Undrande og skapande â¢ God som gull â¢ Pioner frÃ¥ ... - nashornet

More documents

Recommendations

Info

Sverre Solberg som den fotballglade faren og Tobias Santelmann som den ikkje fullt så fotballglade Knut. (Foto: DNT) Utan ball i Suldal ”Betre utan Ball” vert sett opp på Kulturhuset på Sand 23. – 25. mai. Stykket har fått svært god omtale etter premieren i Oslo denne våren. Hans Sæter, varaordførar i Suldal, var til stades på premieren og seier at han gler seg til teatret kjem til Suldal. – Det var ein fulltreffar og ung eller gamal bør nytta høvet til å få med seg dette spennande stykket. – Oppsetjinga imponerer meg, måten dei har løyst førestillinga på med humor, men likevel alvor. Det forsterkar bodskapen i stykket, seier Sæter. Og Sæter hadde støtte for synet sitt, noko dei frammøtte viste på premieren. Etter teppefall måtte skodespelarane inn att på scena ei rekkje gonger for å møta trampeklapp frå dei frammøtte i salen. Kjempekritikk ”En forestilling med varme, humor og alvor….en fornøyelse” stod det i Dagsavisen. ”Rett i mål”, skriv meldaren i Dagbladet om premieren. ”Eit teaterstykke i kryssingspunktet mellom ting som skjer i kvardagen, raritetar, rikt krydra med festlege påfunn som det er. Her var det fysisk komikk, fartsfylte sprell og humoristiske overraskelsar – ei livlig tolking av Glenn Belden sitt stykke.” ”Altså ny, norsk fersk og frisk barnedramatikk som gjekk rett i mål”, avslutta meldaren. Stykket Måndag står det gym på timeplanen, da er Knut ”sjuk”, han har vondt i magen, han hatar gymtimane for da skal det på død og liv spelast fotball. Men det er ikkje berre på skolen det er fotballpress, pappa masar og kjøper kjempefin ball til bursdagen, kameratane masar og mobbar han for å vere jentete. Det er ikkje lett å vere Knut, ein heilt vanleg gut, som heller vil leike med dokker og misunner jentene som slepp å spele fotball. Betre utan ball er historia om ein gut som er litt annleis og menneska rundt han som presser på for å få han til å gjere som dei vil. Møtet mellom Knuts eigen vilje og presset utanfrå gir rom for både skjøre augeblikk og meir robust teaterleik. I rolla som Knut finn vi 25-år gamle Tobias Santelmann som kom direkte til Det Norske Teatret frå teaterhøgskolen hausten 2006. Dei andre rollene blir spela av Ingunn Øyen, Ellen Dorrit Petersen, Sverre Solberg, Cecilie Enersen, Espen Sandvik og Anders Rummelhoff. Stykket blir sett i scene av Øyvind Osmo Eriksen og scenografien er ved Nora Furuholmen. Glenn Belden vann hausten 2006 førsteprisen for stykket i dramatikktevling for barn i høve Rasmus Lølands minneår. Glenn Belden debuterer også denne våren som barnebokforfattar med "Tøff med tøfler" som kjem ut på Epoke forlag. Einar Schibevaag Nashorn av alle slag Ungar frå 0-15 år har tevla om kven som kan laga det mest spennande nashornet. Temaet i konkurransen var henta frå Rasmus Løland si forteljing om gutane Pål, Gunnar, Kolbein og Andres då dei møtte det store nashornet inne i skogen på Løland i Vanvik for mange år sidan. Innsendarane hadde teke i bruk ulike teknikkar som trearbeid, perling, maling, teikning og toving. 56 flotte nashorn kom inn til juryen og vitna om fantasi og skaparglede blant den yngre garde. Vinnarane av tevlinga, Gunnar Skålheim, Susanne Angvik Tveit, Bjørnar Tveit Vela, Patrick Weerstand og Håvard Bakka vart premierte med gratisbillett til ei framsyning av ”Betre utan Ball” av Glenn Belden med Det Norske Teatret som kjem til Suldal i mai. Bente Kjos-Wenjum 12 RASMUS LØLAND-MARKERINGA 2007 – 2011
Sjeldan ferje snart i drift I tillegg til at dørene får symbol frå to av Lølands mest kjende historier, skal også bildekket smykkast med sitat frå fleire av Løland-historiene. Bygdebokskrivar og Løland-biograf Ernst Berge Drange og Ingvar Olimstad frå Suldal sogelag har henta ut visdomsord og gullkorn av typen ”Den trugnaste av alle vokstrar er mosen” og ”Minne kan gjera det småe stort”. Det er heilt uvanleg at ein ferjeskorstein blir utsmykka med symbol frå litteraturen. Men det skjer i Suldal. - Skal vi gå inn i Nashornet eller i Kvitebjørnen i dag? Slik ser Marny Skeie Henkel for seg at ferjepassasjerane kan spørje seg når dei snart får kome om bord i den splitter nye ferja som skal trafikkere Sandsfjorden i Suldal kommune. Den nye M/F Sand skal nemleg bere preg av den