NB-BibliothecaNova 0414nett

Samisk bibliografi tar opp mange publikasjonstypar: Bøker,
periodika, artiklar i tidsskrift og bøker, småtrykk, lydbøker,
notetrykk (frå 2010), musikk (frå 2011) og eit utval digitale
dokument (frå 2014). Eit særtrekk ved bibliografien er det at i
overkant av 70 % av innførslane er artiklar i tidsskrift og bøker.
Vanlege monografiar utgjer drygt 25% av bibliografien. Denne
fordelinga har halde seg ganske stabil.
Samisk bibliografi inneheld hausten 2014 vel 22 000 innførslar.
Den årlege tilveksten har i seinare tid auka og ligg no på 1 400 - 1
500 postar.
Gunnar Hagen,
hovudbibliotekar,
Nasjonalbiblioteket.
Privat foto
KORT HISTORIKK
Historia om Samisk bibliografi begynte i Trondheim. Der hadde den sudettyske
bibliotekaren Justin Siegert frå 1973 på hobbybasis tatt til å samle
inn bibliografisk informasjon om samar og samiske forhold. Det vart frå
1979 løyvd offentlege midlar til arbeidet. Siegert vart pensjonert i 1982, og
prosjektet vart ført vidare av Anders Løøv og Inga-Britt Blindh.
Det vart publisert to trykte bibliografiar frå arbeidet i Trondheim. Den
første kom i 1984, dekte perioden 1966 - 1980 og hadde 2 117 bibliografiske
innførslar. Neste bibliografi kom i 1989 og tidsrommet var utvida til 1945 -
1987. Innhaldet hadde auka til 4 127 postar.
Dessverre tok løyvingane slutt, og Samisk bibliografi fekk ein lakune for
perioden 1988 -1992. Frå 1993 vart bibliografien fast plassert ved den nye
Nasjonalbibliotekavdelinga i Rana (NBR). Her vart arbeidet leia av Eli
Karin Svingeseth. Ho hadde tidlegare arbeidd ved Samisk spesialbibliotek
i Karasjok. Den nye pliktavleveringslova frå 1989 gjorde det mykje lettare å
få tilgang til dokument til bibliografien.
NBR publiserte ein trykt bibliografi for 1993 - 1994. Seinare kom bibliografien
på CD-ROM, og etter kvart på internett som ein av Nasjonalbiblioteket sine
Trip-basar. Ulempa var at basen ikkje vart kontinuerleg oppdatert.
Samisk bibliografi gjekk over frå registrering i Mikromarc til registrering i
BIBSYS i 2010, og i 2011 vart postane frå Mikromarc importerte til BIBSYS.
Importen omfatta også dei 4 127 postane frå Trondheim.
123