særutskrift av møtebok - Klepp kommune - politikk

Klepp kommune
Postboks 25
4358 Kleppe
Tlf 51 42 98 00
SÆRUTSKRIFT AV MØTEBOK
Behandla i: Møtedato: Sak nr:
Hovudutval for skule og barnehage 25.08.2011 29/11
Kommunestyret 05.09.2011 46/11
Saksbehandler: Trond Roy Pedersen Arkiv: B13
Arkivsak: 08/57-87
SKULEBRUKS- OG BARNEHAGEBRUKSPLAN 2011 - 2015
Framlegg til ny skule- og barnehagebruksplan har vore på høyring med høyringsfrist til 15.6.
Det har kome 14 høyringsfråsegner. I tillegg har det vore dialog med fagfolk frå Etat for lokal utvikling for å
gå igjennom tekstdelar og talgrunnlag. Det er gjort nokre små justeringar ut frå desse samtalane.
Høyringsfråsegnene blir kommenterte. 9 av dei ligg som vedlegg. Dei 5 andre er korte og attgjevne i
teksten.
Kriteria for utforming av bygga og uteområda til barnehagane og skulane i Klepp
Delta, Fagforbundet og Utdanningsforbundet meiner at det også må gå fram at fagarbeidarar og assistentar
treng arbeidsplassar (jfr p 5). I punkt 6 bør det stå fellesrom.
Kommentarar: Det første synspunktet er det teke omsyn til i planen ved at punktet er gjort allment for alle
arbeidstakarar. Kommunalsjefen ser ikkje grunnlag for å endra punkt 6.
Barnehagedelen:
SU ved Orstad naturbarnehage peikar på at gjeldande arealnormer for Klepp er 4 og 5,5, medan
regelverket er med i planen. Øksnevad barnehage bør i første omgang få rom i underetasjen i grendahuset
på Orstad. På lengre sikt bør det bli eit påbygg til Orstad barnehage. Open barnehage bør bestå.
Kommentarar: LU vil vurdera om underetasjen i grendahuset (som kommunen eig) kan bli nytta innanfor
ein akseptabel kostnad.
SU ved Vasshus skule og barnehage meiner barnehagen på Vasshus bør byggast ut til 4 eller 5
avdelingar og at Eirik Raude senteret ikkje bør leggast hit. FAU har same synspunkt og legg til at
bedehuset kan kjøpast og at 90 plassar på skulen kan nyttast betre.
Kommentarar: Innspelet om å vurdera kor neste barnehage bør vera, blir tatt med som ein del av
vurderinga av kor ny barnehage i 2015 bør byggast. ERS blir ikkje tilrådd lagt til Vasshus, men bør halda
fram der denne alternative skulen er nå. Dei 90 plassane kan t d nyttast betre ved krinsgrenseregulering og
vera med i vurderinga når Åna-Grude (felt 11 og 17) blir bygd ut.
SU ved Steingarden barnehage meiner at open barnehage ikkje bør leggast ned.
Kommentar: Tilrådinga blir at det blir vurdert alternative løysingar for open barnehage.
Side 1

SU ved Klepp familie- og friluftsbarnehage meiner at familiebarnehagedelen ikkje bør leggast ned. Det
blir også peika på at arealet over barnehagen i Fredheimsbygget kan nyttast til utviding.
Kommentar: Under føresetnad av at det går i orden med å legga familiebarnehagedelen inn i tilstøytande
lokale til Klepp familie- og friluftsbarnehage, blir dette tilrådd frå 2012.
SU ved Tu barnehage set spørjeteikn ved å nytta gamle Borsheim barnehage når det er behov andre
stader. Det blir også set spørjeteikn ved framlegginga om nedleggingar når det er behov framover. SU ved
Sørhellet barnehage set også spørjeteikn ved nedleggingar av små barnehagar, men ser fornuft i å tilrå
endringar for Øksnevad barnehage.
