Innstilling til ny rettskriving for det nynorske skriftmålet - Språkrådet

Deira [deires]
I dei ti skjønnlitterære verka frå 1930-åra som Vikør (1995b) undersøkte, fann han at
sju forfattarar skreiv hovudforma deira, medan tre valde deires eller liknande former.
Alle dei ni forfattarane frå 1950-åra valde forma deira. Ni av dei ti forfattarane frå 1970-
åra valde deira, mens Åsmund Forfang valde skrivemåten deires.
Også Wetås (2001a og b) fann at hovudforma deira var heilt dominerande. Nynorsk
frekvensordbok har 235 belegg på deira, ingen på [deires].
Annan [annen]
Nynorsk frekvensordbok fører opp 306 belegg på annan, medan [annen] er funne i 11
tilfelle.
Wetås (2001a og b) fann så å seia ingen døme på forma [annen]. Vikør (1995b) fann at to
av forfattarane frå 1930-åra, Åsmund Sveen og Tarjei Vesaas, skriv annen, som ikkje var
del av norma på den tida. To av forfattarane frå 1950-åra og to av dei ti frå 1970-åra
brukte annen.
Anna [onnor], noka [nokor]
Wetås (2001a og b) fann så å seia ingen belegg på klammeformene [nokor] og [onnor] i
materialet ho undersøkte.
Vikør (1995b) fann at hokjønnsforma onnor vart brukt av fire forfattarar frå 1930-åra.
Berre éin brukte forma nokor. I forfattarskapane frå 1950-åra fann han onnor hjå to
forfattarar. Blant forfattarane frå 1970-åra var det ingen som brukte onnor og nokor.
Eiga [eigi]
Eit søk på [eigi] i nynorskkorpuset gir mange treff, men viser at forma finst nesten berre
i eldre materiale som Garborg, Fedraheimen, Bibelen frå 1921 og eldre Vesaas-tekstar.
Sjølv
Det er vanskeleg å søkja på sjølv brukt i fleirtal, fordi forma fell saman med eintalsforma.
Men inntrykket er at både sjølv og sjølve er i bruk som fleirtalsformer.
Talemålsgrunnlag
Hennar [hennes]
2002-innstillinga seier om utbreiinga av talemålsformene hennar og hennes:
Ut frå talemålsundersøkinga 1999 ville 59 % av dei spurde sagt hennes/hinnas, 30,5 %
ville brukt henna(r)/hinna, og hennærs var talemålsforma for 3,5 %. (2002-innstillinga, s.
126)
Deira [deires]
Om talemålsformene deira og deires seier 2002-innstillinga:
Deira blir i rapporten omtala som vestlandsforma, brukt av 83 % av dei spurde frå Sogn og
Fjordane, av 72 % frå Møre og Romsdal og av 54–56 % frå Hordaland og Rogaland. (…)
152