Innstilling til ny rettskriving for det nynorske skriftmålet - Språkrådet

Vurdering
Sandøy-nemnda nemner ord på -ing/-ning og importord som grupper med skiftande
kjønn. Nemnda har ei eiga sak om kjønn på -ing/-ning-ord, ord med suffikset -sel/-sle,
ord med suffiksa -vere/vær(e), og ord som endar på -skap. Dessutan drøfta nemnda
kjønn på dialekt og andre importord, men bestemt seg for ikkje å gå vidare med det no.
Med den tida nemnda har til rådvelde, er det heller ikkje aktuelt å sjå på valfridommen i
kjønn på substantiv generelt.
Av søka på ein del importord er det ikkje slåande mykje feil bøying, men det er
prosentvis mest feil bøying av uniform, dialekt og brosjyre (samanlikna med
rettskrivinga). Det kan synast som om skribentane veit at dei fleste importord har
hankjønnsbøying i skriftmålet, sjølv om desse orda har varierande bøying i dialektane.
Det ville sjølvsagt vera mogleg å vurdera valfri bøying for nokre av orda som her er oppe
til vurdering, utan å ta heile gruppa.
Sjølv om ordet bise er eit importord, fell det lydleg godt saman med norske arveord.
Likevel bør det truleg behandlast på same måte som andre importord på -e.
Valfridommen i kjønn på substantiv er eit stort emne som bør gjerast til gjenstand for ei
eiga utgreiing ved eit seinare høve.
3.2 Adjektiv og adverb
3.2.1 Adjektiv på -en
Status i dag
Alle adjektiv på -en skal i dag bøyast med endingane -en [-i] i hokjønn og -e/-i [-ent] i
inkjekjønn. Perfektum partisipp av sterke verb får ikkje endinga [-ent] i inkjekjønn.
Framlegg til ny rettskriving
Hokjønnsbøyinga [-i] (ei opi dør) heng saman med i-mål og går ut or rettskrivinga saman
med i-målet. Inkjekjønnsforma -ent blir jamstilt med -e: ope eller opent.
Døme på korleis ny bøying ser ut:
Denne bøyinga gjeld i dag:
Desse formene
går ut:
Denne bøyinga blir gjeldande i
ny rettskriving:
130