Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
14<br />
er det markerte eller spesielle språket. Dei som er positive til nynorsk, er ikkje like<br />
villige til å tilpassa seg det nøytrale og dominerande – sjølvsagt. Målforma dei har valt,<br />
er uttrykk for motstand mot ei viss tilpassing. Det kan tolkast slik at nynorsk- og<br />
bokmålsbrukarar har ulike formål med skriftspråket sitt. Ei gransking av kor einige<br />
informantane er i utsegna "Vi bør møta den same måten å skriva/bøya ord på i alt vi<br />
les", får eit resultat som følgjer heilt det same mønsteret som me såg i tabellen ovanfor.<br />
Oppslutninga om ein einskapleg standard følgjer tydeleg språksympatiane;<br />
nynorsktilhengjarar er mykje opnare for variasjon i skriftbiletet.<br />
Celia Berg har studert haldningar hjå elevar til skriftmålet, og ho summerer opp<br />
slik:<br />
BM-informantane og NN-informantane ser ut til å ha ulike språksyn til<br />
grunn for bruken av skriftspråka sine. For BM-informantane kan det verka<br />
som språket utelukkande er eit kommunikasjonsmiddel. Dei fleste av desse<br />
informantane meiner dei ikkje kan karakterisera skriftspråket sitt som<br />
"personleg", ettersom det er skulelært og elles samsvarer mykje med<br />
bokmålsnormalen som dominerer i media og elles i språksamfunnet. [...] For<br />
[NN-informantane] ser skriftspråket ut til å vera meir individuelt prega og<br />
viktig, anten dei skriv talemålsnært, konservativt eller moderne/radikalt. Det<br />
kan sjå ut som skriftspråket deira har utvikla seg på grunnlag av eigne val<br />
og ønske for korleis det skal sjå ut. (Berg 1999:73f.)<br />
Tale og skrifthandlingar er identitetshandlingar (“acts of identity”), som det heiter<br />
i sosiolingvistikken. Gjennom identitetshandlingane kan ein ynskja å framheva regional<br />
lojalitet, men òg andre verdiar, f.eks. noko moderne og urbant, noko internasjonalt eller<br />
eventuelt noko tradisjonelt. Skribentane prøver gjennom skriftforma både å gje eit bilete<br />
av seg sjølve og å appellera til eller vekkja interesse hjå lesarar med bestemte<br />
identitetar.<br />
Formålet med denne drøftinga av ymse normteoretiske omgrep er at ein skal<br />
kunna setja normeringsarbeidet åt <strong>Språkrådet</strong> inn i ein sosial samanheng der ein ser<br />
korleis skriftspråket er meir enn eit kommunikasjonsmiddel. Det gjeld for kvar enkelt<br />
språkbrukar, og det gjeld kollektivet. Nedanfor i punkt 1.4 skal me framstilla situasjonen<br />
for ymse grupper av språkbrukarar. Desse situasjonane kan me tolka inn i den<br />
rolla dei spelar i normkollektivet.<br />
<strong>Språkrådet</strong> rår ikkje åleine over dei kollektive språknormene, men det <strong>Språkrådet</strong><br />
fastset som rammer for nynorsk rettskriving, kan både påverka og motverka andre<br />
normeringsagentar i samfunnet. For nynorsken er nok det tydelegare enn for bokmålet.<br />
Det gjer det òg rettkome å ha eit overordna kulturpolitisk perspektiv på retninga i den<br />
normdanningsprosessen ein påverkar.