Nynorskrettskrivinga - Språkrådet
Nynorskrettskrivinga - Språkrådet
Nynorskrettskrivinga - Språkrådet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
12<br />
det stor sjanse for at dei blir internaliserte normer i dei andre ledda i normeringssirkelen.<br />
På denne måten kan ein halda fram med å konkretisera ut frå sirkelen. Det ein<br />
oppdagar, er at fleire instansar har fastsette normer som styrer språkbruken pga. ideologi,<br />
og dei har gode strategiske posisjonar i normeringssirkelen. Denne språkbruken<br />
fastsett av svært få personar blir i neste omgang inndata for tolkingar hjå dei mange som<br />
leitar etter normer i internaliseringsprosessen. Slik kan fastsette normer i fleire av ledda<br />
i sirkelen påverka dei internaliserte normene i det samla kollektivet. I dette kollektivet<br />
er <strong>Språkrådet</strong> berre ein av mange agentar, og det er nokså usynleg i den samla<br />
tekstverda. <strong>Språkrådet</strong> har mest gjennomslagskraft i lærebøker og offentlege dokument.<br />
Den modellen som er skissert ovanfor, er tydelegast for bokmålet, som har ein<br />
dominerande plass i samfunnet. Men for nynorsk har nok dei større regionavisene som<br />
Bergens Tidende, Stavanger Aftenblad og Sunnmørsposten ein liknande funksjon.<br />
Denne gjennomgåinga kunne utvidast til ei konkretisering med detaljar frå<br />
forlag, skule og <strong>Språkrådet</strong>, men poenget skulle ha kome fram: Den skriftlege praksisen<br />
målt i frekvens er ikkje noko demokratisk uttrykk for ein folkevilje. Storparten av<br />
belegga for frekvensmålingane er resultat av fastsette normer hjå relativt få personar.<br />
Dermed er frekvensoversikter meir ein illustrasjon på korleis normstyringa fungerer i<br />
samfunnet. Men samstundes er det slik at me ofte ikkje har betre data enn frekvensar å<br />
vise til, så denne drøftinga skal difor understreka kor viktig det er å vera kritisk. Ein bør<br />
vera varsam med å gjera eit er i ei beskriving om til eit bør eller skal i norma.<br />
<strong>Språkrådet</strong> blir mest assosiert med offentleg normering, og der skjer prekripsjonen<br />
gjennom open diskusjon, saksførebuing med offentleg innsyn i sakspapir og<br />
vedtak på rådsmøte med pressedekning. Me kan kalla denne normeringsprosessen for<br />
open normfastsetjing. Normeringsprosessen i aviser, forlag og departement med eigne<br />
husnormer går føre seg skjult og utan faglege saksutgreiingar – det er tildekt normfastsetjing.<br />
1.2.4 Normer, lojalitet og identitet<br />
Framstillinga ovanfor galdt produksjonen av data for den individuelle normdanninga.<br />
Men tolkingsprosessen er ikkje berre slik at ein dyttar data inn og får dei avkoda<br />
normene ut. Mykje av åtferda vår er intensjonal og målretta. Me har altså eit ynske med<br />
handlingane våre, også med korleis me formar språket.<br />
Det er altså òg ein subjektiv faktor i internaliseringsprosessen. Det kan me<br />
illustrera med nokre granskingar frå skriftspråkskollektivet:<br />
Det har vore gjennomført nokre granskingar av haldningane elevar har til<br />
skriftmål og til sin eigen skriftpraksis. Det som går att, er at elevane er opptekne av kva<br />
reaksjonar lesaren, og for dei oftast læraren, har på det dei skriv. Dei er instrumentelt<br />
opptekne, som det blir kalla, altså opptekne av kva dei kan oppnå med å skriva slik eller<br />
slik.<br />
Roy Johansen (1998) undersøkte korleis elevar i Øyestad i Aust-Agder skreiv,