisera<br />
noko som klårt det eine eller det andre. Likevel er dette skiljet mellom fastsette<br />
normer og internaliserte normer viktig for å forstå kva som skjer i den språklege<br />
praksisen, og kva samanheng dei språkpolitiske vedtaka står i. Det ser me best når me<br />
prøver å forstå normene som resultat av ein stadig prosess, som me skal prøva å gje ei<br />
sosiolingvistisk framstilling av nedanfor.<br />
1.2.2 Normdanning som prosess<br />
Internaliserte normer blir oppfatta som kollektive mønster for åtferd. Ordet 'kollektiv'<br />
viser til at me ser for oss normene som noko overindividuelt og noko som samstundes<br />
høyrer til ei sosial eining.<br />
Mønsteret for åtferd kan me sjølvsagt tolka ut frå åtferda. Men når me skal<br />
beskriva dei kollektive mønstra, er ikkje frekvensmåling og statistikk over ytringane og<br />
handlingane dei rette metodane å bruka. Talet på repeterte handlingar verkar nok inn på<br />
kva me oppfattar som mønster, men det avgjer ikkje heilt og fullt kva me oppfattar som<br />
norma. Teoretisk kan ein altså tenkja seg at fleirtalet av handlingar vik av frå norma.<br />
Det er kanskje lettare å sjå dette når me tenkjer oss til kva normene representerer hjå<br />
enkeltindividet, som altså ber, formidlar og praktiserer normene som del av kollektivet.<br />
I den grad normer kan seiast å eksistera, eksisterer dei i enkeltindivida, sjølv om dei<br />
alltid er knytte til den individuelle førestellinga om eit kollektiv. Me kan då<br />
omformulera slik: Normene er ei tru hos individet om kva kollektivet ventar av det.<br />
Normene er då ei kollektiv tru. Normene eksisterer ikkje i seg sjølv i kollektivet, dei<br />
eksisterer i førestellingane og fantasien åt individa.<br />
Normene endrar seg med tida, og dessutan finst det ulike normer i ulike samfunn.<br />
Normene må difor vera produkt av noko anna i ein normdanningsprosess. Normene<br />
(eller førestellingane om forventningar) byggjer individa opp på grunnlag av fleire typar<br />
data frå samfunnet. Som sosiale vesen er me alltid svært observerande og tolkande, for<br />
me er avhengige av aksept i samfunnet. Difor er me svært vare for kva som kan vera<br />
normer, og prøver å justera trua vår om dei kollektive forventningane. Såleis er me med<br />
i ein konstant prosess der me tolkar inndata frå omgjevnadene våre.<br />
Me kan stilla opp nokre ytre faktorar som verkar inn på den individuelle<br />
normdanningsprosessen:<br />
1 Me må nok rekna med at me har ei førestelling om kva som er vanleg. Det vil