Innstilling til ny rettskriving for det nynorske skriftmålet - Språkrådet

øyre [øre] – øyret [øret] – øyre [øre] – øyra [øyri] [øra el. øri] el. øyra – øyra – øyro – øyro
Framlegg til ny rettskriving
Orda auge, hjarte og øyre skal ha desse bøyingsmønstera:
auge – auget – auge – auga el. auga – auga – augo – augo
hjarte – hjartet – hjarte – hjarta el. hjarta – hjarta – hjarto – hjarto
øyre – øyret – øyre – øyra el. øyra – øyra – øyro – øyro
Normhistorikk
Aasen bøygde desse orda slik: auga – auga – augo – augo. Han hadde fleire ord i gruppa
som fekk ei særskild bøying, ofte kalla svak (eller linn) inkjekjønnsbøying. 2002-
innstillinga seier om det:
Hjå Aasen (1864) gjaldt det desse orda: auga, øyra, nyra, hjarta, okla, noda, nysta, eista.
Seinare vart også hyrna rekna hit, medan Aasen reknar det som hokjønnsord. Etter kvart
er fleire av orda flytte ut av denne spesialgruppa og over til anten den vanlege
inkjekjønnsbøyinga (node, nyste [nøste]) eller til valfri ho- eller vanleg inkjekjønnsbøying
(eiste, nyre, okle), slik at gruppa etter 1959 har hatt berre dei tre: auga, hjarta, øyra. (2002-
innstillinga, s. 68)
I 1917 kom det mønsteret som i dag er den vanlege inkjekjønnsbøyinga, altså auge –
auget – auge – auga. Orda auga, nysta og øyra er i Nynorsk ordbok av Matias Skard i 1920
førte opp som klammeformer. 1935-tilrådinga argumenterte for at det dialektgeografisk
ikkje var tvil om at det er fleirtalsformene auger – augene som går vidast ut over landet:
«de fins i nord og sør, i øst og vest, i ’høgnorske’ mål likeså vel som i flatnorske. Det må
da være god grunn til å gi dem rum i skriftmålet òg, …». Men 1938-rettskrivinga
jamstilte dei to bøyingsmønstra for dei svake inkjekjønnsorda. Det var status også etter
1959.
Aasen 1917 1938 1959
Auga auga el. auge auga el. auge auga el. auge
Hjarta hjarta el. hjarte hjarta el. hjarte [hjerte] hjarta el. hjarte [hjerte]
Øyra øyra el. øyre øyra el. øyre øyra el. øyre [øre]
Eista eista el. eiste eiste eiste
hyrna el. hyrne hyrne hjørne el. hyrne
Noda noda el. node noda el. node node
Nyra nyra el. nyre nyre nyre
Nysta nysta el. nyste nysta el. nyste nyste [nøste]
Okla okla el. okle okle okle
98