Last ned - bedriftmedia.no

ASKEDALEN BARNEHAGE I LEIKANGER:
Frå bolledeig til
BOLTRANDE UNGAR
MIDT I SMØRAUGA
Barnehagen ligg sentrumsnært som nabo til
Fylkeshuset, Statens vegvesen, Mesta, bensinstasjonen
og Statens hus.
- Uteområdet vårt er stort med ein stor eplehage,
og eit steinkast unna er vi så heldige å
ha fri tilgang til eit fantastisk naturområde på
Njøs, og til fjord og strand. Vi har det som
plomma i egget, seier Valvik Menes.
Ungane har teke over
plassen der mjølsekker og
bakemaskiner før dominerte.
Dei boltrande ungane
frå under året og oppover
stortrivst i den nye
Askedalen Barnehage
i Leikanger.
Edith Valeberg Eggum, (bilete f.v) Hilde Valvik
Menes og Inger Lise Knudsen er kvinnene bak
den første og einaste private barnehagen i Leikanger
kommune.
Ei bollemaskin er det einaste som står att og minner
om at det var bakeri og bustad her før barnehagen
flytte inn i november 2008.
STARTA PRIVAT
Dei tre damene var alle tilsett i den no nedlagde
Leikanger barnehage, der dei hadde ansvaret
for ei eiga avdeling. Når nedlegginga
nærma seg, starta dei tre å diskutere seg i mellom
om å starte ein eigen privat barnehage.
- Vi ville ikkje stå inne i det kommunale systemet,
og ein spøk om å starte privat blei alvor
da Hovlands Bakeri vart lagt ut for sal i 2007.
Vi gjekk på visning og likte det vi såg, seier
dagleg leiar Edith Valeberg Eggum.
- Plasseringa var praktisk, og bygget var etter
vår vurdering godt eigna for barnehagedrift. Med
litt ombygging og litt oppussing ville det bli bra.
Vi hadde ei rekkje møte med kommunen og foreldre.
I juni 2008 vart det endeleg avklara med
kommunen og vi kunne kjøpe bygget. Ein driftsavtale
med kommunen sikrar gjensidige
forpliktingar både på ordinær drift og på den økonomiske
delen, seier ho.
GODT EIGNA
- I den grad vi har vore opptekne av økonomi,
så har det vore å redusere utgifter for å vere
sikker på at dette skulle gå rundt, seier Valeberg
Eggum
Vi har brukt arkitekt som har teikna planløysinga
i kjellaren etter forskriftene.
Eit flott gjenvinningsanlegg har vi montert, som
skal sikre god luftkvalitet, eit krav frå arbeidstilsynet.
Med god hjelp frå familie, og med dyktige handverkarar,
vart Askedalen Barnehage ein realitet.
Vi sjølve er godt nøgde med resultatet.
OVERTOK BORN OG UTSTYR
Mange born frå den nedlagte Leikanger barnehage
følgde med inn i nye Askedalen Barnehage.
- Vi fekk overta inventar og utstyr . I 2008 starta
vi opp med 22 born
i alderen 0-6 år, men
frå hausten 2009
fekk vi godkjenning
for 42 barn i to etasjar
då det tidlegare
bakerilokalet i første
høgda vart bygd om,
seier styrar Hilde Valvik
Menes.
VERDISKAPING
- Barnehagen skal være ein god stad å vere
både for dei 13 tilsette og alle borna.
Stressdemping, fokus på løysingar og muligheiter
er viktig.
For dei tilsette er arbeidsmiljøet viktig, og vi
gjer mykje saman.
Verdiskaping er viktig for oss. I tillegg er samarbeidet
med kommunen og dei to kommunale
barnehagane godt. Det å drive eiga bedrift
gjer at vi har mykje til felles med andre private
næringsdrivande. Nylig har vi vore på kurs
i omdømebygging saman med fleire bedrifter,
og påfølgande hygge på fotballkamp, seier
Hilde Valvik Menes.
Askedalen Barnehage AS
Telefon: 57 65 44 12 / 13
E-post: post@askedalenbarnehage.no
28