Innstilling til ny rettskriving for det nynorske skriftmålet - Språkrådet

Vurdering
Sidan nemnda har gått inn for å fjerna i-endingane i sterke hokjønnssubstantiv, fell
hokjønnsforma liti, opi i adjektiv naturleg bort. Det har kome innspel om å ta inn forma
opa, som har eit visst grunnlag på Vestlandet, men nemnda har ikkje gått inn for det,
sidan forma aldri har vore inne i rettskrivinga før.
Når det gjeld inkjekjønnsendinga, peikar Sandøy-nemnda på at dei ulike formene synest
å høyra til ulike stilnivå:
Former som opent blir kanskje oppfatta som moderne eller 'urban' nynorsk; i alle fall
unngår dei som markerer seg med tradisjonell stil, å bruka slike -ent-former. Nøytrale i ein
slik samanheng i dag er -en i hokjønn og -e i inkjekjønn. (2002-innstillinga s. 73)
I inkjekjønn er endinga -e den tradisjonelle, og den naturlege i mange vanlege adjektiv
på -en. Men denne bøyinga ser ikkje ut til å vera produktiv lenger, og nye ord som kjem
inn i nynorsk, ser ut til å bli tekne i bruk med -ent, sjølv om denne endinga hittil har hatt
klammeformstatus. Denne forma står svært sterkt i talemålet.
Nemnda meiner derfor at endingane -e og -ent begge bør tillatast i inkjekjønn i desse to
adjektivtypane – den tradisjonelle (open – ope/[opent]) og den nyare (guffen –
guffe/[guffent]).
Adjektiv som klart er avleidde av eller samansette med sterke partisipp (t.d. kjærkomen,
halveten), følgjer som før bøyinga for partisippa. Det vil seia at dei ikkje kan ha -entforma
i inkjekjønn.
3.2.2 Komparativ og superlativ av visse stadadverb
Status i dag
Mange stadadverb har i dag valfrie former i komparativ og superlativ. Fleire har ei
langform og ei samandregen form i komparativ og/eller superlativ. Døme: att –
attare/attre – attarst/attast.
Framlegg til ny rettskriving
Langformene i komparativ og superlativ av nokre stadadverb går ut or rettskrivinga, t.d.
former som attare – attast.
Framlegget får følgjer for desse orda:
Denne bøyinga gjeld i dag:
Desse formene Denne bøyinga blir
går ut:
gjeldande i ny rettskriving:
att – attare/attre – attarst/attast attare – attast att – attre – attarst
133