Kommentarar: Kommunalsjefen kan sjå at ein ut frå behova ikkje bør velja å rusta opp Borsheim
barnehage. Men dette blir billige plassar og ut frå ei rasjonell drift framover med store barnehagar, vel
likevel kommunalsjefen å tilrå løysinga. Stordriftsfordelar er også argumenta bak framlegga i planen når det
er vanskeleg å få midlane til å strekka til framover.
Skuledelen:
SU ved Engelsvoll skule og barnehage peikar på kjellarlokala til skulen bør frigjerast til SFO og
fleirbruksrom når ny barnehage på Engelsvoll blir bygd.
Kommentarar: Dette er ei ønskeleg løysing, men må vurderast i forhold til den totale
barnehagekapasiteten og økonomien til kommunen. Punktet er teke med i planen.
SU ved Orstad skule uttaler at sjølv om skulen vil ha elevnedgang dei komande åra, vil skulen ha behov
for grupperom og peikar på planane om å bygga om kroppsøvingslokalet til undervisningsrom. I uttalen blir
det også peika på at kommunen må ta vare på dei alternative skuleordningane.
Kommentarar: Punktet om grupperom og ombygging av kroppsøvingslokalet til undervisningsrom er teke
med i planen. Kommunalsjefen har ein gjennomgang av dei alternative skuleordningane mellom anna på
bakgrunn av R 3/10 frå Utdanningsdirektoratet, der det blir stilt spørjeteikn ved mengda av alternative
skuleordningar som blir oppretta i kommunane.
SU ved Bore skule viser til at skulen får ein elevtalsauke framover som gjer at det ikkje vil vera plass til
alle klassane på skulen. Som løysing blir det vist til paviljongane. SU ved Bore ungdomsskule og FAU
ved Bore ungdomsskule syner til at det er plass til 7. årssteget frå Bore skule ved skulen.
Kommentarar: Planen har med utviklinga av elevtalet ved Bore skule. Skulen er allereie pressa, og vil frå
2013 ha behov for ytterlegare eitt klasserom. Allereie frå neste skuleår vil det vera rom til elevane på Bore
ungdomsskule. Bore ungdomsskule kan til dømes ta imot 7. årssteget ved Bore skule. Det blir tilrådd å
gjennomføra dette frå 2012.
FAU ved Klepp ungdomsskule peikar på ulempene det er å ha undervisning i Klepphallen og spør om Tu
skule kan bli 1 – 10 skule. Skulen ønsker ikkje brakker. Delta, Fagforbundet og Utdanningsforbundet
meiner også at undervisningsroma i Klepphallen ikkje er ei god løysing for Klepp ungdomsskule. FAU
meiner også at eventuelle krinsgrenseendringar må vera varsla i god tid.
Kommentarar: Kommunalsjefen har forståing for ulempene med undervisning i Klepphallen. Noko av
grunnen til at undervisningsrom i hallen blei vald, var ulempene ved den opne løysinga på Klepp
ungdomsskule. Når nå det har blitt gjort romdelingar, må situasjonen evaluerast. Skulen er bygd for inntil
150 elevar på kvart årssteg. Elevtalsutviklinga syner at det blir 154 elevar som tek til i 2012, medan det er
2

146 elevar i 2011 og 149 elevar i 2016. Elles varierer elevtala mellom 118 og 133 fram til og med 2018.
Frå 2018 får skulen høge elevtal (4 av åra over 160). Framlegget om evt å la ungdomsskuleelevane frå Tu
skule halda fram på Tu, vil bli vurdert. Ei løysing kan vera å la 8. steget halda fram på Tu skule. Elles vil
desse utfordringane bli vurderte i samband med ein gjennomgang av krinsgrensene. Orstad skule vil i alle
dei åra ein kjenner elevtala (fram til og med 2023), ha plass til ein klasse ekstra på ungdomssteget.
