Undrande og skapande â¢ God som gull â¢ Pioner frÃ¥ ... - nashornet

More documents

Recommendations

Info

Den siste frå Kultur-Høgre, kviskrar ein eller annan når Roald Bergsaker kjem opp som portrettmateriale. Men det vil ikkje Roald Bergsaker høyre snakk om. Sjølvmelding Namn: Roald Bergsaker Alder: 64 Bur: Sandnes Er: Fylkesordførar i Rogaland I det sivile: Gift, 3 barn, 7 barnebarn Les: Eg les for lite skjønnlitteratur, det blir mest politisk litteratur og biografiar. Nett no er det Stalin-biografi, og etter det blir det Mao. Høyrer: Likar best lett musikk. Sidan eg har hatt tysk som fag, er eg og glad i tysk musikk. Tre ord eg assosierer med kultur: Eg er glad i måleri og målarkunst, teater og konsertverksemd. Høgre er mykje meir eit kulturparti enn det partiet får kreditt for, meiner fylkesordføraren og styreleiaren i Rasmus Løland-stiftinga. - Høgre-ordførarane i Sandnes og Stavanger har då verkeleg vist at dei satsar på kultur, gjennom Stavanger som Europeisk Kulturby 2008. Gamle båtmotorar Hans eige kulturengasjement skriv seg mellom anna frå foreldra. – Begeistringa for målarkunst har eg frå mor mi, fortel han og snakkar varmt om Kitty Kielland og Harriet Backer. I ungdommen studerte han historie, og historie som fag har blitt omsett i interesse for kultur. Heilt sidan oppstarten av Jærmuseet har han dessutan sete i styret. Kystkultur i det heile er noko han er brennande oppteken av. Gjennom Kystlaget har han fått interesse for gamle båtmotorar, ei interesse han har latt gå i arv til sonen. – Eg har ein gammal 63-modell Marna, fortel han, men innrømmer lattermildt at der han har ein motor, har sonen 10-12. Kjapp og raus Han hastar vidare i samtalen. Bergsaker snakkar fort, han snakkar høgt og låtten sit laust. Han får sagt mykje på kort tid. Av kollegaer, politiske motstandarar og andre som kjenner han vel blir Bergsaker beskrive som ein tydeleg, raus og romsleg person. Ikkje ein gong då VG i fjor hengte han ut for å bruke kommunale kroner til alkohol i politisk selskap, blei omdømmet hans særleg svekka. Mellom anna skal han ha spandert konjakk og irish coffee i avskildsselskapet til tidlegare fylkesvaraordførar Eirin Sund (Ap). Det politiske Rogaland lette mest ikkje på ein augnebryn. Ap forsvarte han som ein raus og rundhanda medkollega og ikkje ein gong Krf ønskte å bruke høvet til å henge ut mannen med spanderbuksene. Skuffa over Høgre Vi held oss i politikken. Det er nemlig somme av partifellene Bergsaker er lite fornøgde med: Står solid i kulturen – Eg er skuffa over måten ungdomspartiet har behandla sidemålet på, seier han og kommenterer Unge Høgre sin politikk om å avskaffe sidemålet ein gong for alle. Sjølv om det er sidemålet Unge Høgre snakkar om, er det liten tvil om at det nynorsken som skal til pers, meiner Bergsaker. – Å støyte frå seg alle som brukar nynorsk gjennom slik politikk, nei det er svært uheldig. Det er skuffande. Bergsaker sjølv synest det har vore positivt å vere med å gje nynorsken eit løft gjennom arbeidet med forfattaren Rasmus Løland. – Veldig inspirerande. Både gjennom Lølandmarkeringa og gjennom Rogaland fylkeskommune si satsing på forfattarstipendet har eg sett verdien av å vere med og stimulere skrivande unge menneske. Snart president Ved sida av politikken, er det idretten som står han spesielt nær. Han har vore innom fotball, friidrett, sykling, til og med Noregs Olympiske komite har han sete i. No kan det verke som idretten skal ta han for alvor, i og med at han har akseptert å vere kandidat til vervet som president for Noregs Idrettsforbund. Valet skjer samstundes med at denne avisa går i trykken. – Eg er lysten på jobben, seier han, sjølv om han ser med blanda kjensler på det å skulle gå av som fylkesordførar etter åtte år. – Det har vore heilt utruleg. Og når du les dette, veit du om han blir idretten sin fremste tillitsvalde dei neste åra, eller om han går attende til den gamle jobben ved Forus næringsforum. Varige mén Når han går av som fylkesordførar til hausten, går han og av som styreleiar for Løland-stiftinga. Det er han ikkje så veldig lei seg for, sjølv om han gjerne skulle følgt arbeidet frå første rad noko lengre: – Eg er ikkje eigentleg spent på korleis markeringa vil gå etter det, for eg veit ho er i gode hender. Men eg er spent på og håpar at det blir riktig mange, gode ringverknader av det arbeidet vi har sett i gang. Vi satsar på at det blir varige biverknader! Toyni Tobekk 16 RASMUS LØLAND-MARKERINGA 2007 – 2011
