Innstilling til ny rettskriving for det nynorske skriftmålet - Språkrådet

Dei fleste formene med sl og tl har god utbreiing, men formene med sl er dei vanlegaste i
dag. Det er rimeleg å ta bort former som er lite brukte, som firføsle og firføtle, men la to
former stå der det er tvil om kva for form som står sterkast.
2.3 Former med og utan j etter g og k
2.3.1 J-en er valfri i dagens rettskriving
Status i dag
Verb og svake hokjønnsord med stammeutgang på g eller k har i dag forma med j som
hovudform og forma utan j som klammeform. Det gjeld desse verba og substantiva:
Verb:
bleggja, brengja, bryggja, byggja, deggja, dengja, dyngja, eggja, flengja, glyggja,
hengja, hyggja, klengja, klyngja, kneggja, leggja, lengja, liggja, mengja, nyggja,
ringja, ryggja, sengja, skjeggja, skyggja, sleggja, slengja, sprengja, stengja, strengja,
styggja, svengja, trengja, tryggja, tyggja, (v)rengja
benkja, bleikja, blekkja, blenkja, brikja, bøkja, bøykja, dekkja, eikja, enkja, flekkja,
flikja, føykja, hykja, kikja, klekkja, klykkja, kløkkja, knekkja, krenkja, krøkja, kveikja,
kvekkja, lekkja, lenkja, likjast, mykja, møykja, nykkja, rekkja, rikja, rykkja, røykja,
skjekkja, skjenkja, skrykkja, skrækja, sleikja, slikja, sløkkja, smeikja, snikja, spekja,
sprekkja, sprikja, spækja, spøkja, steikja, stekkja, strekkja, stykkja, støkkja, svekkja,
søkja, søkkja, tekkja, tenkja, trekkja, trykkja, tykkja, veikja, vekkja, vikja
Svake hokjønnsord:
brengje, bryggje, dengje, fengje, flengje, hengje, hyggje, klengje, klyngje, lengje, ringje,
sleggje, slengje, slyngje, vengje, tyggje, (v)rengje
drykkje, enkje, krykkje (stav), lykkje, rekkje, skjøkje, skrikje, sløkje
I dei fleste av desse tilfella er forma utan -j- klammeform, men i nokre få tilfelle er det
tale om jamstilte hovudformer, som t.d. i: enkja/enka v. (jamra), ryggja/rygga v.
Krykkje i tydinga ’fugleart’ er eineform.
Framlegg til ny rettskriving:
Det skal vera valfridom mellom skrivemåtane gj og kj på den eine sida og g og k på den
andre sida, i ord som i dag har former med gj eller kj som hovudform, og former utan j
som klammeform.
61