Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
32<br />
bygnaden skal få fram om det er tale om eit grammatisk drag, og korleis det har plass<br />
innanfor ei beskriving av språkstrukturen, og korleis det i så fall går inn i språklege<br />
reglar. Spørsmålet om ordgruppe skal framheva fellesdrag eller tendensar til fellesdrag<br />
mellom ord som gjer at dei kan lett kjennast att av språkbrukarane.<br />
Spørsmålet om identitetsuttrykk må omtalast meir på grunnlag av skjønn enn<br />
vurderingspunkta ovanfor. Her må referansegruppa byggja på den intuisjonen medlemmene<br />
har som aktive nynorskspråkbrukarar. Men interessant er det at det ikkje har<br />
vore vanskeleg å bli einig om karakteristikkane.<br />
I ein normeringssamanheng skal ein sjølvsagt vera merksam på at moment som<br />
utbreiing i skriftleg bruk, stilverdi og høve til markering av identitet i ikkje liten grad er<br />
resultat av tidlegare normeringspolitikk, og dei kjem truleg til å bli det vidare òg.<br />
Dermed ligg det ein fare for sirkularitet i å bruka slike kriterium. Men me legg merke til<br />
at det ikkje alltid er slik at normeringspolitikken har styrt fullstendig; den språklege<br />
praksisen er eit visst korrektiv. Dessutan byggjer normeringa på andre omsyn som<br />
talemålsutbreiing og indre bygnad.<br />
Listene over ord nedanfor prøver me å gjera fullstendige, men oversiktlege. Difor<br />
kjem me til å gje berre éi grunnform av orda. Når det såleis står berre [vyrde] vørde,<br />
gjeld opplysningane og framlegget òg ord som [vyrdsam] vørdsam, [vyrdeleg] vørdeleg,<br />
[vyrdnad] vørdnad. I svært mange tilfelle har oppslagsforma av eit verb og eit<br />
substantiv same forma, slik at ei oppføring som f.eks. [bylgje] bølgje skal lesast som<br />
både verbet [bylgje] bølgje og substantivet [bylgje] bølgje f. Der det er unntak eller av<br />
andre grunnar trengst grammatiske merknader, set me til v. for verb, s. for substantiv<br />
(og ofte m. for hankjønnsord, f. for hokjønnsord og n. for inkjekjønnsord). Der berre ein<br />
sluttvokal skil substantiv og verb, kan me føra opp med parentes, f.eks. slik: gløtt(e)<br />
[glytt(e)].<br />
Kjelder<br />
Me vil her nemna noko av litteraturen og undersøkingane som det blir vist til nedanfor:<br />
a) Hausten 1999 gjennomførte Norsk språkråd ei språkgeografisk undersøking i<br />
samband med rettskrivingsarbeidet i nynorsk. Denne talemålsundersøkinga blir<br />
omtala her som TALE99. Det vart utarbeidd ei spørjeliste for å få kartlagt utbreiinga<br />
av ein del ord- og bøyingsformer i dialektane. Spørjelista vart send til om lag 300<br />
informantar, mellom anna til kontaktnettet Norsk målførearkiv bruker, og til<br />
medlemmene i Norsk språkråd. Det kom inn over 200 utfylte lister, og<br />
svarmaterialet vart systematisert av sekretariatet.<br />
Ein veikskap ved undersøkinga er at ho ikkje har eit informantutval som er<br />
representativt for brukarane av norsk som morsmål. For å avgrensa arbeidet måtte<br />
ein bruka lett tilgjengelege adresselister, og dessutan var ein avhengig av å få<br />
motiverte språkinteresserte og språkreflekterte informantar for å sikra pålitelege svar<br />
– igjen for å avgrensa arbeidsmengda. Men materialet er inndelt geografisk, slik at<br />
ein kan korrigera noko av skeivskapen.