Vurdering:
Hovudutfordringane i denne skule- og barnehagebruksplanen har vore desse:
- Korleis sikra langsiktige, stabile og økonomisk rasjonelle løysingar på utfordringa om å ha
barnehageplassar til alle som har lovmessig rett?
- Korleis sikra undervisningslokale der skulane vil få kapasitetsproblem ei komande åra?
For barnehagane gir dei kommunale og private barnehagane gode tilbod til borna. Likevel er det
økonomiske utfordringar som gjer at det her blir tilrådd store einingar framover. Kostnaden ved nybygg
gjer likevel at dette må vera eit langsiktig prosjekt. Kommunalsjefen har forståing for at foreldre og tilsette
vil kjempa for å behalda dei mindre barnehagar. Det gir også ei tilbakemelding om kvalitet, men
kommunalsjefen vil peika på at dei same tilbakemeldingane gir foreldra til dei store barnehagane.
Det er også den økonomiske utfordringa for kommunen som gjer at løysingane i denne planen på
kapasitetsproblem for nokre skular, er å tilrå å utnytta skular med ledig kapasitet. Det blir for dyrt å bygga
ut skular nå. Klepp har hatt stabile krinsgrenser. Å rokka ved desse kan bli ei politisk utfordring.
Det har vore ein spennande og god prosess i denne planen. Å først senda ut planen til ei uformell høyring,
få innspel, for så å senda ut eit formelt høyringsutkast, har gitt mange gode idear og løysingar. Hovudutvalet
har også drøfta planen, eller sider ved denne, på 4 hovudutvalsmøte. Prosessen i denne saka kan med
fordel nyttast i andre saker. Men kommunalsjefen vil sjå på koss ein kan klargjera betre at dette er idear og
framlegg i ein demokratisk prosess. Det har ikkje stått klart for alle. Så her har det vore ei
informasjonsutfordring. Kommunalsjefen vil også betra rutinane for varsling så tidleg som mulig for dei som
blir berørte av idear og framlegg som kjem fram. Desse sidene har vore drøfta med htv.
Vedlegg:
Fråsegnene frå:
- Samarbeidsutvalet ved Sørhellet barnehage
- Samarbeidsutvalet ved Tu barnehage
- Samarbeidsutvalet ved Orstad skule
- Samarbeidsutvalet ved Klepp familie og friluftsbarnehage
- FAU ved Vasshus skule og barnehage
- FAU ved Klepp ungdomsskule
- Delta, Fagforbundet og Utdanningsforbundet
- Samarbeidsutvalet ved Orstad naturbarnehage
- Samarbeidsutvalet ved Engelsvoll skule og barnehage
- Framlegg til Skule- og barnehagebruksplan 2011 – 2015 (2050)
3

Innstilling:
Rådmannen tilrår at saka går til kommunestyret med slik tilråding:
1. Skule- og barnehagebruksplan 2011 – 2015 (2050) ligg til grunn for vidare utvikling og ubygging innan
skule- og barnehagesektoren i Klepp kommune.
2. Det blir gjort ei vurdering av krinsgrensene før sommaren 2012 med sikte på å utnytta kapasiteten på
skulane betre.
3. Ved behov for auka utbygging på ein skule, bør paviljongane og kapasiteten på andre skular nyttast før
nybyggløysing.
4. Frå hausten 2012 får 7. klasseelevane i Borekrinsen Bore ungdomsskule som heimeskule.
5. Det blir laga ei eiga sak med høyring der det blir vurdert om elevar frå Tu kan gå
8. årssteget på Tu skule frå 2014 når ny skule står klar. Tiltaket vil avlasta Klepp ungdomsskule.
6. Tu barnehage blir utvida med 7 avdelingar på noverande skuletomt som skal stå klar til hausten 2015.
Dette inkluderer avdelingane som fram til då har hatt lokale i paviljongane. Kommunestyret får ei eiga
sak om korleis resten av tomta skal nyttast.
