Innstilling til ny rettskriving for det nynorske skriftmålet - Språkrådet

Når det gjeld orda der m og mm har vore valfrie til no, er det etter nemnda sitt syn klokt
å halda på valfridommen i dei orda som er frekvente. I mindre frekvente ord bør det
halda med ei form.
n/nn
Nemnda har fått innspel på at ho bør behalda substantiva drøn, døn og støn dersom
verba drynja, dynja og stynja blir ståande i rettskrivinga. Formene med -ynj- hadde
eigentleg avleiingane dryn, dyn og styn, med open y. Desse vart seinare normerte til ø:
drøn, døn og støn. Tilsvarande bør ein sjå drønn, dønn og stønn som avleidde av drønna,
dønna, stønna.
Det synest elles fornuftig å behalda valfridommen i ordpar der begge former står sterkt,
til dømes bøn/bønn, ven/venn.
Andre konsonantar
Utbreiinga for både enkel- og dobbelkonsonant er så stor i både tale og skrift at det er
rimeleg å halda på valfridommen. Å gå berre etter frekvensen i skrift ville ikkje her ha
gitt noko mønster som var til hjelp. Men dersom ein held oppe valfridommen i heile
gruppene, kan flest mogleg orientera seg ut frå talemålet sitt.
Nemnda har likevel ikkje funne grunn til å halda oppe former dersom det ikkje har vore
mogleg å dokumentera at dei har vore i skriftleg bruk i prenta tekst.
2.2.2 Annan konsonantvariasjon
Status i dag
Saka gjeld ei rekkje ord som i dag har to valfrie former med ulike konsonantar, eventuelt
ulike konsonantgrupper eller ei form med og ei form utan konsonant.
Framlegg til ny rettskriving
‣ Ord som i dag har to valfrie former med ulike konsonantar, blir ståande med to
valfrie former dersom begge er vanlege i bruk. Døme: trua el. truga.
‣ Former som er lite brukte, kan takast ut av rettskrivinga. Døme: speida el. speia.
Forma speia går ut.
Dagens rettskriving
Desse
formene går
ut:
Desse formene blir
ståande i ny
rettskriving:
d/0
mo el. mod adj. (trøytt)
mo el. mod adj. (trøytt)
speida el. speia v. speia speida v.
Merknad
58