Undrande og skapande â¢ God som gull â¢ Pioner frÃ¥ ... - nashornet

More documents

Recommendations

Info

Undrande og skapande Undring, fantasi og skaparkraft er tre stikkord som står sentralt i barnebokforfattaren Rasmus Løland sitt liv. Han var engasjert på barns premisser og var mellom anna den første som tok barna på alvor i forfattarskapen sin. Han pakka ikkje bodskapen inn, men sette ord på dei unge si tankeverd. Han bar med seg ei skapande undring. Det har han til felles med mange andre kunstnarar, men måten han gjorde det på utløyser framleis respekt og beundring. I år, hundre år etter, kan me framleis knyte denne skapande undringa til to område. Barna sine vilkår og den vidare utviklinga av nynorsken sin plass i samfunnet. Like aktuell i dag Løland vart fødd i Hylsfjorden i Ryfylke og i 2011 er det 150 år sidan han blei fødd. I år er det hundre år sidan han døydde i Asker kor han budde deler av livet sitt. Ernst Drange vil i mai avdekke nye sider ved livet hans i sin nye biografi om Løland. Mange kjenner nok framleis titlar som ”Det store nashornet”, ”Kvitebjørnen”, ”Guten og grisen” og ”Bjednekniven”. Fleire av desse forteljingane kjem ut på nytt i år. Forteljingar som snakkar direkte til barna og dei er like aktuelle i dag som då dei kom ut for meir enn hundre år sidan. Rasmus Lølandsmarkeringa 2007–2011 vil setja Løland sitt virke på dagsorden overfor nye generasjonar. Ikkje berre forfattaren, men mennesket, samfunnsbyggjaren og journalisten skal vera med å skape engasjement for framtida. Å kjenna eigen kultur Naturleg nok er derfor visjonen for arbeidet ”Undrande og skapande”. Å ta utgangspunkt i barna sin fantasi og undringa, la dei kreative ideane og skaparkrafta deira få utfalda seg. Alt med eit utspring i det lokale, kulturen og identiteten, slik at og nye generasjonar blir betre kjent med og trygg på dei kvalitetar eit lokalsamfunn har. Media er sterkt, og barn og unge er utsette for eit enormt tilbod av informasjon gjennom mange kanalar. Kunnskapen om nasjonale og internasjonale spørsmål er ofte langt større enn eige nærmiljø. Ikkje mimre, men sjå framover Me skal ikkje bruke mykje tid til å sjå bakover, men utnytte ideane til Løland til å sjå framover. Skal dei unge vera med å forma framtida må dei likevel kjenne seg trygg på sitt eige. Derfor blir ei viktig utfordring for markeringa å leggja til rette for at dei unge kan få lov til å reflektere over endringar i eige nærmiljø, eigen kultur og lokalt næringsgrunnlag med tanke på å gjera dei trygge og stolte av eigen kultur og identitet. Det gir større rom for eit kulturelt mangfald der ulike kulturar kan leve godt ved sida av kvarandre. Viktige arenaer blir barnehage, skule og kulturtilbod for barn og unge. Tilboda her bør i langt større grad spegla lokal kultur og eigen identitet. Å auka statusen og haldningane til norsk kunst og kultur for barn og unge bør få ein lagt større plass i den offentlege debatten enn tilfellet er. Eit typisk døme er at det å skrive for barn og unge har langt frå den same statusen som når vaksne er målgruppa. Rogaland fylkeskommune har derfor oppretta eit Lølandsstipend på 100 000 kroner som blir delt ut i mai på Sand. Eit tiltak som er ein direkte konsekvens av det prosjektet som no er sett i gang. Me er i gang Nyskriven dramatikk, ”Betre utan ball”, som hadde premiere på Det Norske Teatret i mars, har og kome i stand som eit resultat av prosjektet. Dette stykket skal gjesta Suldal i mai. Det same ser me når Suldal kommune i år for første gong deler ut eit stipend på 300 000 kroner over tre år til unge talent som vil bruke talentet sitt og skaparkrafta si til å forme nye kunst- og kulturutrykk. Prosjektet som skal halda fram dei neste fem år er berre i startsblokka. Me