7. Det blir laga ei eiga sak for å vurdera framtida til open barnehage.
8. Det blir laga ei eiga sak om framtidig organisering av alternative skuleordningar. Eirik Raude Senter
held fram i nåverande lokale på Øksnevad.
9. Familiebarnehagedelen i Klepp familie og friluftsbarnehage går inn i Klepp friluftsbarnehage og
tilstøytande lokale til barnehagen frå 2012.
10. Behova for ombyggingar og tilbygg blir vurderte i samband med framtidige handlingsplanar.
Hovudutval for skule og barnehage den 25.08.2011 sak 29/11
Behandling:
Dokument utdelt i møtet:
Vedlegg til sak 29/11 - Brev og underskrifter frå familiebarnehagen ”Marihøna” dat. 23.08.11
Utvalet redigerte i innstillinga punkt 2:
Før sommaren blir erstatta med i løpet av hausten.
Kommunalsjefen trekte punkt 9 i innstillinga og la fram nytt forslag:
Ny innstilling i punkt 9:
9. Sak om at familiebarnehagedelen i Klepp familie og friluftsbarnehage går inn i tilstøytande lokale til
barnehagen, blir vurdert i eiga sak i forhold til konsekvensane for alle barnehagane.
4

Forslag frå Reidar Øksnevad -h
Nytt punkt 6:
Tu barnehage blir vurdert utvida med 7 avdelingar på nåverande skuletomt, opp mot anna plassering, f. eks
Engelsvoll eller Vasshus . Evt. sal av skuletomta på Tu bør inkluderast i vurderinga. Kommunestyret får ei
eiga sak om korleis skuletomta på Tu skal nyttast.
Forslag frå Torill Steinvoll Bøen -krf
Nytt punkt 9:
Familiebarnehagedelen i Klepp familie og friluftsbarnehage held fram i sin nåverande form.
Votering:
Innstillinga punkt 1-5, 7, 8, 10 fekk 9 stemmer.
Innstillinga punkt 6 fekk 0 stemmer.
Forslaget frå Reidar Øksnevad fekk 9 stemmer.
Ny innstilling punkt 9 fekk 6 stemmer.
Forslaget frå Torill Steinvoll Bøen fekk 3 stemmer. Solfrid Guddal Søyland –h, Tron Ree –v og Torill
Steinvoll Bøen –krf
Hovudutval for skule og barnehage 25.08.11 sak 29/11
Einstemmig TILRÅDING:
1. Skule- og barnehagebruksplan 2011 – 2015 (2050) ligg til grunn for vidare utvikling og ubygging innan
skule- og barnehagesektoren i Klepp kommune.
2. Det blir gjort ei vurdering av krinsgrensene i løpet av hausten 2012 med sikte på å utnytta kapasiteten
på skulane betre.
3. Ved behov for auka utbygging på ein skule, bør paviljongane og kapasiteten på andre skular nyttast før
nybyggløysing.
4. Frå hausten 2012 får 7. klasseelevane i Borekrinsen Bore ungdomsskule som heimeskule.
5. Det blir laga ei eiga sak med høyring der det blir vurdert om elevar frå Tu kan gå
8. årssteget på Tu skule frå 2014 når ny skule står klar. Tiltaket vil avlasta Klepp ungdomsskule.
6. Tu barnehage blir vurdert utvida med 7 avdelingar på nåverande skuletomt, opp mot anna plassering, f.
eks Engelsvoll eller Vasshus . Evt. sal av skuletomta på Tu bør inkluderast i vurderinga.
Kommunestyret får ei eiga sak om korleis skuletomta på Tu skal nyttast.
5

7. Det blir laga ei eiga sak for å vurdera framtida til open barnehage.
8. Det blir laga ei eiga sak om framtidig organisering av alternative skuleordningar. Eirik Raude Senter
held fram i nåverande lokale på Øksnevad.
