nynorsk - Human-Etisk Forbund

Tenk på det!
Informasjon om Humanistisk konfirmasjon
1

FRIDOM TIL Å TENKJE OG MEINE
KVA DU VIL ER EIN MENNESKERETT
Fordi vi alle er ein del av ein større heilskap, er evna og viljen til å vise
toleranse overfor andre viktig. Vi tek val på grunnlag av meiningane
våre. Desse vala har ofte noko å seie for andre enn berre oss sjølve.
Derfor må vi vise respekt for andre ved å ta ansvar for handlingane våre.
Eit av dei vala du står overfor akkurat no, er om du skal konfirmere
deg eller ikkje og korleis du eventuelt skal gjere det. Viss du ikkje
har bestemt deg eller er i tvil, kan kanskje denne informasjonen frå
Human-Etisk Forbund om Humanistisk konfirmasjon hjelpe deg til å
gjere ditt val. Kanskje du og dine føresette kan sjå på denne informasjonen
saman?
2 3

DEN SOM IKKJE STILLER SPØRSMÅL,
FINN HELLER INGEN SVAR
Å setje spørjeteikn ved noko er ikkje uttrykk for uvisse, men snarare eit prov
på evna til å tenkje sjølv. Dette er viktig for å kunne danne eigne meiningar og
ikkje berre stole på at andre har alle svara.
Deltaking i diskusjonar og meiningsytringar er fruktbart for å kunne sjå ei sak
frå så mange sider som mogleg. Det gjer det lettare å forme sitt eige standpunkt
i dei spørsmåla det er naturleg å stille seg på vegen mot å bli vaksen.
På kurset som er ein del av Humanistisk konfirmasjon tek vi opp ei rekkje
spørsmål. Vi tar opp spørsmål som er viktige i kvardagen, men óg store spørsmål
om verda. Ofte heng desse saman.
Vi oppmuntrar alle til å delta aktivt og til å sjå kritisk på eigne og andre sine
haldningar. Ikkje fordi vi vil påverke deg, men for å inspirere deg til å tenkje sjølv.
KVA ER HUMANISTISK KONFIRMASJON?
Humanistisk konfirmasjon er eit tilbod til deg som ønskjer ei humanistisk
markering av overgangsfasen frå barn til vaksen. Humanistisk konfirmasjon
er eit kurs i livssyn og etikk som vert avslutta med ein høgtideleg seremoni.
KVIFOR VELJE HUMANISTISK KONFIRMASJON?
Det å markere dei store hendingane i livet har alltid vore viktig, uavhengig av
kultur. Vi menneske set pris på feiringar, oppleving av høgtid og menneskeleg
fellesskap. Dette er ein del av Humanistisk konfirmasjon. I seremonien er det
talar, dikt, musikk, song og utdeling av kursbevis.
På same tid er Humanistisk konfirmasjon meir enn feiring. Konfirmasjonen skal
óg gjere at ein tenkjer over viktige spørsmål: Kva er rett? Kva er godt? Kva er
sant? Ansvarskjensle og respekt for andre er fine ord, men kva tyder dei, ikkje
berre på papiret, men i praksis? Og kva tyder det å ta ansvar for eige liv og på
same tid medverke til at andre har høve til det same?
4
5

kurset
Nokre tema er så viktige at dei vil dukke opp uansett kvar du bur og kvar
du går på kurs. Slike tema er livssyn, humanisme, kritisk tenkning og
menneske rettar. Andre tema kan vere identitet, toleranse, kjønn og kropp,
seksualitet og rus. Som konfirmant er du óg med på å bestemme tema
sjølv.
Det obligatoriske kurset i livssyn og etikk er tenkt å vere ein byggjestein
på vegen mot vaksenlivet, men óg for å styrke deg her og no.
På kurset møter du andre ungdomar, nokre kjenner du, medan andre har
du kanskje aldri møtt før. Vi håper kurset óg vert ein fin, sosial møteplass.
Human-Etisk Forbund er engasjert i arbeid for toleranse, solidaritetsarbeid
og humanitære prosjekt. Konfirmantane kan på ulike måtar bli
trekt inn i dette.
KVEN KAN VELJE HUMANISTISK
KONFIRMASJON?
Alle ungdomar som ønskjer det kan velje
Humanistisk konfirmasjon, uavhengig av
eige eller føresette sitt livssyn. Ingen vert
medlem i Human-Etisk Forbund utan aktivt
å melde seg inn. For å bli medlem må du
ha fylt 15 år.
KVA OM DU IKKJE KAN KOME
TIL KURS ELLER SEREMONI?
Om du bur i utlandet og er forhindra i å
delta på kurs, kan du ta kontakt med
hovud kontoret til Human-Etisk Forbund og
spørje etter det elektroniske kurset «Tenk
på det – og skriv om det!».
KOR LENGE VARER KURSET?
Det er vanleg at kurset byrjar i januar/
februar og varer fram til sjølve seremonien
om våren. Som regel er det ein kveld i
veka. Nokre stader er det tur eller leir, og
då kan kurstida bli annleis.
KORLEIS MELDER DU DEG PÅ?
Du melder deg på til Humanistisk konfirmasjon
hos ditt fylkeslag. Sjå lokal informasjon
om påmelding, anten på vedlagde
ark, eller på fylkeslaget si heimeside på
www.human.no.
Konfirmanten og føresette må sette seg
ned saman for å fylle ut påmeldinga. Skjemaet
omfattar spørsmål både om konfirmanten,
føresette og forhold de bør ta eit
felles standpunkt til. Før påmelding bør
de sjekke tilbodet i fylket der de bur og
snakke saman om kva som passar best.
Nokre fylke har kurs både på vekedagar,
helgesamlingar og kursleir.
KVA KOSTAR DET?
Kor stort gebyret er kan variere frå fylke til
fylke. Dersom minst ein av dine føresette er
medlem i Human-Etisk Forbund er gebyret
lågare enn for ikkje-medlemmer.
KVAR FINN EG MEIR INFORMASJON?
For å lese meir om Humanistisk
kon fir masjon, sjå forbundet sine heimesider:
www.human.no/konfirmasjon.
6 7

Human-Etisk Forbund arbeider for livssynsfridom og jamstilling av livssyn.
Til grunn for arbeidet ligg dei humanistiske prinsippa og ideala slik dei blir
uttrykt i menneskerettane.
Det humanistiske livssynet bygger på ei oppfatning om at vi kan leve gode
liv ved hjelp av fornuft, erfaring og fellesmenneskelege verdiar. Vi har sjølv
ansvar for handlingane våre og må jobbe saman med andre for vårt felles
beste.
Ein viktig del av verksemda til forbundet er tilbodet om seremoniar
i samband med høgtidene i livet. I tillegg til Humanistisk konfirmasjon
arrangerer Human-Etisk Forbund Humanistisk namnefest, Humanistisk
vigsel og Humanistisk gravferd.
Telefon: 23 15 60 00
Telefaks: 23 15 60 01
E-post: human@human.no
www.human.no
Postadresse:
Human-Etisk Forbund,
Postboks 6744 St. Olavs plass, 0130 Oslo
Besøksadresse: St. Olavs gate 27, Oslo
Brosjyren er óg trykt på bokmål.
Denne brosjyren vert sendt til deg som er fylt eller fyller 14 i år.
Foto: Nora Lie Bjørn Molstad/bareform.no Liselotte Dick Design: Grafisk Form Trykk: Norsk Formular Industri AS, 2012