meiner mykje vil bli skapt og merksemda kring norsk kunst og kultur for barn og unge skal ha ein lagt sterkare plass når prosjektet er sluttført ved utgangen av 2011. Og går det slik me vil skal Rasmus Lølandmarkeringa føre til at det blir etablert eit senter for nynorsk barnekultur og barnelitteratur i Ryfylke, som kan føra vidare dei mange ballane som no blir kasta opp. Ein stad der m.a. dokumentasjon på musikk, språk, journalistikk, litteratur kan samlast og vera til inspirasjon for barn og unge og dei som til dagleg arbeider med målgruppa. Prosjektet åleine kan ikkje gjera alt og me inviterer alle til å la dei tusen blomar bløme. Berre det vil utvikla prosjektet til den suksessen me alle ynskjer det skal bli. Marny Skeie Henkel er dagleg leiar i Stiftinga Rasmus Lølandmarkeringa 2007 – 2011 Norsk Plan as Redaktør : Marny Skeie Henkel Redaksjon: Astrid Eidhammer Hjelmeland Bente Kjos-Wenjum Einar Schibevaag Toyni Tobekk Foto (der ikkje anna er markert): Jan Nordtveit Anne Lise Norheim Redaksjonen Redaksjonelt ansvar: Norsk Plan as Næringsbedet i Vatlandsvåg 4235 Hebnes 52 79 04 80 bladstova@norsk-plan.no www.norsk-plan.no Formgjeving: Gerhard Stoltz /Norsk Plan as Annonser: Gerhard Stoltz Huibert de Jong Utgjevar: Rasmus Løland-markeringa 2007–2011 Trykk: Haugesunds Avis Opplag: 40 000 Rasmus Løland-markeringa vert dessutan støtta av Suldal kommune, Asker kommune, Kunnskapsdepartementet, ABM-utvikling og Rogaland fylkeskommune RASMUS LØLAND-MARKERINGA 2007 – 2011
PROGRAM FOR LØLAND-MARKERINGA Måndag 21. mai Kulturskulen vitjar skulane med eit Lølandinspirert kulturarrangement Kl. 11.30 - 12.00 Sogene til Rasmus Løland - opplesingsstund på biblioteket på Sand Vandring på Løland, kontakt turistinformasjonen 52 79 05 60 Tysdag 22. mai Biografien om Rasmus Løland av Ernst Berge Drange, lansering i Oslo Kulturskulen vitjar skulane med eit Lølandinspirert kulturarrangement Kl. 11.30- 12.00 Sogene til Rasmus Løland - opplesingsstund på biblioteket på Sand Vandring på Løland, kontakt turistinformasjonen 52 79 05 60 Onsdag 23. mai Kulturskulen vitjar skulane med eit Lølandinspirert kulturarrangement Kl. 11.30 - 12.00 Sogene til Rasmus Løland - opplesingsstund på biblioteket på Sand Vandring på Løland, kontakt turistinformasjonen 52 79 05 60 17.30 Opning av utstillinga ved Ryfylkemuseet ”Sølvkanne-universet – ei utstilling om Rasmus Løland og bygda” 19.00 Premiere ”Betre utan ball”, Det Norske Teatret, på Kulturhuset på Sand Inngang barn kr. 100, vaksne kr. 200 Torsdag 24. mai – fødselsdagen til Rasmus Løland 09.00 – 12.00 Fylkesutvalet i Rogaland held sitt møte på Sand 12.00 – 12.30 Minnemarkering ved Lølandsteinen, tale ved Lars Olav Fatland. ”Lølandsteinen” av Theodor Halvorsen, framført av ”Lølandskoret” Barnekor syng Sand skulekorps spelar 12.45 – 13.30 Enkel servering på Kulturhuset 13.30 – 14.45 Ordførarmottaking på Kulturhuset Utdeling av Rogaland fylke sitt Lølandstipend Presentasjon av nyutgjeving av Rasmus Løland: "Gutar. Forteljingar i utval." Det Norske Samlaget Presentasjon av biografien om Rasmus Løland av Ernst Berge Drange. Det Norske Samlaget Innslag ved elevar i kulturskulen og skulane Forteljekunst med tonefylgje ved Anne Elisebeth Skogen og Tove Solheim Torsdag 24. mai – forts. 