NB-BibliothecaNova 0414nett

Alle dokument i Samisk bibliografi er klassifiserte etter Løøv. Systemet blir
også brukt i dei andre samiske bibliografiane og i andre samiske bibliotek.
Emneord
Alle faglitterære innførslar får i prinsippet emneord. Unntaket er ein del
dokument der ein person, ein korporasjon eller eit geografisk område er emne
for framstillinga. Skjønnlitterære dokument får ikkje emneord.
Samisk bibliografi har ei eiga emneordliste som har utgangspunkt i ei firespråkleg
liste som vart utarbeidd ved Universitetsbiblioteket i Trondheim. Denne
emneordlista har vi utvida etter behov, og vi har prekoordinert emneorda i
emnestrengar. Nye emneord vurderer vi mot emneorda hos Biblioteksentralen
og Humord.
Fordi bibliografien har ein del emne med mange aspekt og stort dokumentunderlag,
kan emnestrengar vere nyttige for å halde orden og unngå å lage fleire
emneord enn nødvendig. Slike område er reindrift og språk. I litteraturen
om reindrift er det svært mange termar om ulike sider av næringa, og av
omsyn til brukarane er det viktig at vi bruker ein detaljert terminologi. Vi
har sjølvsagt vide termar som Reinbeite, Reindrift og Reindriftsnæring som
er delt opp i underavdelingar, t.d. med Forvaltning og Økonomi, eller i form,
t.d. Forskrifter. Dessutan har vi heilt spesifikke emneord som Reingjeting,
Reinpåkjørsler, Gjeterhytter og Reinlykke.
Vi prøver å unngå samansette emneord av typen Samisk litteratur. Emneordet
Litteratur blir da brukt. Derimot har vi oppretta emneordet Norsk litteratur.
Men i blant endrar litteraturen seg. Religion har vi brukt for den førkristne
trua. Det gjekk lenge greitt, heilt til vi fekk samiskspråklege dokument om
både religion generelt og om førkristen tru. Vi kan ikkje ha to tydingar av eitt
emneord. Dermed måtte vi ta i bruk Samisk religion for førkristen tru og la
Religion stå for religion generelt.
Eit anna emneord vi helst unngår, er Samer. Det kunne vi sikkert ha brukt
for dei fleste dokumenta i bibliografien. For dokument som handlar om både
samar og kvenar, må vi også bruke Samer dersom vi bruker Kvener. Elles er
det sjeldan aktuelt.
127