Last ned - bedriftmedia.no

FYLKESMANNEN I SOGN OG FJORDANE:
Viktige IT-medarbeidarar
FOR FYLKESMENNENE
Tarjei Ylvisåker og Thomas Sløk Tvedt stortrivst i IT-gruppa hos Fylkesmannen i Sogn og
Fjordane. Dei og kollegaene utviklar og driftar ei rekkje viktige IT-løysingar for landet sine
fylkesmenn og andre samfunnsaktørar.
Hos Fylkesmannen
i Sogn og Fjordane
jobbar femten høgt
kvalifiserte IT-medarbeidarar.
Herfrå utviklar
og driftar dei
nettsideløysingar for
både sitt eige embete
og dei 17 andre fylkesmennene
i landet.
Dei ynskjer gjerne
fleire medarbeidarar
med på laget.
Fylkesmannen i Sogn og Fjordane er lokalisert i
Statens hus i Leikanger, og har ei avdeling med
svært dyktige IT-medarbeidarar som utfører viktige
oppgåver for både sitt eige embete og dei
17 andre fylkesmannsembeta, i tillegg til andre
samfunnsaktørar.
NYE SYSTEM
- Vi er 130 medarbeidarar som jobbar hos Fylkesmannen
i Sogn og Fjordane, og det er vi som
utviklar og driftar datasystema dei brukar, seier
Thomas Sløk Tvedt i IT-avdelinga.
- For tida er vi i startfasen med eit nytt og betre
system for alle fylkesmennene i landet. Dei får
snart nye web-løysingar. Men det tek tid sidan
det er mange som skal seie sitt i fastsetjingsfasen.
Det er ei departemental avgjersle om at det er vi
som skal gjere denne jobben, seier Sløk Tvedt.
MANGE OPPGÅVER
Kollega Tarjei Ylvisåker fortel at avdelinga også
har ei rekke andre arbeidsområde for forvaltinga.
- «Fritt rettsråd» er eit system for advokatar
som blant anna skal sende inn sine
fakturaer for fri
rettshjelp. Vi arbeider
med eit
register for den
nye «vergemålsreforma»
som
kjem etter at Staten
har teke over etter kommunane.
- «Partistøtte» er eit system der dei politiske partia
kan sende inn sine søknader for partistøtte.
Vi var først mellom fylkesmennene på IP-telefoni.
No får dei andre også muligheita, seier
Ylvisåker.
GODT ARBEIDSMILJØ
Det er ei jovial stemning i kontorlandskapet der
dei to arbeider saman med sine 13 dedikerte
kollegaer. Dei to vil gjerne ha fleire kollegaer,
og har mykje fint å seie om både jobben og
regionen.
- Det er eit høgt fagleg nivå samstundes som at
takhøgda er stor.
Vi er ein sosial gjeng og møtast gjerne etter arbeidstid,
seier han.
- Leikanger er ei lita bygd, men
med svært mange statlege kontor.
Korleis er det å jobbe her?
- Veldig fint. Mange gjer som oss
og pendlar frå Sogndal, ein køyretur
som er fri for kø, og som er
på rundt tjue minutt. Eller med
buss som går veldig hyppig.
Det er mange fritidstilbod både i Leikanger og
Sogndal, i tillegg til fjell og fjord, seier Ylvisåker
som er av dei yngste på laget.
- Eg såg ikkje for meg eit så stort miljø og vart svært
positivt overraska. Eg trivest veldig godt, og håper
fleire vil verte ein del av teamet vårt, seier han.
Njøsavegen 2, 6863 Leikanger
Telefon: 57 64 30 00
Webside: www.fmsf.no
E-post: fmsfpost@fylkesmannen.no
30 Vi besøker Leikanger