saksframlegg reguleringsplan - parkvegen - Klepp kommune - politikk

SAKSFRAMLEGG
Saksbehandlar: Hanne Thuen/Rannfrid S. Braut
Arkivsaksnr.: 06/953 - 14
Arkiv: L12
REGULERINGSPLAN - PARKVEGEN
Saka gjeld
Statens vegvesen har i brev, datert 19.05.06, på nytt kravd stenging av fire avkøyringar langs
Fv 251, Stasjonsvegen. Planen skal danne grunnlag for opparbeiding av alternativ
vegtilkomst.
Historikk
Då det vart oppført ny bustad på gnr.1/ bnr. 1290 i 1987, Parkvegen 6b, vart det stilt krav om
stenging av avkjørsler frå Stasjonsvegen. Det vart gitt førebels dispensasjon med krav om at
stenging av avkjørslene vart gjennomført innan 2 år. Det vart utarbeidd reguleringsplan, men
alternativ tilkomst er ikkje opparbeidd og avkjørslene er ikkje stengt. No er det på nytt kome
krav frå Statens vegvesen om at dette må gjerast. For å evt. kunne ekspropriere grunn til
opparbeiding av vegar må kommunen vedta ny plan. Administrasjonen legg fram to forslag.
Krav sett i overordna planar
Den gjeldande reguleringsplanen for Parkvegen frå 1976 viser internvegar og offentleg veg
med utkjørsel til Idrettsvegen og derfrå utkjørsel til Stasjonsvegen.
Varsel om oppstart av planarbeid
Oppstart av planarbeid er varsla i aviser 05.02.07 og i brev til grunneigarar og
høyringsinstansar datert 02.01.07. Det kom inn 8 merknader.
Innkomne merknader
Innkomne merknader er gjengitt i eige vedlegg, vedlegg 4.
Forslag til reguleringsplan
Administrasjonen legg fram to alternativ til reguleringsplan for Parkvegen. Alternativ 1 er
basert på innspel i merknad frå Torunn T. Lommeland m.fl. Alternativ 2 er i prinsippet i
samsvar med gjeldande reguleringsplan, reguleringsendring nr 2 for del av Kleppe.
Alternativ 1
Merknad frå fleire av grunneigarane i området er bakgrunn for dette forslaget. Alternativet
viser ein samleveg for alle eigedomane som får stengt sine avkjørsler frå Stasjonsvegen. Delar
av samlevegen vil kome parallelt med Stasjonsvegen.
Alternativ 2
Alternativ 2 er om lag i samsvar med gjeldande plan for området, reguleringsendring nr 2 for
del av Kleppe, stadfesta 23.07.1976.
Breidda på vegane er redusert frå 5 m til 4 m.
Opparbeiding av ny tilkomst og stenging av eksisterande avkøyringar vil ikkje løyse ut krav
om opparbeiding av støyskjerm, uansett om dette vil skje etter alternativ 1 eller 2. Med
bakgrunn i dette er det ikkje gjennomført berekningar av trafikkstøynivå i planområdet. Begge

