Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
25<br />
bokmål, blir han ofte ikkje opplevd slik.<br />
På den andre sida kan det vera ynskjeleg som skribent å få utnytta valfridomen i<br />
bøyingsformer og alternative skrivemåtar, der ein kan få fram ulike stillag, eventuelt<br />
signalisera språkpolitisk ståstad. Wetås’ undersøkingar viser at dei som er mest positive<br />
til valfridomen, er profesjonelle språkbrukarar. Forfattarar ser det som eit høve til å<br />
utvikla ein personleg og særprega stil utan å gå ut over norma. Også andre språkmedvitne<br />
folk kan ynskja å utvikla sin personlege stil, eller å dyrka dialekten gjennom<br />
skriftspråket. For mange er valet av språkformer eit ynske om å visa regional tilknyting,<br />
ei markering av tilhøyrsle til staden der ein voks opp, eller eit ynske om å markera<br />
opposisjon til "det etablerte". Studiar med sosiologisk innfallsvinkel viser at<br />
nynorskbrukarar jamt over har andre kulturelle haldningar og verdiar enn bokmålsfolk.<br />
Mellom anna er dei meir opptekne av personleg prega språkbruk og mindre av at<br />
språket skal vera fullt standardisert og homogent. Valfridomen i rettskrivinga er såleis i<br />
samsvar med ein slik nynorskideologi; valfridomen er viktig ideologisk og symbolsk –<br />
sjølv om han ikkje blir utnytta så mykje som den vide rettskrivinga gjev høve til.<br />
1.5 Hierarkiet i rettskrivinga<br />
1.5.1 Ulike typar valfridom<br />
Hittil har ein nynorskbrukar som ikkje er tilsett i offentleg teneste eller skriv lærebøker,<br />
kunna velja om han vil skriva innanfor læreboknormalen eller utnytta den vide rettskrivinga.<br />
Begge desse systema har valfridom: Læreboknormalen fører opp jamstilte<br />
hovudformer, og innanfor rettskrivinga kan ein velja mellom desse og alternative sideformer/klammeformer.<br />
På møtet 13.5.02 rådde fleirtalet i nynorskseksjonen i <strong>Språkrådet</strong><br />
til at nynorsk går bort frå klammeformsystemet. Eit framlegg (frå Johan Myking) om å<br />
halda på systemet slik det er i dag, vart vraka, jf. vedlegg 4.<br />
Valfridomen me no har innanfor nynorskrettskrivinga, gjeld i første omgang<br />
lydverket og bøyingsverket. Lydverket femner om valfrie vokalar (leppe/lippe,<br />
skole/skule), diftongar (dauv/døv) og konsonantar (lynne/lynde, kjøk(k)en), og her kan<br />
me òg ta med valfrie einskildord (eigen(t)leg, spei(d)ar) og suffiks (-leg [-lig], -ig/-ug).<br />
Under bøyingsverket finn ein valfridom innanfor ordklassane substantiv (ei/ein/eit vis,<br />
stilker [stilkar]), verb (a-inf./e-inf. [kløyvd inf.], nådd/nått, tolde/tolte), adjektiv (lita<br />
[liti]), pronomen (henne/ho, obj.form) og saman- og særskriving (iallfall / i alle fall).<br />
Valfridomen går òg på ordtilfanget, som også i nynorsk i prinsippet skal vera<br />
ope. Likevel finst det ein del importord som strir mot den nynorske tradisjonen for val<br />
og bruk av ord, og Norsk språkråd vedtok i 1999 retningslinjer for opptak av tyske og<br />
danske importord i nynorske ordbøker og ordlister. Etter vedtak i styret i 1999 skal<br />
sekretariatet i <strong>Språkrådet</strong> godkjenna skuleordlister på grunnlag av desse retningslinjene.