Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
Create successful ePaper yourself
Turn your PDF publications into a flip-book with our unique Google optimized e-Paper software.
121<br />
3.2.1.d Fleirtalsformene møbel – møbla/møbli<br />
Status i dag<br />
Ordet møbel har i nynorskrettskrivinga no både hankjønns- og inkjekjønnsbøying i<br />
fleirtal: møbel – møb(e)let – møbel/møblar – møbla/møbli/møblane<br />
Framlegg<br />
Fleirtalsformene møbel – møbla/møbli går ut, og dette bøyingsmønsteret blir eineform:<br />
eit møbel – møbelet – møblar – møblane<br />
Normhistorikk<br />
Substantivet møbel var oppført som inkjekjønnsord i Matias Skard Nynorsk ordbok<br />
1920 og 1945. I 1954-utgåva var alternativ hankjønnsbøying i fleirtal komen med,<br />
medan Gerhard Haaland i Norsk ordliste. Nynorsk 1957 let møbel ha berre<br />
inkjekjønnsbøying. I Samlaget si Nynorsk ordliste 1959 var oppføringa “møbel et,<br />
møblar”. I 1963-utgåva stod det klårare: “møbel et, fl -el, møblar”. Denne alternative<br />
fleirtalsbøyinga har sidan golde.<br />
Det går ikkje fram av førearbeida til 1938-rettskrivinga eller 1959-normalen at<br />
bøyinga av møbel har vore omtala, heller ikkje er dette ordet teke med i lister over<br />
substantiv med skiftande kjønn eller oppført i dei to ordlistene som vart gjevne ut ved -<br />
reformene. Men me må vel rekna med at ordlisteforfattarane har registret<br />
hankjønnsbøyinga i fleirtal som så utbreidd at dei har teke desse formene med i<br />
oppføringa. Som oversikta ovanfor syner, har ordlistene gjeve ulike opplysningar.<br />
Nynorskseksjonen av rådet vedtok på møtet 3.–4.2.2000 desse bøyingane:<br />
eit møbel – møbelet – møblar [møbel] – møblane [møbla] [møbli]<br />
Talemålsgrunnlag<br />
Her har me inga undersøking å visa til. Talemålet har nok tidleg fått hankjønnsbøying<br />
her. Somme stader er ordet òg hankjønnsord i eintal.<br />
Skriftmålsgrunnlag<br />
Nynorsk frekvensordbok, som byggjer på dei vanlegaste orda i skriftleg nynorsk henta<br />
frå aviser, sakprosa og romanar i tida 1978–84, har eitt belegg på møbel (ubunde<br />
eintal/fleirtal), tre på møblane, tolv på møblar og to på *møbler.<br />
Vurdering<br />
Går me ut frå strukturen, er fleire møbel – alle møbla [møbli] dei systemrette formene.<br />
Språkbruken i skrift har mest heilt og fullt gått over til å gje ordet hankjønnsbøying i<br />
fleirtal. Valfritt fleirtal som det har vore hittil, er inga god løysing dersom den eine<br />
forma så å seia ikkje er i bruk, trass i strukturargumentet. Éi løysing er sjølvsagt å ha