Hospitalet 2009 Nr 4.pdf - Helse Bergen

More documents

Recommendations

Info

Førstehjelp i lov og rett Når du er eit nummer i helsekøen, er ofte uvissa vanskeleg. Pasienthjelpar Liv Torunn Rundhovde kan ikkje gi deg ein betre kølapp, men ho finn ut kor lang ventetida er og kvar du kan få behandling raskare. Tekst: Silje Midttun Foto: Kjetil Alsvik – For mange er det uvissa som er det verste med ventetida. Veit dei at det tek seks månader, blir dei fleste også meir tolmodige, fortel Rundhovde. Einaste i landet Sidan august 2007 har ho vore landets einaste pasienthjelpar. Året før påla Helse- og omsorgsdepartementet dei regionale helseføretaka å yte betre service til befolkninga ved å informere om rettar og bidra med praktisk hjelp til sjølv å velje behandlingsstad. Helse Vest valde å tilsette ein pasienthjelpar som er tilgjengeleg på telefon og e-post, fysisk plassert i administrasjonen på Forus utanfor Stavanger. Individuell oppfølging Pasientar som tek kontakt får personleg og individuell oppfølging. Det kan til dømes handle om kva rettar dei har, om å forstå den medisinske informasjonen i brev eller om praktisk hjelp til fritt sjukehusval. Etter 24 år som sjukepleiar ved Stavanger Universitetssjukehus, dei siste åtte som oversjukepleiar ved Ortopedisk avdeling, veit Rundhovde mykje om helsevesenet. Komplisert system Eit helsevesen som for mange pasientar er eit uoversiktleg og komplisert system. Dei har kanskje mange spørsmål, men inga aning om kven som kan svare. Andre veit kvar dei skal ringe, men er redde for å forstyrre. Den eldre garde er ofte prega av stor respekt for sjukehuset. Dei vil nødig mase. Atter andre ” Eit klart svar gjer ventetida enklare. har ringt og ringt. Og ringt. Dei sit att med kjensla av at det er nyttelaust å komme gjennom. Målsettinga er at pasienthjelparen skal bidra til å gi befolkninga eit betre tilbod ved at dei får hjelp til å navigere i systemet, kjennskap til rettane sine og faktisk brukar tilboda som finst. Etterlyser søknad Mange ringer for å etterlyse søknaden sin. Eit par veker etter at pasienten har hatt time hos fastlegen, vert dei urolege. – Slike svar kan komme raskt, men det kan også gå seks veker. Sjukehusa har lov å bruke 30 arbeidsdagar på å gi ei tilbakemelding om kva helsehjelp pasienten har rett til. Dei som ikkje veit dette, blir gjerne bekymra, forklarer Rundhovde. Godt samarbeid med sjukehusa Ho har stort sett inntrykk av at kontakten mellom pasient og helseføretak fungerer greitt, men at korte telefontider kan opplevast problematisk. Sjølv har ho positive erfaringar med samarbeidet med dei ulike sjukehusa. Av og til er sjukehuspersonalet litt undrande når ho ringer på vegne av pasientar. For dei kan det verke som ein unødvendig omveg. For pasientar som ikkje veit kva ende dei skal begynne i og synest systemet er uoversiktleg, kan vegen om pasienthjelparen tvert om vere den enklaste. Avklarar ventetida Pasientar som har vore til utgreiing og som står i operasjonskø, blir gjerne ikkje informert om ventetida. Rundhovde kan ikkje hjelpe pasientane fram i køen. Det er ei medisinsk vurdering. Det ho kan gjere, er å ta kontakt med sjukehuset for å høyre kor lang ventetid den enkelte må basere seg på. – Dei fleste opplever ventetid som lang uansett, men eit klart svar gjer ventetida enklare. Mi erfaring er at pasientane taklar betre å vente når dei har ein dato, forklarer pasienthjelparen. Oversikt over kapasitet Når ventetida er avklart, kan Rundhovde informere om behandlingsstader med kortare ventelister. Sjukehusavdelingar ringer henne både om fristbrot og om 20
