Innstilling til ny rettskriving for det nynorske skriftmålet - Språkrådet

Skriftspråkleg tradisjon og praksis
Nokre søk i nynorskkorpuset gir desse resultata:
blekksprut:
blekksprute:
krydder:
krydde:
krydd:
46 treff
0 treff
290 treff
49 treff
10 treff
trikin:
trikine:
truge:
trug:
6 treff
1 treff
18 treff
0 treff
muskedunder:
muskedundre:
3 treff
1 treff
Det er søkt i heile materialet i nynorskkorpuset, og dei få treffa me får på dei sjeldnaste
formene, er til dels nokså gamle.
Talemålsgrunnlag
Det er ikkje undersøkt.
Vurdering
Desse substantiva har to nesten identiske former av oppslagsordet, men ulikt kjønn. Dei
utgjer ein liknande problematikk som substantiva som valfritt kan ha ein -e til slutt
(punkt 2.4.1). Til dei fekk me innspel om at me må sjå på ord av typen holm/holme som
ulike ord, og ikkje som ulike former av same ord. Slik kan ein sjå på mange av orda i
denne saka òg. Spørsmålet er om det er nok i seg sjølv at orda har ulik ordlaging (dvs.
ulikt kjønn), eller om kriteriet om tyding bør koma i tillegg.
For fem av orda ovanfor (blekksprut m. / blekksprute f.; krydder n. / krydde f. / krydd n.;
muskedunder m. / muskedundre f.; trikin m. / trikine f. og truge f. / trug m.) må ein kunna
seia at dei to formene har same tyding, sjølv om dei har ulik bøying. Det inneber at dei
skal førast opp som alternative oppslagsformer til same ordartikkelen i ordbøker. Når
det er tydingsskilnader mellom dei to ulike formene, er det derimot høve til å føra dei
opp som to ulike oppslagsord på alfabetisk plass.
Den eine varianten av dei fem orda ovanfor er svært sjeldsynt i skrift, og har same
tydingsinnhald som forma som står att. Nemnda meiner derfor at desse fem formene
kan gå ut or rettskrivinga.
117