RAPPOR T Evaluering av NVE sitt snøstasjonsnettverk

4.2.1 Vind
Vind kan transportera store snømenger og har stor påverknad på korleis snøen fordelar seg i høgfjellet.
Ved nysnø og kaldt vêr kan snø byrja å driva ved rundt 5 m/s (laber bris). For å flytta på gamal,
hardpakka snø ved lufttemperatur over 0 o C, treng ein vindstyrke over 25 m/s (liten til full storm). Ein
generell regel er at når vindhastigheita vert dobla, vert snøtransporten åttedobla (Lied og Kristensen,
2003). Fokksnøtransport skjer hovudsakleg i den fyrste meteren over snøoverflata. Fokksnø er veldig
tettpakka og kan henga saman i store flak.
Vindtransport av snøen gjer at ein ikkje får homogen fordeling av snøpakka. Vind er også ein veldig
viktig faktor i danning av ulike sjikt og avsmelting av snøpakka. Vind kan gje skarelag på
snøoverfalta.
Stasjonen 73.11 Kyrkjestølane ligg i høgfjellsområde med mykje vind. Snøputa låg før oppgraderinga
i 2009 veldig nær stasjonshytta, og ein antek at vinddrift rundt hytta påverka snølegginga. Figur 13 og
Figur 14 viser 2 episodar der ein veit at vind har hatt stor påverknad på snølegging på stasjon 73.11
Kyrkjestølane. Begge desse snøfalla skjedde under sterk vind, og all snøen som har kome på puta låg
her berre i ein kort periode før den vart transportert vidare med vinden.
Bilde 32: Snøskavl rundt stasjonshytta på Kyrkjestølane.
Andre snøputer som me veit er påverka av vind er Fokstua og Siccajavre. Vindtransport har størst
effekt på ”små snøpakker” (Engeset red. 2000).
69