Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
136<br />
Dei forfattarskapane som Lars Vikør undersøkte frå 1930-åra, har stor overvekt av<br />
perfektum partisipp på -e, ni av ti har brukt det, som då var hovudforma. Med -i-forma<br />
som hovudform etter 1938 vart likevel supinum på -e føretrekt av åtte av dei ni 1950-<br />
årsforfattarane, berre Aslaug Høydal valde -i-forma. Vikør kallar resultatet frapperande,<br />
og peiker på at om Høydal følgjer talemålet sitt, så har det tydelegvis ikkje spela noka<br />
rolle for forfattarar som Vigerust og Berkaak, som også ut frå dialektane sine kunne ha<br />
grunnlag for å velja -i. Valfridomen mellom -e og -i etter 1959 har ikkje hatt så mykje å<br />
seia, kan ein få inntrykk av, for dei ti forfattarane frå denne tida valde alle perfektum<br />
partisipp på -e av sterke verb.<br />
Når det gjeld delmateriala av barne- og ungdomstekst i det upubliserte<br />
tekstmaterialet Åse Wetås har undersøkt, er det ein eintydig tendens til bruk av -e i<br />
supinum av sterke verb.<br />
Nynorsk frekvensordbok viser at -i-former har ein bruksprosent på berre 1,3.<br />
Vurdering<br />
Me har sett at supinum på -e står sterkt i skriftleg bruk, uavhengig av om forma har vore<br />
hovud-, side- eller jamstilt form. Talemålsgrunnlaget for -i er derimot ikkje heilt lite.<br />
Konklusjon<br />
Vårt framlegg blir å ta bort perfektum partisipp av sterke verb på -i frå norma sidan<br />
forma nesten ikkje er brukt i skrift.<br />
3.2.4.c Refleksivformer på -s<br />
Status i dag<br />
Verb som endar på -st, har denne bøyinga:<br />
minnast [minnas] – minnest [minnes] – mintest [mintes] – minst [mins]<br />
Framlegg<br />
Refleksive verb som etter noverande rettskriving har klammeformer på [-s], får endinga<br />
-st som eineform. Klammeforma [-s] går ut or rettskrivinga.<br />
Normhistorikk<br />
I reglane som den departementale rettskrivingskomiteen laga om landsmål i 1918, står<br />
det: ”[Refleksivformi kann enda på s ved sida av st: finnast, finst – finnas, fins; slåst –<br />
slåss.]” (s. 14) I 1938-rettskrivinga heiter det: “Refleksiv infinitiv endar på -ast [-as].”<br />
Etter den tid har refleksivformer på [-s] vore klammeformer.