15.00 Dåp MF Sand ved Hydrokaien på Sand 09.00 – 17.00 Ryfylkemuseet ”Sølvkanne-universet – ei utstilling om Rasmus Løland og bygda” 16.00 ”Betre utan ball”, Det Norske Teatret, Kulturhuset 18.30 ”Betre utan ball”, Det Norske Teatret, Kulturhuset 18.30 – 20.00 Professor Harald Bache - Wiig: ”Rasmus Lølands ”Hundrad år”: Et tilbakeblikk på framtida”, på Ryfylkemuseet. Tove Solheim med slåttar frå Suldal Inngang kr. 50 20.30 Festkveld på Ryfylke Fjordhotel Festtale ved Ernst Berge Drange Nils Bjarne Vold og Gullgutane ”Rasmus vil heim att.” Sjølparlaget ved Terje Bråtveit, Jan Erik Kristensen og Atle Ingar Vold. Rønnaug Foss Alsvik og trio Konferansier Rønnaug Foss Alsvik Inngang kr. 100 Det vert høve til å kjøpa ”Lølandsuppe” med brød Fredag 25. mai Kl. 11.30- 12.00 Sogene til Rasmus Løland - opplesingsstund på biblioteket på Sand 10.00 – 14.00 Vandring i Løland sitt rike for tilreisande teaterfolk, føredragshaldarar og andre som ynskjer å vera med, påmelding innan 16. mai til: marny@ nashornet.no, el. tlf. 52 79 06 20. Transport kr. 150, inngang Rosebua kr. 20, enkel servering 09.00 – 15.00 Ryfylkemuseet ”Sølvkanneuniverset – ei utstilling om Rasmus Løland og bygda” 16.00 ”Betre utan ball” Det Norske Teatret, Kulturhuset 18.30 Evt. ekstraframsyning ”Betre utan ball”, Det Norske Teatret, Kulturhuset 18.00 - 21.30 Litterært kraftverk, leia av Ingvar Olimstad, på Ryfylkemuseet. Professor Harald Backe-Wiig: ”Rasmus Lølands fortellinger for barn: ei omvendingssoge?” Professor Åsfrid Svensen: "Fortellingene i ”Det store nashornet” og ”Kvitebjørnen” - næring for barn i vekst og utvikling." Barnebokredaktør i Det Norske Samlaget: Ragnfrid Trohaug: "Mellom rett og galt. - Moralen i Lølands barnefortellingar." Folkemusikken på Hylsstranda ved Ruth Anne Moen og Tove Solheim Inngang kr. 100 Det vert høve til å kjøpa ”Lølandtallerk” med drikke i pausen Laurdag 26. mai pinseafta 12.00-16.00 Ryfylkemuseet ”Sølvkanneuniverset – ei utstilling om Rasmus Løland og bygda” Søndag 27. mai 1. pinsedag Gudsteneste på Løland kl. 13.00 på Vanvik skule. Ernst Berge Drange miniforedrag – Rasmus Løland og trua Smørgraut og fjordabete vert servert. Program for ungane, leikar og spel ute eller inne. Dersom fint ver, drar ein opp til Løland etter grauten, går til Bjednesteinen, drikk kaffi og et lefsa der. Utstilling på Kulturhuset på Sand heile veka: Skulane, Kulturskulen, Suldal Mållag med fleire. For tinging av billettar: Kulturhuset. tlf. 52 79 22 90 eller: www.suldal.kommune.no PROGRAMMET VIDARE 7. og 8. juni Kulturskulen si framsyning av Rune Belsvik si dramatisering med utgangspunkt i Rasmus Løland sine tekstar 8. og 9. juni Ryfylkedagane 18. juni – 27.juni Noregs Ungdomslag – folkekulturfestival og amatørteaterfestival Lunsj & Lyrikk 21. juni kl. 12.00-12.15 i Teaterbistroen på Det Norske Teatret: Forteljar Anne Elisebeth Skogen fortel segna om ”Søren Ytrebjerga” 22. -25.juni Rogaland 4H fylkesleir i Suldal med aktivitetsdag på Løland 27.juni – 1.juli Dei Nynorske Festspela i Ørsta med Rasmus Løland på programmet Veke 41 Hovudmarkering i Asker med mellom anna konferansen ”Å bera på livet i ein tråd” Opning av Lølandstua Med atterhald om endringer UNDRANDE OG SKAPANDE • www.nashornet.no
Page 1: nashornet Om den store Rasmus Løla
Page 5 and 6: God som gull - Ei bregne, god som g
Page 7 and 8: "Løland er ein skatt av ein forfat
Page 9 and 10: Levande kultur Årets kulturkommune
Page 11 and 12: en Kulturskuleelevane på drama (f.
Page 13 and 14: Sjeldan ferje snart i drift I tille
Page 15 and 16: „Rett i mål...rikt krydret med f
Page 17 and 18: Dyrkar ikkje ugras Sjølvmelding Na
Page 19 and 20: Prisvinnar Med Suldal kommune som s
Page 21 and 22: Kultur, adrenalin og skjulte skatta
Page 23 and 24: Melvær&Lien Idé-entreprenør Foto
Page 25 and 26: Blåsjø Blåsjø er det største r
Page 27 and 28: Laksefiske Suldalslågen er elvestr
Page 29 and 30: DET MÅ BLI GULT UTAN HINDRINGAR Ar
Page 31 and 32: Sølvkanneuniverset Ryfylkemuseet o

Undrande og skapande â¢ God som gull â¢ Pioner frÃ¥ ... - nashornet

You also want an ePaper? Increase the reach of your titles

Delete template?

Save as template?

Undrande og skapande â¢ God som gull â¢ Pioner frÃ¥ ... - nashornet