planforslaga viser område for plassering av eventuell (støy-)skjerm. Ein samanhengande
(støy-)skjerm vil hindre at mjuke trafikantar kryssar Stasjonsvegen mellom bustadområdet i
Parkvegen og gang- og sykkelvegen langs Stasjonsvegen. Mjuke trafikantar må etter at
stenginga er gjennomført følgje interne vegar til Idrettsvegen og undergang under
Stasjonsvegen.
Vurdering:
Statens vegvesen krev å stenge enkeltavkjørslane frå Stasjonsvegen for å betre
trafikktryggleiken på og langs fylkesvegen. Erfaring viser at 30 % av alle trafikkulukkene er
knytt til kryss og enkeltavkjørslar, sjå merknad frå Statens vegvesen. Det har heldigvis ikkje
vore større ulukker langs Stasjonsvegen. Stadig auka trafikkmengde på Stasjonsvegen vil
auke ulukkesrisikoen langs vegen.
Mjuke trafikantar til og frå planområdet må krysse Stasjonsvegen for å kome til gang- og
sykkelveg (skuleveg). Ved å knytte alle eigedomane til Idrettsvegen, får gåande og syklande
betre tilgang til gang- og sykkelvegnettet i Kleppe.
Alternativ 1 krev bygging av omlag 120 meter ny veg. Alternativ 2 krev bygging av omlag 90
meter ny veg. I alternativ 1 er delar av samlevegen parallell med Stasjonsvegen. Dette er
vanlegvis lite gunstig då tre køyrefelt nesten samanhengande kan verke forvirrande på bilistar.
Eit samanhengande tett gjerde, vil kunne redusere ulempene med dette.
Risiko- og sårbarhetsvurdering
Det er gjort ei ROS-vurdering. Stenging av avkjørslar ut i Stasjonsvegen vil gje færre
mogelege ulukkespunkt i Stasjonsvegen. Både mellom bil, og bil under inn og utkjøring, og
mellom biltrafikk og mjuke trafikantar som skal krysse Stasjonsvegen til gang- og
sykkelvegen på sørsida av vegen. 30% av alle trafikkulukker er knytt til kryss eller
enkeltavkjørslar. Sidan Stasjonsvegen stort sett er utan enkeltavkøyringar med unntak av
planområdet, er faren for ulukker, særleg mellom bil og mjuke kryssande trafikantar større,
fordi slik kryssing ikkje er vanleg på resten av strekninga. Eventuell opparbeiding av (støy-
)skjerm, vil auke kvaliteten for uteplassane, og lede gåande og syklane til undergangen under
Stasjonsvegen.
Universell utforming
Planområdet er nokså flatt, og vegane skal opparbeidast etter prinsippet om universell
utforming. Vegane skal kunne brukast av alle i alle livssituasjonar, uansett mellombels eller
varig nedsett funksjonsevne (syn, rullestol, allergi m.m.).
Kommunen er i gang med opprusting av busshaldeplassar på strekninga Verdalen – Klepp st.,
for å gi trinnfri tilkomst til de nye lavgolvbussene. Dette krev bussperrongar med min 16 cm
kantsteinhøgd. I dag stopper vestgåande buss i sjølve krysset med Idrettsvegen. Ein slik
stoppestad vil ikkje kunne brukast med lavgolvbuss, og dermed ikkje vere tilgjengeleg for
alle. Det må avklarast vidare om frisiktsonane kan brukast til opparbeiding av universell
bussperrong. Dette kan i tilfelle delfinansierast med statlege BRA- midlar.
Konsekvensar for eigedomar i Parkvegen
For at avkjørslar frå Stasjonsvegen skal stengjast, og eit av planforslaga skal opparbeidast, må
nokre av eigedomane avstå areal til vegareal. Den gjeldande reguleringsplanen viser vegar
med 5 m breidde. I begge alternativ er vegane no redusert til 4 m, noko som vil gje mindre

inngrep i hagane. Fram til 2. gongs behandling, vil det bli vurdert om vegbreidda kan
reduserast ytterlege til 3,5 m på delar av strekninga.
Konsekvensar for barn og unge
Barn og unge som enten bur i området, eller skal på besøk, vil få tryggare veg til og frå
området dersom dei ikkje må krysse over Stasjonsvegen. Det er viktig å legge til rette for at
barn og unge, kan gå eller sykle til skule og aktivitetar utan å vere avhengig av vaksne som
kan følgje dei over vegen eller køyre dei.
Konsekvensar for kommunen
Kommunen er ansvarleg for opparbeiding av ny tilkomst til eigedomane i Parkvegen. Dersom
det og blir sett opp støyskjerm, vil det gje ein gevinst for eigedomane som ligg langs
Stasjonsvegen. Ein skjerm vil og lede mjuke trafikantar til undergangen under Stasjonsvegen
då ein tett skjerm vil hindre uønskt kryssing av fylkesvegen. Kommunen må gjere ei
vurdering om støyskjerm er noko ein vil påkosta.
Kommunen er ansvarleg for å utbetre sikttilhøva i krysset Stasjonsvegen/Idrettsvegen. I
Idrettsvegen skal kommunen gå i gang med arbeid med å få til tydelegare avgrensing av
køyrebane og område for mjuke trafikantar.
Konklusjon
Kommunalsjefen fremjar med dette reguleringsplan for Parkvegen, alternativ 1 og alternativ 2
for 1. gongs behandling i hovudutvalet.
Vedlegg:
Vedlegg 1:Reguleringsplan for Parkvegen, alternativ 1, datert 31.05.07
Vedlegg 2: Reguleringsplan for Parkvegen, alternativ 2, datert 31.05.07
Vedlegg 3:Reguleringsbestemmelser for Parkvegen, datert 31.05.07
Vedlegg 4: Innkomne merknader til varsel om oppstart av planarbeid
Vedlegg 5: PlanRos
Innstilling:
Kommunalsjefen tilrår slikt vedtak:
Hovudutval for lokal utvikling vedtek i samsvar med plan- og bygningslova § 27-1 å leggja
forslag til reguleringsplan for Parkvegen, alternativ 1 og alternativ 2 med tilhøyrande
føresegner, begge datert 31.05.2007, ut til offentleg ettersyn.
Rådmannen i Klepp 30.05.2007