Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
83<br />
2.2.4 Verb<br />
2.2.4.a Infinitivsending på -a eller -e eller kløyvd infinitiv<br />
Status i dag<br />
I nynorsk i dag er a-infinitiv og e-infinitiv valfrie innanfor læreboknormalen, og kløyvd<br />
infinitiv er klammeform.<br />
Framlegg<br />
Innanfor nynorskrettskrivinga skal ein kunna bruka e-infinitiv, a-infinitiv eller kløyvd<br />
infinitiv. Bruker ein kløyvd infinitiv, kan endinga -a brukast i dei verba som er markerte<br />
eller lista opp spesielt i ordlistene, eller ein kan følgja dialekten sin.<br />
Normhistorikk<br />
Midlandsnormalen fekk ein slag klammeformstatus i 1901, og dermed fekk kløyvd<br />
infinitiv det òg som del av den normalen (Framlegg til læreboknormal 1957).<br />
Grunnregelen for kløyvd infinitiv er at verb med opphavleg kort rotstaving endar på -a,<br />
og verb med opphavleg lang rotstaving har endinga -e. 1917-rettskrivinga inneheldt<br />
eigentleg berre -a og -e i infinitiv, men eit rundskriv i 1919 kunngjorde at kløyvd<br />
infinitiv skulle vera tillaten i skriftlege elevarbeid (Jahr 1992). 1938-rettskrivinga førte<br />
med seg jamstilling for a-infinitiv og kløyvd infinitiv, og Ny rettskriving 1938 legg til:<br />
“[I skriftlege arbeid i skulen kan og nyttast inf. på -e i alle verb: fare, kaste.]”.<br />
Framlegg til læreboknormal 1957 seier:<br />
Meir enn halve folket bruker kløyvd infinitiv, men for den praktiske<br />
gjennomføringa i skriftmålet spelar det ei rolle at målføra viser mange avvik<br />
frå hovudregelen, og såleis er innbyrdes ulike i detaljane. […] Resten av<br />
folket gjennomfører same ending i inf. utan omsyn til om verbet er<br />
opphavleg langstava eller kortstava. Her har då e-inf. (kaste, lese) eit større<br />
folketal bak seg enn a-inf. (kasta, lesa). For dei som inga ending har (å kast,<br />
å les), skulle det reint systematisk vera det same anten skriftmålet<br />
gjennomfører inf. på -a el på -e; i praksis fører vel likevel<br />
bokmåltradisjonen med seg at det kjennest mest naturleg med -e.<br />
Den systematiske samanhengen mellom målføra og det nynorske<br />
skriftmålet har vorti veikare enn før på dette punktet i og med at dei fleste<br />
målføra anten har typen ei klokka/veka – å kasta/lesa (a-mål), eller ei<br />
klokke/veke – å kaste/lese (e-mål), eller òg fylgjer jamvekt-regelen både i<br />
linne hokjønnsord og i infinitiv. Det skulle difor vera rimeleg at skriftmålet<br />
gjennomførde inf. av typen kaste/lese parallelt med ei klokke/veke. Men her<br />
spelar skrifttradisjonen inn, og i det nynorske skriftmålet er det eit faktum at<br />
desse kategoriane ikkje har fylgst åt. E-ending har slege tidlegare og