10. Behova for ombyggingar og tilbygg blir vurderte i samband med framtidige handlingsplanar.
Fleirtalet (6) TILRÅR:
9. Sak om at familiebarnehagedelen i Klepp familie og friluftsbarnehage går inn i tilstøytande lokale til
barnehagen, blir vurdert i eiga sak i forhold til konsekvensane for alle barnehagane.
Mindretalet (3) Solfrid Guddal Søyland -h, Tron Ree -v og Torill Steinvoll Bøen -krf TILRÅR:
9. Familiebarnehagedelen i Klepp familie og friluftsbarnehage held fram i sin nåverande form.
Kommunestyret den 05.09.2011 sak 46/11
Kommunestyret si behandling:
Forslag frå Solfrid G. Søyland -h
Endra pkt. 7.
Open barnehage i sin nåverande form vert oppretthalden. Administrasjonen vert beden om å vurdera
alternativ lokalisering.
Solfrid G. Søyland -h fremma Hovudutval for skule og barnehage si mindretalstilråding (3).
Kommunestyret hadde gruppemøte.
Votering:
Hovudutval for skule og barnehage si samrøystes tilråding punkt 1 - 6, punkt 8 og punkt 10 fekk 31
stemmer.
Forslaget frå Solfrid G. Søyland -h endra punkt 7 fekk 27 stemmer.
Houvdutval for skule og barnehage si einstemmige tilråding punkt 7 fekk 4 stemmer, a.
Hovudutval for skule og barnehage si mindretalstilråding punkt 9 fekk 22 stemmer.
Hovudutval for skule og barnehage si fleirtalstilråding (6) punkt 9 fekk 9 stemmer, ap, sp og Jan Egil
Øksnevad -frp.
6

KOMMUNESTYREVEDTAK:
1. Skule- og barnehagebruksplan 2011 – 2015 (2050) ligg til grunn for vidare utvikling og ubygging innan
skule- og barnehagesektoren i Klepp kommune.
2. Det blir gjort ei vurdering av krinsgrensene i løpet av hausten 2012 med sikte på å utnytta kapasiteten
på skulane betre.
3. Ved behov for auka utbygging på ein skule, bør paviljongane og kapasiteten på andre skular nyttast før
nybyggløysing.
4. Frå hausten 2012 får 7. klasseelevane i Borekrinsen Bore ungdomsskule som heimeskule.
5. Det blir laga ei eiga sak med høyring der det blir vurdert om elevar frå Tu kan gå
årssteget på Tu skule frå 2014 når ny skule står klar. Tiltaket vil avlasta Klepp ungdomsskule.
6. Tu barnehage blir vurdert utvida med 7 avdelingar på nåverande skuletomt, opp mot anna plassering, f.
eks Engelsvoll eller Vasshus . Evt. sal av skuletomta på Tu bør inkluderast i vurderinga.
Kommunestyret får ei eiga sak om korleis skuletomta på Tu skal nyttast.
7. Open barnehage i sin nåverande form vert oppretthalden. Administrasjonen vert beden om å vurdera
alternativ lokalisering.
8. Det blir laga ei eiga sak om framtidig organisering av alternative skuleordningar. Eirik Raude Senter
held fram i nåverande lokale på Øksnevad.
9. Familiebarnehagedelen i Klepp familie og friluftsbarnehage held fram i sin nåverande form.
10. Behova for ombyggingar og tilbygg blir vurderte i samband med framtidige handlingsplanar.
Rett utskrift, 08.09.2011
Wigdis B. Detlie
formannskapssekr.
7

Kopi til:
Rådmannen si leiargruppe
Skular og barnehagar,
Etat for SB v/ Åse Kyllingstad Hatteland, Sigurd Aukland, Willy Ulvang og Sissel J. Johannessen
Eirik Raude senteret v/ Kari-Anne G. Johannessen
PPT v/ Marit Sandsmark Stabel
Kulturskulen v/Jan Bekkum
8