Innstilling til ny rettskriving for det nynorske skriftmålet - Språkrådet

Nemnda har gått gjennom nokre lærebøker for å sjå kva slags former som synest å
dominera der. Også KAL-materialet frå 2000 har vore brukt indirekte, fordi det var
brukt i granskingane til Wetås og Søyland i 2001.
Når det gjeld upublisert språkbruk, har me lite materiale å gå ut frå.
Rettskrivingsnemnda har bedd Fylkesmannen i Hordaland om å få tilgang til elevtekstar
frå eksamen i vidaregåande skule våren 2010. Fylkesmannen kontakta
Utdanningsdirektoratet, som avslo søknaden. Det inneber at me har lite tekst frå unge
vaksne. Dette er materiale som kanskje kunne ha sagt noko om pågåande
utviklingstrendar.
1.8 Disposisjon i innstillinga
2002-innstillinga skilde mellom «Framlegg til valfrie former» og «Framlegg om former
som går ut or den gjeldande rettskrivinga». I denne innstillinga har me valt å behandla
lydverk og formverk i kvart sitt kapittel, og la det gå fram av forslag til vedtak kva som
blir ståande i rettskrivinga, og kva som går ut.
Ut frå mandatet og prinsippa har nemnda sett opp ein disposisjon for kva som skal
takast med i drøftinga av kvart tema:
Status i dag
Framlegg
Normhistorikk
Skriftspråkleg tradisjon og praksis
Talemålsgrunnlag
Vurdering
Denne disposisjonen er stort sett den same som den Sandøy-nemnda brukte for kvart
tema i 2002-innstillinga. Det er lagt meir vekt på skriftspråkleg tradisjon og praksis i
denne innstillinga enn i 2002-innstillinga, og det punktet kjem derfor før punktet om
talemålsgrunnlag.
Listene over ord som er vurderte, inneheld stort sett berre grunnform av orda. Når det
til dømes er føreslått at vyrda og vørda blir jamstilte former, gjeld det òg
vyrdsam/vørdsam, vyrdeleg/vørdeleg og vyrdnad/vørdnad.
36