Innstilling til ny rettskriving for det nynorske skriftmålet - Språkrådet

Framlegg
For verba leggja og seia går preteritumsformene lagde og sagde ut or rettskrivinga.
Normhistorikk
2002-innstillinga, s. 130: «Oppføringa for seie var i Den nye rettskrivning II Landsmål frå
1918 segja [seia] – sa(gde) – sagt. Verbet leggje var ikkje teke med der, men i
Landsmaalsordlista til Matias Skard frå 1903 finn ein leggja – legg – lagde/la – lagd.
Preteritumsformene la/lagde og sa/sagde har sidan vore jamstilte.»
Skriftspråkleg tradisjon og praksis
2002-innstillinga, s. 139: «Nynorsk frekvensordbok har 1589 belegg på forma sa, ingen på
sagde, 289 på la, ingen på lagde.»
Talemålsgrunnlag
Her har me inga nyare undersøking å visa til.
Vurdering/konklusjon
Som nemnt gjekk 2000-framlegget inn for å ta ut forma sagde. At lagde ikkje vart teke
med i same vedtaket, er ein opplagd mangel og blir retta opp no. Preteritum på lagde og
sagde er så å seia heilt ute av bruk.
3.4.6.d Bøying av tre(da) og trå
Status i dag
Verbet tre(da) (’trø’, tre fram) har i dag denne bøyinga:
tre(da) – trer/tred [treder] – tro(d) – trede/tredi el. tre(de) – tre(de)r – tredde –
tredd/tredt
Verbet trå (gå, stiga) har i dag denne bøyinga:
trå – trår [trær] – trådde/tro(d) – trådd/trått/trede/tredi
Framlegg til ny rettskriving
Det sterke bøyingsmønsteret og langforma i infinitiv og presens av verbet tre(da): treda
– tred(er) – tro(d) – trede/tredi/tredt går ut or rettskrivinga. Ny bøying blir:
tre – trer – tredde – tredd
175