Hospitalet 2009 Nr 4.pdf - Helse Bergen
Hospitalet 2009 Nr 4.pdf - Helse Bergen
Hospitalet 2009 Nr 4.pdf - Helse Bergen
Create successful ePaper yourself
Turn your PDF publications into a flip-book with our unique Google optimized e-Paper software.
AKTUELL<br />
Navn: Per Espen Akselsen<br />
Alder: 53<br />
Sivil status: Gift, 2 barn<br />
Aktuell: Overlege ved Senter for<br />
smittevern under den første pandemiske<br />
influensaen på fleire tiår.<br />
Tekst: Anette Hellstrøm<br />
Foto: Ole-Christian Amundsen<br />
Vaksinedoktoren<br />
Har du sjølv hatt svineinfluensa?<br />
– Nei, det har eg ikkje. Eg vart vaksinert<br />
på eit tidleg tidspunkt, og har difor sloppe<br />
unna. Heller ingen i min nærmaste<br />
omgangskrets heime eller på jobb har<br />
vore sjuke.<br />
Har familien din vore skeptisk til<br />
vaksinen?<br />
– Heime var nok sonen min på 9 år<br />
mest skeptisk til å ta vaksinen i byrjinga.<br />
Han var redd det skulle gjere vondt. No<br />
derimot er alle vaksinert. Dei har hatt god<br />
tillit til pappaen sin, så det har ikkje vore<br />
så mykje diskusjon rundt middagsbordet<br />
om dei skal vaksinere seg eller ikkje.<br />
Opplevde du biverknadar av vaksinen?<br />
– Eg fekk ein vond arm i to-tre dagar, men<br />
det var ikkje verre enn at eg ikkje orka å<br />
ligge på den medan eg søv. Det er viktig<br />
at alle som opplever biverknader, sender<br />
inn biverknadskjemaet. Dette gjeld og<br />
dei som ikkje opplever biverknader. Så<br />
langt har vi fått inn over 500 skjema<br />
frå sjukehustilsette, og når desse vert<br />
analysert vil vi sitte på meir kunnskap<br />
om vaksinen.<br />
Korleis har dei siste månadene som<br />
smittevernoverlege vore?<br />
– Denne perioden har mildt sagt vore<br />
hektisk! Det har vore mykje å ta stilling<br />
til undervegs både på overordna nivå,<br />
med beredskapsplanlegging, intern og<br />
ekstern kommunikasjon og ikkje minst<br />
telefonar frå media. På det meste har<br />
eg mottatt 50 e-postar (!) dagleg med<br />
direkte spørsmål om svineinfluensa eller<br />
vaksinen.<br />
Smittevernoverlege i <strong>Bergen</strong> kommune,<br />
Søbstad, spelar jazz når han skal slappe<br />
av, kva gjer du?<br />
– Hehe, eg tar turen til hytta i Hardanger<br />
– gjerne saman med familien. Der finn eg<br />
roen, og klarer å legge vekk andre ting.<br />
Kva overraskar deg mest med<br />
pandemien?<br />
– Det er å sjå kor fort opinionen har snudd.<br />
Eg husker ei meiningsmåling som kom<br />
for nokre månader sida kor ein av fem<br />
sa at dei ikkje ville vaksinere seg, men då<br />
vaksinen endeleg kom ville plutseleg alle<br />
ha den. Eg trur fleire ville vore motivert<br />
for å ta vaksinen på eit tidlegare tidspunkt<br />
viss helsemyndigheitene hadde vore<br />
snarare ute med informasjon.<br />
Korleis synes du vaksineringa av<br />
sjukehustilsette har fungert?<br />
– Det har fungert over all forventning.<br />
Haukeland har valt å desentralisere<br />
vaksineringsprosessen ved å la ulike<br />
avdelingar gjere jobben sjølv. Vi har<br />
passa på at dei har fått tilstrekkeleg med<br />
informasjon, og så fort vaksinane har<br />
kome på plass har avdelingane utført<br />
jobben på ein utmerka måte. Vi har<br />
hatt som mål å vaksinere flest mogleg<br />
på kortast mogleg tid, og hittil regner vi<br />
med at cirka 7500 tilsette er vaksinert.<br />
Vanlegvis brukar mellom 15 og 20<br />
prosent av dei tilsette å vaksinere seg<br />
mot sesonginfluensa, så oppslutninga<br />
mot vaksinering av svineinfluensa er vi<br />
særs nøgd med!<br />
23