Pasienthjelpar innan psykisk helsevern, er det minst like vanskeleg å komme gjennom på telefon som det er på sjukehusa. Kvar er ventetidene kortast og kva praksisprofil har dei ulike psykologane? Dette er også eit terreng pasienthjelparen kan vere med å navigere i, men når det gjeld dei private psykologane og psykiaterane som er avtalespesialistar, har pasienthjelparen og Jan Edvard Gjersvoll i Fritt sjukehusvaltelefonen (i Sogn og Fjordane) delt helseregionen mellom seg. Gjersvoll tek seg av slike spørsmål frå pasientar som tilhøyrer Helse Bergen og Helse Førde. Liten pågang frå Haukeland I alle andre spørsmål, står pasienthjelparen til teneste for heile helseregionen, men dei fleste telefonane kjem frå Rogaland. – Eg har lite pågang frå Haukeland, og har inga god forklaring på det, fortel Liv Torunn Rundhovde, som berre er nokre tastetrykk unna – også for bergensarar og vossingar. Fakta Pasienthjelparen betre kapasitet enn venta. Derfor har ho ofte god oversikt over kapasiteten, og kan lett skaffe seg oversikt der ho ikkje har det. Om pasienten ønskjer å nytte seg av fritt sjukehusval, tar gjerne pasienthjelparen seg av det praktiske. Eg kan lytte – Mange ringer også for å lufte tankane. Det kjem ofte fram at vener og pårørande presser på for å få eit inngrep raskt unnagjort på eit anna sjukehus, mens pasienten eigentleg kan vente og helst vil bli behandla lokalt, trass i lengre ventetid. Eg kan ikkje seie kva som er rett eller feil for den enkelte, men eg kan lytte. Det er ofte nok for at pasienten skal kunna ta ei avgjerd, fortel Rundhovde. Koordinerer med private For undersøking og mindre inngrep, finst ei rekke private avtalespesialistar. Det gjeld for eksempel for ulike augeoperasjonar, øyre-nase-hals-inngrep, indremedisin og muskel- og skjelettlidingar. Rundhovde opplever at mange pasientar ikkje er kjent med dette tilbodet. Endå mindre kjent er dette tilbodet innanfor psykisk helsevern. Det vart etablert i juni i år. Navigerer innan psykisk helsevern Hos dei private avtalespesialistane • På grønt nummer 800 41 005 eller e-post: pasienthjelp@helse-vest.no får du som pasient personleg oppfølging rundt dine rettar i spesialisthelsetenesta. Tilbodet er gratis. • I 2008 fekk 2 300 personar hjelp gjennom denne informasjonstelefonen. • Nokre spørsmål kan Rundhovde ta på strak arm, andre gonger må ho ta undersøkande telefonar. Men alle får svar i løpet av få dagar. • Pasienthjelparen får mest telefonar frå pasientar sjølve, men også pårørande og fastlegar bruker denne informasjonstenesta. • Dei fleste telefonane gjeld somatikk. Muskel- og skjelettlidingar dominerer. Her er det ofte lange ventelister. 21
Page 1 and 2: HELSE BERGEN Haukeland universitets
Page 3 and 4: Døden Det siste stell Eit brennand
Page 5 and 6: ” Musikk gjer rom for ettertanke,
Page 7: -- Godt jobbet! Kjenner du en hverd
Page 10 and 11: - Oppi alt det vonde og triste blei
Page 12 and 13: Fotoreportasje ” Jeg vet egentlig
Page 14 and 15: Lunsjpausen starter som oftest med
Page 16 and 17: Tiden det tar. - Jeg har vel ventet
Page 18 and 19: Takk for at du venter, står det p
Page 22 and 23: Eitt år med Lytteposten: Godt å b
Page 24 and 25: Jeg gruer meg til operasjon Uvante
Page 26 and 27: www.kvernelandbil.no Bil siden 1921
Page 28: Returadresse: Helse Bergen Haukelan

Hospitalet 2009 Nr 4.pdf - Helse Bergen

You also want an ePaper? Increase the reach of your titles

Delete template?

Save as template?