RAPPOR T Evaluering av NVE sitt snøstasjonsnettverk

212.010.0 Masi
Historikk: Puta vart set ut i 1997, og har felles logga med vassføringsstasjonen på Masi. Sensorar frå
snøputa er trekt gjennom eit plastrøy som er grave ned under vegen og inn til hytta.
Det vart skiftapute i 2003, 2007 og 2008 på grunn av punktering (type NVE1997).
Det har berre vore ein munnleg avtale mellom grunneigar, og tidligare observatør Agnar Johnsen om
plassering av puta. Ved montering av snødjupsensor hausten 2010 kravde grunneigaren puta og
snødjupsensor fjerna. Snødjupsensoren vart fjerna med ei gong. Puta vart punktert 15.09.2010, og det
er ikkje sett opp ny pute etter dette. Det skal gjerast befaring for mogleg ny snøputeplassering i
området rundt Masi vinteren 2010/2011.
Lokalitet: Puta ligg 272 moh i Masi, ca 20 meter frå Kautokeinokolva i Finnmark. Den er plassert i
hjørnet av eit jorde, og er ikkje grave ned i bakken. Rundt puta veks det mykje gras. Puta ligg noko
nedsenka i terrenget, men i eit relativt flatt terreng.
Observatør: Agnar Johnsen var observatør fram til 2008. Anders Bjordal tok då over jobben.
Parameter: Stasjonen er tilknytt avløpsstasjon
Parameter Etablert Kommentar instrumentering Kommentar data
17 14.11.2002
2003 31.10.1997 Snøpute type NVE1997. Puta er ikkje
nedgrave i bakken. Trykkcellene står i
stigerøyr
Datakvalitet: Gode data frå 9 av 13 sesongar. Manglande sesongar skuldast punktering av puta.
Snøstrekk ved snøputekontroll viser at snødekket ofte varierar med rundt 10-20 cm. Variasjon i
kontrollpunkt og puteverdiar viser denne variasjonen.
Problem: Snøstrekka kan vera påverka av skuterkøyring på jordet. I perioden der Agnar Johnsen var
observatør (1997 til 2008) ligg ofte kontrollmålingane noko under verdiane frå puta. Frå 2008 endrar
dette seg noko. Dette kan komme av at snøen rundt puta varierer, og at Agnar Johnsen har målt i ein
sirkel rundt puta der det er mindre snø enn der Anders Bjordal måler. Når verdi for snødjup rundt puta
vert bruka til utrekning av kontrollpunktet, vil desse variera avhengig av kor nært puta ein måler (sjå
diskusjon i kapittel 6 Manuelle snømålinger).
Anbefaling: Dersom brukarane av data vurderar det som nyttig med snødata for Masi, bør det verta
gjennomført befaringar for å finne ny og representativ plassering. Det bør gjerast kontrollmålingar ved
gamal plassering sjølv om vi ikkje får verdiar frå puta i vinter. Desse vil kunne vera verdfulle for å
eventuelt gjere ei samanlikning mellom ny og gamal plassering av puta.
46