Soldathåndboken - Forsvaret

av personlege velferdsgrunnar, og militært
personell kan får slik permisjon når
beredskapssituasjonen tillèt det.
Velferdspermisjonar blir delte inn etter
kor viktig grunnen er:
Klasse A – kritiske situasjonar i heimen
Klasse B – andre tvingande velferdsgrunnar
Klasse C – andre velferdsgrunnar
Permisjonar i klassane A og B skal normalt
ikkje overskride 14 dagars fråvær, medan
permisjon i klasse C ikkje skal overskride 7
dagar. Velferdspermisjon går ikkje til
frådrag frå andre framtidige permisjonar.
Vedkomande sjef kan likevel ta omsyn til
tidlegare velferdspermisjonar ved fordeling
av tenesteoppdrag under høgtider og
på fridagar der talet på permisjonssøknader
er større enn det som kan innvilgast.
Utsett permisjon som refs
Ein permisjon som er gjeven, kan berre bli
inndregen i form av ei refsing. Slik
fridomsinnskrenking skal ikkje gå ut over
dei ordinære permisjonsdagane, og
derfor skal permisjonen leggjast til eit
seinare tidspunkt. Men refsen skal ikkje
hindre permisjonar som er særleg viktige
for velferda, og som ikkje kan utsetjast.
Sjukdom under permisjon
Personell som er delvis sjuke, skal berre få
permisjon i dei tilfella der medisinske
omsyn ikkje har noko å seie for om vedkomande
kan ferdast fritt. Andre sjuke kan
normalt berre få permisjon i samråd med
lege og dersom permisjonen er eit ledd i
behandlinga, og/eller at ein kan gå ut frå
at sjukdommen ikkje forverrar seg på
grunn av permisjonen.
Personell som er heilt sjukemeldt skal
opphalde seg på sjukestue/sjukehus eller
den staden som er bestemt, og kan berre
permitterast i samråd med lege.
Personell som blir sjuke under permisjon,
skal oppsøkje militær lege når det finst
ein slik lege på permisjonsstaden.
Personell som blir sjuke under permisjon i
Oslo, skal vende seg til Nasjonal militærmedisinsk
poliklinikk, Akershus festning.
Erklæring frå sivil lege gir ikkje rett til
fråvær frå tenesta utover den permisjonen
som er innvilga, med mindre det i legeerklæringa
uttrykkjeleg er slått fast at sjølve
tilbakereisa vil føre til fare for helsa eller
forverring av sjukdommen.
Som generell regel gjeld at sjukdom
under permisjon ikkje gir rett til fråvær frå
tenesta, med mindre sjukdommen
hindrar tilbakereisa, eller reisa kan
forverre sjukdommen.
Erklæring frå lege som seier at du er «ikkje
transportdyktig», blir vanlegvis rekna som
god nok dokumentasjon for slik sjukdom.
Avdelinga skal ha melding snarast råd
etter at ein er blitt sjuk. Dei som under
langpermisjon blir erklærte heilt sjukmelde
og «ikkje transportdyktige», får
godskrive tilsvarande mange permisjonsdagar.
Den delen av permisjonen som på
denne måten blir utsett, blir registrert
som sjukdom i permisjonsrekneskapen.
Den utsette permisjonen blir avvikla på ei
tid då avdelinga finn det mest tenleg,
men så langt som råd i samsvar med det
vedkomande ønskjer.
SOLDATHÅNDBOKEN
37