Innstilling til ny rettskriving for det nynorske skriftmålet - Språkrådet

2 Lydverket
2.1 Vokalisme
2.1.1 Variasjon mellom to vokalar
Status i dag
I dag inneheld norma ei mengd ord som har to valfrie hovudformer med ulik vokal,
eventuelt ei hovudform og ei klammeform med ulik vokal. Døme: jarn/jern, seter [sæter],
bytte [bøtte].
Nedanfor er desse orda samla i grupper, ut frå kva slags vokalveksling dei har. I nokre av
gruppene har orda lite til felles med kvarandre, men oppstillinga av ord med same
vokalveksling kan vera nyttig innanfor somme grupper – særleg vekslinga e/æ og y/ø.
Framlegg til ny rettskriving
Prinsippet er at lite brukte former går ut, men at det så langt som råd er, blir etablert
mønster som kan vera til hjelp for nynorskbrukarane. Særleg former som i dag er
klammeformer, går ut, men også ein del jamstilte former.
‣ For dei fleste ord som i dag har veksling mellom a og o, går forma med o ut.
Døme: harv [horv]. Forma [horv] går ut.
‣ For dei fleste ord som i dag har veksling mellom e og æ, går forma med æ ut.
Døme: seter [sæter]. Forma [sæter] går ut.
‣ Dei fleste ord som i dag kan skrivast med ø eller y, får to jamstilte former. Døme:
syster [søster]. Begge formene blir jamstilte.
‣ For å demma opp mot at det offentlege og læremiddelprodusentar skal velja dei mest
bokmålsnære formene, går nemnda inn for at skule, berr og berre blir eineformer.
Formene skole, [bar] og [bare] går ut or rettskrivinga.
Nedanfor følgjer ei liste som viser kva for ord framlegget gjeld.
Dagens rettskriving
Desse
formene
går ut:
Desse formene blir
ståande i ny
rettskriving:
a/e
aftan el. eftan m. aftan el. eftan m.
altar el. alter n. alter altar n.
annan [annen] determ. [annen] annan determ.
Merknad
37