Dyrkar ikkje ugras Sjølvmelding Namn: Marny Skeie Henkel Alder: 55 Bur: Odda og Sand Er: Dagleg leiar for Rasmus Lølandmarkeringa 2007 – 11 I det sivile: Gift, 2 barn, 4 barnebarn Les: Isabel Allende er ein favoritt. Er og glad i Gunnar Staalensen sin krimhelt Varg Veum, til trass for at eg ikkje likar krim elles. Høyrer på: Drivande blues, gjerne høgt, men eg likar godt å ha det stille. Det er så mykje støy og lydar i kvardagen vår, når eg er åleine er gjerne TV, radio, musikk slått av. Prøv, det gjer godt å kjenna på stillheita. Tre ord eg assosierer med kultur: Oppleving, kjensler, utvikling. – Vi dyrkar ikkje ugras i denne jobben, vi dyrkar blomar, seier Marny Skeie Henkel om Rasmus Løland– markeringa. Sjølv får ho verkeleg dyrke denne jobben ho har blitt sett til når hu bur og jobbar på Sand fire dagar i veka og reiser heim att til Odda på langhelg. Det var litt skummelt å gå frå ein trygg jobb i kommunen med fri sikt inn i pensjonisttilværet til ein prosjektstilling som tar slutt når ho er 60, medgir ho. Imponert Framleis er ho i permisjon frå jobben som leiar ved sørvistorget i Odda, men ganske snart må ho bestemme seg for om ho vil halde fram som dagleg leiar av Rasmus Løland-markeringa. – Eg likar denne jobben så godt, seier ho, og forskotterar med både kropp og tale kva avgjerda kan kome til å bli. Sjølv om ho då kan kome til å bli ”60 og arbeidsledig” etterpå. Noko av det første ho gjorde då ho vart tilsett som dagleg leiar for Løland-markeringa, var å byrje å lese seg opp på Løland. Frå før hadde ho ikkje så stor kjennskap til forfattarskapen hans, men no er ho mektig imponert over i kor stor grad litteraturen til Løland lever vidare. – Eg har funne ut at han finst i mange norskbøker for grunnskulen, og det syner at han kanskje ikkje er så ukjend som mange trur. Sjølv trekker ho fram ”På sjølvstyr” og ”Hamsuneliksiren” som to Løland-tekstar som har gjort stort inntrykk. – Det er så givande å lese desse tekstane, her er så mykje ein kan kjenne att sjølv i 2007, seier ho overbevisande. Luksus i livet Arbeidsdagane i Suldal Næringshage på Sand blir ofte lange. Det synest ho er heilt greitt. – Eg jobbar på Sand, og så tar eg fri når eg tar fri. Det er ganske spennande å få vie seg så heilt til denne jobben, og eg ser at det hadde blitt vanskeleg å ha ein slik jobb viss eg hadde hatt ungane små. På hybelen på Sand har ho ikkje fjernsyn, berre radio og ein del bøker. Både den vesle hybelen og fråværet av skjerm er heilt bevisste val. Luksus kallar ho det: – Ikkje treng eg bruke mykje tid på å gjere reint, og eg brukar kveldane til å lese eller gå tur og tenkje. Eller eg løyser sudoku for å klarne hovudet. Det er eit privilegium å få leve eit enkelt liv. På lista over bøker ho skal lese framover står stavangerforfattaren Arnt Birkedal høgt ope. – Ja, han skal kome til kulturskulen i Suldal og halde skrivekurs, og der skal eg også vere med og hjelpe til! Blir flau Gleda og begeistringa synast att i kroppsspråket hennar. På same vis kjem det alvorlege og tenksame draget når samtalen dreier inn på ein av dei andre store lidenskapane i livet hennar: Politikken. Ho har vore aktiv SV’ar og sete i kommunestyret i Odda tidlegare. Sjølv er ho oppteken av velstandens pris, korleis vi aldri ser ut til å bli fornøgde uansett kor mykje vi har. Forbruket vårt er umoralsk sett i verdssamanheng, meiner ho. – Vi har utelysa ståande på heile dagane og svære hytter som slukar straum. Samstundes klagar vi på straumprisar og bensinprisar. Eg blir flau. Sjølv om ho ikkje saknar å vere aktiv politikar, meiner ho det er ei borgarplikt langt fleire kunne smake på. – Det burde nesten vore kamp om plassane i politikken. Alle bør bidra. Glede i fem år Skeie Henkel er ikkje med på at det blir for mykje og for stort med fem år med Løland og meiner det er litt misforstått å tru at ein skal drive ei fem år lang personfokusert markering. – Det vi vil er å bruke ein forfattar til å fremje leseog skriveglede i fem år, og så håpar vi at desse fem åra vil setje varige spor etter seg, seier ho. – Eg må også få seie at det er så utruleg mange flinke og kreative folk her i Suldal. Viss det var noko eg skulle ønskt annleis på suldølens vegner, så måtte vere at endå fleire mellom dei såkalla ”meinigmann” kan gle seg over Løland-feiringa. Toyni Tobekk UNDRANDE OG SKAPANDE • www.nashornet.no 17
Page 1 and 2: nashornet Om den store Rasmus Løla
Page 3 and 4: PROGRAM FOR LØLAND-MARKERINGA Mån
Page 5 and 6: God som gull - Ei bregne, god som g
Page 7 and 8: "Løland er ein skatt av ein forfat
Page 9 and 10: Levande kultur Årets kulturkommune
Page 11 and 12: en Kulturskuleelevane på drama (f.
Page 13 and 14: Sjeldan ferje snart i drift I tille
Page 15: „Rett i mål...rikt krydret med f
Page 19 and 20: Prisvinnar Med Suldal kommune som s
Page 21 and 22: Kultur, adrenalin og skjulte skatta
Page 23 and 24: Melvær&Lien Idé-entreprenør Foto
Page 25 and 26: Blåsjø Blåsjø er det største r
Page 27 and 28: Laksefiske Suldalslågen er elvestr
Page 29 and 30: DET MÅ BLI GULT UTAN HINDRINGAR Ar
Page 31 and 32: Sølvkanneuniverset Ryfylkemuseet o

Undrande og skapande â¢ God som gull â¢ Pioner frÃ¥ ... - nashornet

Create successful ePaper yourself

Delete template?

Save as template?

Undrande og skapande â¢ God som gull â¢ Pioner frÃ¥ ... - nashornet