Undrande og skapande • God som gull • Pioner frå ... - nashornet

Kultur, adrenalin og
skjulte skattar
Er du klar for fart og
spenning på fjorden
eller lysten på revy eller
eit museumsbesøk bør
du ta deg ein tur på
Ryfylkedagane på Sand
andre helga i juni.
– Fokus for festivalhelga er å fronta leiker for born og ungdom, seier
aktørane bak Ryfylkedagane som blir skipa for 24. gong i sentrum
av Sand helga 8.- 10.juni. Her kan du finna både piratar og sjørøvarskip
eller prøva deg på havrafting, kajakkpadling og få med deg
det populære andeløpet i Suldalslågen.
– Målet er å ha eit så breidt tilbod som mogleg for så vel born som
vaksne, seier arrangørane Brita Bøen Hoftun frå Suldal Utviklingsselskap,
Berit Reinertsen Sandvik frå Reiselivslaget, Geir Skjefstad,
leiar i sentrumsgruppa og sentrumsleiar Kirsten Vigre.
Skattejakt
– Suldal har "skattkammeret" som slagord, og i år har me tatt tak i
det og skipar til skattejakt for dei minste, seier Vigre. På Hydrokaien
vil ei sjørøvarskute leggja til kai. Piratane om bord har høyrt om
ei stor skattekiste som er gøymd på Sand, og denne skatten vil dei
gjerne ha. Men for å klara dette, treng dei treng hjelp av så mange
småpiratar som råd. Så her er det berre til å stilla opp og hjelpa til
med å finna skatten.
Revy og utstilling
Revyen ”Gaukongar 2” vil bli vist på Kulturhuset laurdagskvelden og
utstillinga ”Sølvkanneuniverset – ei utstilling om Rasmus Løland og
bygda” kan du få med deg på Nesjasjøhuset. Elles vil gatene på Sand
vera prega av utstillarar, og det blir tivoli for dei minste.
Full fart på fjorden
Er du lysten på å sleppe ut håret, få opp pulsen og kjenna saltvatn i
andletet er havrafting noko for deg. På Ryfylkedagane kan du få deg
ein timinuttars tur med fart og spenning på fjorden i ein havrafting
båt i regi av Erfjord IL. - Vanlegvis føregår rafting på ope hav, men
det blir nok like heftig på fjorden, seier Vigre.
Kajakktur
Nytt av året er høvet til å få seg ein kajakktur på fjorden laurdagen.
– Me strekker oss alltid etter å bli betre på å ha spennande tilbod til
besøkjande i alle aldrar seier, Skjefstad.
Korps i vekst
Korpset på Sand har i dag nærare 30 medlemer og skal under Ryfylkedagane
skapa liv og røre i gatene. Det skal og vera korpsstemne og
korpskonsert i Amfiet ved Kulturhuset, der alle korpsa i grendene i
Suldal kommune skal vera med.
Astrid Eidhammer Hjelmeland
UNDRANDE OG SKAPANDE • www.nashornet.no 21