pågåande markeringa av Suldals-forfattaren Rasmus Løland. Inngangsdørene til salongen skal mellom anna målast grøne og få kvart sitt namn og symbol: Den eine blir Nashornet og den andre blir Kvitebjørnen. Gjere det småe stort Henkel er dagleg leiar for Rasmus Løland-markeringa 2007 – 2011. Ho har nyss vore i møte med ferjeselskapet Stavangerske og er glad for den begeistringa ho møtte der. - Dei synest og dette er spennande og kjekt. Ferjeselskapet meiner dette er den einaste ferja som blir smykka ut på dette viset, i alle fall i Noreg. Og høgt i toppen Sjølv på avstand skal ein kunne sjå at denne ferga siglar under Lølands flag. Skorsteinane skal nemleg ha nashorn-emblemet måla på eine sida, og det er ifølgje fergeselskapet Stavangerske svært uvanleg at ein tillet andre merke enn rederiets eige på skorsteinen. - Me har vanlegvis gule skorsteinar på ferjene våre. Men nett denne ferja, M/F Sand, er ikkje ei Stavangerske-ferje, seier Olaug Sjursø, assisterande direktør i Stavangerske. Den nye ferja er eigd av Norferjer, forklarar ho. Og Norferjer er eigd 50 prosent av Stavangerske og 50 prosent av Tide. - Norferjer er eit såpass nytt selskap at det ikkje har fått eige skorsteinsmerke enno, og derfor kunne me sleppe Nashornet til, fortel Sjursø. Uvisst når Sjølv om det var Lølands-markeringa som trykte på for å få til dette samarbeidet om utsmykking av ferja, er Stavangerske heilt klare på at dei synest det er spennande å få samarbeide med lokalsamfunnet på denne måten. Det store spørsmålet har i lengre tid vore kva tid denne ferja skal kome i drift, og det har vore vanskeleg å få nokon dato på boordet. Heller ikkje Sjursø kan seie noko konkret om den saka, anna enn at ferja skal døypast den 24. mai på Sand. Den nye M/F Sand er ei firemotors dieseldriven ferje med plass til 50 bilar, mot dagens kapasitet på 34. Toini Tobekk Kulturskulen med nyskrive teaterstykke Kulturskulen i Suldal er klar for urpremiere på Rune Belsvik sitt nyskrivne skodespel, "Kor vart det av jula?", i byrjinga av juni. Kulturskulane i Suldal og Asker er dei første som får sjansen til å spele stykket som er basert på tekstar av Rasmus Løland. Premieren i Suldal er torsdag 7. juni på Kulturhuset på Sand. Dagleg leiar i Løland-stiftinga, Marny Skeie Henkel, seier at stykket skal tilbys andre kulturskular etterkvart, men at Suldal og Asker får prøve seg først. Løland tekstar Belsvik blei engasjert av Suldal kommune og Stiftinga Rasmus Løland-markeringa til å dramatisere tekstar av Løland til ei teaterframsyning som kan brukast av kulturskular. Skodespelet er basert på romanen "Kor vart det av jula", forteljingane "Då bestemor fall frå", "Striden om himmelriket" og "Kvitebjørnen". Belsvik har også brukt sitat frå boka "Sjølvbiografi" og har laga eit stykke i sju scener med 13 roller for jenter og gutar frå omlag elleve til atten år. Førebuing Dramalærar Anne Elisebeth Skogen har ansvar for regien, kostyme og scenografi, med god hjelp av lærar i biletkunst Nenad Ignjatic. Goos ten Napel er engasjert for å skriva musikk til stykket for fløyte, fiolin, hardingfele, klaver og slagverk. To jenter og åtte gutar frå Suldal kulturskule er godt i gong med øvinga på tearterstykket. Nye kostyme er under produksjon, og skulen er ute på bygda og ser etter nødvendige rekvisita. Bente Kjos-Wenjum UNDRANDE OG SKAPANDE • www.nashornet.no 13
Page 1 and 2: nashornet Om den store Rasmus Løla
Page 3 and 4: PROGRAM FOR LØLAND-MARKERINGA Mån
Page 5 and 6: God som gull - Ei bregne, god som g
Page 7 and 8: "Løland er ein skatt av ein forfat
Page 9 and 10: Levande kultur Årets kulturkommune
Page 11: en Kulturskuleelevane på drama (f.
Page 15 and 16: „Rett i mål...rikt krydret med f
Page 17 and 18: Dyrkar ikkje ugras Sjølvmelding Na
Page 19 and 20: Prisvinnar Med Suldal kommune som s
Page 21 and 22: Kultur, adrenalin og skjulte skatta
Page 23 and 24: Melvær&Lien Idé-entreprenør Foto
Page 25 and 26: Blåsjø Blåsjø er det største r
Page 27 and 28: Laksefiske Suldalslågen er elvestr
Page 29 and 30: DET MÅ BLI GULT UTAN HINDRINGAR Ar
Page 31 and 32: Sølvkanneuniverset Ryfylkemuseet o

Undrande og skapande â¢ God som gull â¢ Pioner frÃ¥ ... - nashornet

Create successful ePaper yourself

Delete template?

Save as template?

Undrande og skapande â¢ God som gull â¢ Pioner frÃ¥ ... - nashornet