Innstilling til ny rettskriving for det nynorske skriftmålet - Språkrådet

Vidare står det s. 91: «Talemålsgrunnlaget er godt for begge formene av gi og gav.»
Vurdering
Både gi og gje blir brukte i skrift så mykje at det talar for at dei begge får plass i norma.
Også langforma gjeva er noko i bruk i skrift og bør takast med i norma vidare.
Dei andre formene ([ganga, gjeng, gjenge/gjengi og imp. gakk]; standa, stend, stade/stadi
og imp. statt]) er lite brukte i skrift, og bør takast ut av rettskrivinga.
3.4.6.b Bøying av få, gå, slå, slåst, stå
Status i dag
I dag har verba få, gå [ganga], slå, slåst og stå [standa] denne bøyinga:
få – får [fær] – fekk [fikk] – fått [fenge/fengi]
gå – går – gjekk [gikk] – gått [ganga – gjeng/gjenger – gjekk – gjenge/gjengi, imp.
gakk] 17
slå – slår [slær] – slo – slått/slege/slegi
slåst – slåst [slæst] – slost – slåst/slegest/slegist
stå – står – stod [sto]– stått [standa – stend/stender – stod/sto – stade/stadi, imp.
statt]
Framlegg til ny rettskriving
For verba få, gå, slå, slåst og stå går sideformene [fær] – [fikk] – [fenge/-i], [gjeng] – [gikk]
– [gjenge/-i – [gakk]], [slær] og [slæst], [stend], [sto], [stade/-] og [statt] ut or norma.
Verba skal bøyast slik etter ny rettskriving:
få – får – fekk – fått
gå – går – gjekk – gått
slå – slår – slo – slått/slege
slåst – slåst – slost – slåst/slegest
stå – står – stod – stått
Normhistorikk
[fær] [ fenge]
Etter 1917 kom dei svake presens- og perfektum partisipp-formene får og fått inn
jamsides med fær og fenge. Etter 1938-rettskrivinga var både fær og fenge borte frå
ordlistene, og om fengi står det i Skards Nynorsk ordbok frå 1945 at det kan brukast «i
poesi». Presensforma fær kom fyrst inn att i rettskrivinga, og då som klammeform, etter
eit vedtak i Norsk språkråd i 1983.
17 Jf. drøftinga av infinitiv ganga under punkt 3.5.1.
173