Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
44<br />
vestlandsk jamnast held på enkel konsonant. Men ved m gjeld ikkje dette, for her er<br />
konsonanten svært ofte forlengd også i vestlandske dialektar. Dermed kan ein seia at<br />
dobbel m er det dominerande mønsteret i norsk talemål. Men her er nokre variasjonar<br />
frå ord til ord.<br />
Talemålsundersøkinga som Norsk språkråd fekk utført i 1999, viser at forma<br />
komma/ komme var brukt av 74 % av dei spurde. Forma med kort vokal var brukt av<br />
meir enn 20 % i åtte fylke. Av dei sa 66 % av dei spurde i Rogaland koma/kome, i<br />
Buskerud og Telemark gjorde 55 % det, og i Oppland var talet 52 %.<br />
Ettersom suffikset -dom i dei fleste orda står trykklett, blir ikkje lengda på vokalen<br />
(og konsonanten) fonologisk relevant og dermed heller ikkje vokallengda slik at ein har<br />
heilt klår kjensle av enkel eller dobbel m, som f.eks. i fridom. Lengda blir derimot<br />
tydeleg i trestavingsord som kristendom. Me har fåe opplysningar om utbreiinga av dei<br />
ymse formene, men kan rekna med at der uttalen av suffikset har å, er vokalen kort; der<br />
uttalen er med o, kan han vera både kort og lang.<br />
Skriftmålsgrunnlag<br />
Forfattarar frå 70-åra brukte hovudformene med dobbel m, viser Vikørs undersøking,<br />
bortsett frå ved koma, halvparten hadde valt den forma, som var jamstilt med komma<br />
etter 1959. 50-årsforfattarane brukte også hovudformene, men dei var då med enkel m,<br />
og bruken av dei tradisjonelle formene er òg framherskande i det undersøkte materialet<br />
frå 30-åra. Åtte av forfattarane brukte då gamal, ni koma og åtte tome. Forma med<br />
dobbel konsonant som var mest utbreidd i dette materialet, var sommar, som fem av 30-<br />
årsforfattarane hadde valt.<br />
I lokalavisene Wetås undersøkte, var det dobbelt så mange førekomstar av<br />
[gamal] som gammal. Same tendensen er det i søk på gammal- [gamal-] som<br />
førsteleddet i samansetjingar. Formene koma og kome er også mykje meir frekvente enn<br />
dei tilsvarande med dobbel konsonant. Det same viser søk i Bergens Tidende og i<br />
nynorske aviser i Norsk tekstarkiv. I det upubliserte materialet er det ingen tydeleg<br />
tendens, der finn Wetås gammal brukt sju og [gamal] seks gonger.<br />
Berre rjomegraut (1) / rømmegraut (8) og skume (0) / skumme (2) er registrerte i<br />
Nynorsk frekvensordbok.<br />
Med utgangspunkt i eit lite materiale for typen -domen/-dommen er det mogleg å<br />
slå fast at begge skrivemåtane tydeleg finst, men at enkel m dominerer.<br />
Vurdering<br />
a)Talemålsutbreiinga. Dialektgrunnlaget er klårt sterkast for skrivemåtar med mm, men<br />
m har òg bra grunnlag. Talemålsutbreiinga for dei to skrivemåtane av suffikset -dom er<br />
uviss.<br />
b) Skriftleg bruk. I skrift er tendensen til å bruka enkel konsonant nokså sterk.